迦南幼稚園 家長分享

emilylin

wendy
我都覺得D時間唔係好夾,多數係星期一至星期四多,仲要5至6點,個時間好監介,我奶奶要煮飯就唔到,我淨係參加咗"布袋故事"咋,所以而家搵緊D畫班同芭蕾舞比Emily學,係呢你囝囝係荃灣豪辉中心學畫畫幾錢呀,星期日有冇架,唔知收唔收3歲呢??你個仔工人湊??,我想問你翁老師同葉老師有冇教過你個仔,佢地點架??(好似好多問題呵,希望你唔好介意)

emilylin

somimi

有外籍老師教英文,K1每天都有"小肌肉訓練"練習,到而家為止做過搓泥膠,摺手帕,疊積木,每星期一個主題,主要是促進手眼協調性,另逢星期五都有一張工作紙,如塗顏色,又有D學習卡紙派給你在家自行温習,一 星期派一次,其他多數唱吓歌,做吓運動咁,暫時都不是太多野做,遲D唔知啦,你小朋友幾大呀??想報呢間定第間??

emilylin

法子
我攞咗章程啦,有一班是"芭蕾舞班",逢星期日下午2:05至2:50,另一班是"創意舞蹈班"逢星期日下午2:55至3:55$180四堂(用品自備)返三個月為一期,十月開班,但每班只收12人先到先得,25/9下午2:00開始接受報名,我都唔知趕唔趕得到報名,唉,畫班就逢星期六中午12:05至1:00,11:05至12:00,$240(自備用品)呢D時間又唔多啱,Emily12:45要返"布袋故事"更何況畫室ymc費過南豐個間,我可能比emily星期日返南豐畫室,由10月開始,但都會搵吓有冇其他,至於芭蕾舞,我要等我老公個堂妹覆佢教邊班同埋報唔報到,如果full咗再搵其他,總之10月要比佢開始學d野啦,你點呀,有決定未??

emilylin

somimi
係呀,迦南k3要上pm真係幾煩架,我鍾意小朋友讀am,精神好d,我係報咗名先從朋友口中得知k3要返pm,我朋友話佢為咗谷收生,因好多家長想報am,所以將k3全部轉pm,佢諗住d家長仲淨一年多數唔會轉,d小朋友又習慣咗,所以有咁嫁安排,我老公話到時睇情況,個囡如果讀得開心又學到野都唔會攪咁多野,咩救世軍截咗紙啦,咁快,佢唔係10月先開始報名咩,我記得舊年我好似10月先交表架??
我有個朋友個囝囝讀根德園K1,而家教個DK1課程同迦南差不多,但佢比個D K2功課同測驗卷我睇(佢問朋友攞)好深呀,有D寫咗一句英文句子跟住畫圖,寫咗英文字跟住要畫出來,中文有D要作文,迦南我就唔知K2D課程如何啦,係呢唔知係唔係得呢間先係K3讀PM呢??

emilylin

法子
今日係公司得閑,見都未試過轉大頭相,咪轉吓羅,但要cut 到咁細張都唔係睇得好清楚,你張大頭相咁清,你好鍾意酒井法子架??你買咗校服啦??你淨係得黃色個索袋仔??應該仲有紅色同藍色喎??唔通K2得一個??
係呀我同個朋友夾份請咗老師畫畫,呢個老師係呢個朋友的舊同事,一星期教一日1.5小時一人$75.00,同出面一班差不多價,但佢淨係1:2喎,仲可以睇住佢樣教

emilylin

法子
個毛巾盒老師會貼張Lable有名有班別,同透明袋一樣老師會貼架啦,
個朋友係自己上門教小朋友,原本佢教1:1,但因為識佢,佢話都可以嫁,咁我地咪試吓先,佢話初初可以逐堂計,如果兩個小朋友都ok,咁就1個月計,仲有一個好處我可以睇住佢地嗎,因係我屋企教

emilylin

法子
應該冇中秋慶祝會,手冊冇通知,可能地方細,但上星期有做燈籠交學校,今日學校開生日會,同d9,10月生日開,唔洗著校服,原來每個生日會都有一個主題,9,10月生日會主題係世界兒童日,emily話玩得好開心,又有禮物收(一個牆燈,一支牙刷同生日相),係呢Bovie幾時生日??
畫畫時間我打錯,應該係1個鍾,嘻嘻
我都驚坐唔定,試吓先,反正逐堂計,到時唔得咪唔學都可以,係呢Bovie會唔會唔捨得班同學仔同老師??
你有冇同佢講??

emilylin

somimi

咁你諗住點呀,你住邊架??

emilylin

法子
Emily係9月尾生日,學校星期五同9,10月生日開生日會,d生日相冇得揀得一張連相架,另一張是3R,生日唔洗另外收費喎,兩張都影得一般,不過唔洗錢係咁,唔好要求咁多   
今日同Emily係屋企開生日會,佢好開心有咁多小朋友同佢玩,又有禮物收,但我就好倦,搞咗成日,仲辛苦過返工,下年搞一定唔係屋企搞,起碼唔洗執先啦,今晚emily臨訓前突然同我講"多謝媽咪"(佢自己無端端走過梨講,講完就去訓)我聽到之後好甜,點辛苦都值羅
我都知做先生既都係人..梗會有一個半個特別喜愛的..做家長更加清楚冇可能要求全世界d人都喜愛你,有時我覺得老師同學生都係要講"緣份",可能同星座有關 不過小朋友適應能力強過大人,我相信Bovie好快適應新的學校同搵到另一個"安安老師"

emilylin

法子
PARTY食物有,雞翼,腸仔,春卷,豬柳零食....多數係小朋友至愛,初初我都驚整得唔好食,好彩都不是太差,d野都食得七七八八,因我好少下廚,廚藝不精,好彩我老公對食不是要求太高
係呢你洗唔洗煮飯架??
Bovie4/10先返迦南,咁呢幾日物冇返學??

祝中秋節快樂,

emilylin

NWY

面試好簡單,
家長同小朋友一齊見,會問小朋友幾歲,咩名,同埋比個圖畫講出相中是咩野,就算唔識都不太緊要,最主要佢睇小朋友反應,舊年我個囡都不是太識,佢都話ok,
祝中秋節快樂


wendy
中秋節快樂

  

emilylin

法子
好唔係好識煮,最叻煮公仔麵 ,煎,炸(現成個D再加工) 其他.....一般啦,可以食落口咁啦,好彩我老公對食好求其
好屋唔係好大,500尺左右,個日有成6個小朋友加10個大人,好熱鬧,但執屋就.....好倦
Bovie今日LASTDAY,點樣呀,有冇依依不捨??

emilylin

somimi
你都唔洗太過擔心,emily舊年11月interview都係唔係好肯講同答人,我個陣都幾擔心,但個d老師都好好,emily舊年interview先得2歲2個月,都係淨係講單字,自己個名又係講單字(唔識講全名)佢地會因應小朋友幾大去睇,卒之而家咁讀緊呢間羅,係呢你囝囝幾時interview??

emilylin

somimi
到時in完都會知收唔收,不過多數收,in完話比我地聽分享吓,你報上午班??toto係下年返大坑東,聽法子話呢間幾好,點解報迦南??遠的問題定其他
舊年emily報咗綠楊,浸信會,佢第一間in綠楊,in的形式用活動形式,d老師同小朋友一路玩一路傾吓問d問題,家長坐在一邊不可在場,我諗住唔收,點知收咗,我都交咗留位費,但d朋友話呢間不是太好,而我對個校長印象一般所以冇讀,另一間浸信會,佢用一對一問,你今年幾歲,叫咩名,今朝食咩早餐,跟住攞d物件問d問題(如有一把梳,一隻匙,問咩用來梳頭),玩配對,將圓形,三角形,正方形放係適當位置,emily有d唔識,淨係收佢下午waiting list,我見下午就冇等,我原本都報聖母,但我排到我時得下午班d表,所以冇報,我聽d家長話有d神早4點就去排,真利害,有d朋友話呢間要講關係,如果有兄弟姊妹係度講過實收,我有個朋友佢個囝有去in全部問題都識但都唔收,有個因哥哥在呢間讀過,不需太識都收
仲有我覺得去in個陣,年齡係一個問題,有D小朋友大有D細,咁問題肯定對D年齡小輸蝕

emilylin

法子
首先代emily多謝你先,
你專登請假倍Bovie,真係好,希望bovie好快適應到,d野準備好未??手索袋你得藍色,我諗你要問吓學校可能k2得藍色咋,
10月11至16係k1家長日呀,唔知k2有冇呢??

emilylin

somimi
你有兩個小朋友??,大仔讀小學??
你除咗報迦南,仲有冇報其他??

emilylin

法子
我係度歡迎Bovie加入迦南呢個大家庭,希望Bovie在迦南開開心心過每一日,我期待你明天跟我地分享     

emilylin

珮珮媽咪
我囡囡剛返咗兩個月,到而家為止都幾好,佢返得好開心,日日都同我匯報係學校發生d野,老師都好nice,如果小朋友有咩問題都會主動打電話同家長傾,校舍睇你報邊間,我囡囡讀呢間不是很大間,好似九龍塘個間好大,學習氣氛方面,每日教d咩,囡囡都會話我知,同每星期尾都在手冊寫明教d咩,咁我問囡囡識唔識,佢又識喎,所以我覺得學習氣氛應該幾好,而家開始報名啦,填張申請表交3-4張相(不是太記得幾張),回郵信封幾個(又是不太記得幾個),出世紙副本,報名費好似$30如果冇記錯,就會安排面試時間,你可以到以下網址睇睇www.cannan.edu.hk
係呢你想報邊區迦南呀??

emilylin

maymay2000
歡迎你囝囝加入迦南大家庭,雖然你囝囝不是同我囡囡同一間,但都是"校友"希望以後多d分享呀
有時選擇學校都要講"運氣",有d幼稚園真係"報名時一個樣","讀時又另一個樣"其實都唔明而家好多幼稚園都話收生不足,點解唔比多d心機去攪好口碑同師資,咁就算收生不足都有得同人爭呀
迦南我覺得老師都好nice,如果小朋友有咩問題都會主動打電話同家長傾,學習氣氛方面,每日教d咩,囡囡都會話我知,同每星期尾都在手冊寫明教d咩,咁我問囡囡識唔識,佢又識喎,所以我覺得學習氣氛應該幾好
我希望你囝囝在迦南可以開開心心咁讀,而你又放心

emilylin

法子

好呀,你邊日得閑呀,一齊交流吓,或者可以唱k喎,好想聽Bovie唱歌
今日你同Bovie一齊返,你可以陪佢上堂定點呀,有冇功課做呢,d野同舊校可以接上嗎?你話Bovie比較慢熱,比d時間佢去適應新環境,我相信佢好快適應,係呢佢個班有幾多人呀??男多定女多??你有問個d索袋係唔係得藍色??