迦南幼稚園 家長分享

emilylin

首先多謝eunices報料,我已經係11/10交咗表啦,我買咗運動服2套(驚落雨唔干),冷衫+雙面大褸各一件(囡囡返學放學係行路驚大風),衛衣買一件,主任話唔買都可以係出面買相同就可以,唔一定要有學校logo,所以買一件睇咩款再係出面買多幾件替換,出面應該平d   

emilylin

法子
我見你冇咩聲氣,以為你唔得閑冇再問你
我今日見完家長,同班主任傾咗好耐,emily個班主任真係好好人,好有心機聽我講,原本張通告寫會面時間係得15分鍾,但佢足足用咗差不多一個鍾同我傾,真係好,佢好有心機同我解釋有d感動,原來每個月都有一個評估,係9月份emily好多都係一般,老師話正常,佢話下個月好d喎,仲有本oral比佢溫習,跟住11月就開始有功課,仲有年尾學校有個家年華
你放完假未,Bovie搭校車呀,D時間夾唔夾呀??
題外話:emily個班主任都幾靚女架

emilylin

wendy
emily 係讀上午K1,佢冇搭校車,原本想比佢搭,我奶奶話咁近,小朋友當做運動(都唔係近架,我住路德圍,行都要15分鐘,有時都驚佢倦,所以想佢搭,校車費都係$300到),但我奶奶堅持話搭校車要好早去等又要周圍去接其他學生,等得梨都去到羅,不如比emily訓多陣好過,佢咁講我都冇得講啦,佢老人家都唔介意一日行兩轉,唔通我堅持咩....
hugo鍾意返學就好羅,K2下個月係唔係有家長日定係淨係K1先有??你邊個湊hugo返學放學??
係呢翁老師有冇教過hugo??

emilylin

法子
   ,點解咁唔小心呀,真係肉都赤埋,有冇搵野茶吓,好多人話獅子油得,如果冇,用雞蛋同佢"陸吓"等佢有咁"於",點會跌咁犀利架,小小"損"有冇流血,我都替你心痛   

emilylin

miriammami
係呀,都唔識整個club,佢咁多分店,我次次去親都買好多平野,而家呢個sales唔係好熟,我同個肥肥地熟d,
河馬我都會趁佢大減價去買,有儲緊coup換沙發
我有d關於琴請問你,初學用二手好唔好,tomlee介紹一隻廣州出,係唔係大陸出就唔好??

emilylin

miriammami

大減價member再八折(好似),但就冇fun,我而家得12個印花,仲爭6個先可以免費換迷你沙發,其實而家都可以換,但要加成$300幾蚊,我覺得唔值,希望係下年2月截止前可以換到,如果唔係就"吳低"
其實佢同牛牛d野都幾好,但有d質地一般,反而覺得雞雞d款靚d,但就貴d,
你講得冇錯,冇胃為咗慳個小小,攪到大大損失,你講壹仔個個單,我都有d印象,我諗橫掂都係,買部有信譽d,好過好似個單咁,又期我地d外行人,
你呢你除咗報呢間,仲有冇報其他??

emilylin

法子

Bovie咁攪笑,識得自我安慰,其實佢EQ都幾高,有D小朋友小小野起碼扭你幾日,而家Bovie冇扭你,仲反過來安慰你/自己,佢真係好乖囡呀,咁Bovie今日有冇返學呀,老師會唔以為佢塗左眼影,嘻嘻
同樂日好似係下年一月,係九龍塘攪,佢邊大D喎,呢D係emily班主任講的, Bovie而家搭校車??

emilylin

miriammami
母愛真係好偉大,特別係做咗媽媽之後,感覺仲深,所以真係要好好孝順媽媽,
你好幸福,奶奶老爺對係咁好,你睇其他留言板關於婆媳問題,先感覺到其實自己奶奶老爺對自己都算係咁,比上不足比下有餘,大家客客氣氣,等閑食餐飯咪好羅,最緊要不同住,正所謂"相見好同住難",好少奶奶老爺好似你奶奶老爺咁"唔恨仔恨好"咁miriam真係萬千叢愛在一身,佢地肯定好錫miriam,你咁恨仔有冇諗住追個仔呀??
住葵涌都有校車,但要好早下去等,佢要周圍去接學生,其實好可以你可自己送佢返學,學校8:30就開門
迦南雜費都唔算多,一學期書簿費$1350(包括所有教材同功課),茶點費$800(包點心同生日會,節目慶祝)
係呢教琴係你正業定副業??d時間唔係比較易話為架

emilylin

Carmen
係呀,如果收咗係要係指定日子交留位費,呢個費用會係開學個個月學費扣回,如果最後冇去讀係冇得退回
校巴有去麗城,車費我估大約$400至$500,因我問過我住路德圍咁近都要$300,詳細你要問返迦南

emilylin

法子
Bovie今日好d嗎,希望佢快d退腫退"於",變返靚靚

emilylin

miriammami

我唔係全職媽咪,咁夜因為要emily訓咗,攪掂d家務先得閑上bk傾吓,我都慣咗日日咁夜,係呢而家miriam未返學咁邊個湊呀??
我好羨慕可以將興趣變做職業的人,雖然你只係partime去教人,但都感覺到你熱誠,我想跟係學琴的小朋友一定好開心 :
"x神村"有新貨返呀,我上星期去睇過,我鍾意個d冇emily個碼,呢幾日公司又好忙,聽日得閑d去睇吓先,城市中心個間我之前都有買過d衫,但不是太好,我買過件衛衣,話韓國出唔會"喂",但穿過兩次就"喂"到離普,同佢買d野比出面同類韓國出品偏貴,至此我都唔去果度買,係呀,南豐個新之城二樓有間買d韓國細路仔衫幾靚,又不是太貴你得閑去睇吓,
你估會唔會有日係"x神村"見到你同miriam買衫呢
救世軍幾時in呀,如果兩間都收,你簡邊間呀??

emilylin

法子
Bovie未開始搭校車呀??而家d時間同你夾唔夾到??佢返小童軍係邊度返,係唔係同女童軍個d一樣要著制服??
今星期emily好叻係手冊度全剖都"v"開學咁耐得兩次咋,佢比寫"o"多數係"唔留心聽講"同"大聲同小朋友講野發脾氣"個日停電我都唔知,係返去奶奶度湊emily先知,我奶奶話比樓下d消防車嚇親,以為火警,諗住帶emily落樓,但好彩隔離有日返話停電先冇走,emily已經攞定"咩帶"諗住行樓梯倦叫我奶奶"咩"佢
迦南d點心係多數呢d,emily最唔鍾意食南瓜粥,佢話好難食,佢最鍾意就係通心粉同腸仔,翁老師話佢見到係南瓜粥就淨係係咁而食兩口,但見到通心粉同腸仔就要多d,仲要添食 真係比佢...我都覺得唔好意思 原來大坑東有咁多選擇架,唔怪得Bovie鍾意啦
係呢下星期有日假,你要返工喎,邊個睇住 Bovie呀??

emilylin

Carmen

恭喜你成為"迦南"一份子,得閑傾吓,飲得杯落啦   

emilylin

wendy

emily好鍾意返學架,我一返到梨就係咁講佢係學校d野我知,又會講吓今日食d物,又笑d同學仔cry,話好醜怪,問佢有冇比老師話唔乖,佢永遠都話自己好乖,我有d ,我問過翁老師佢話有時emily都幾大脾氣,佢都有話佢同叫佢同媽咪講老師話佢唔乖,但emily都冇講...比佢激親
emily都算係咁,佢同我奶奶出街唔會扭抱,但同我地就會,有次佢放學好倦,佢叫我幻奶抱佢,我奶奶驚整慣佢佢倦就有人抱,就同佢講"我都好倦喎",咁emily就好無奈咁"我地慢慢行啦"不過好少有咁情況,因為佢好鍾意周圍睇野,
翁老師好好人,我個人見家長佢好詳細同我傾,原本張通告寫見15分鍾度,但我見咗成45分鍾,我都唔好意思 emily又好鍾意佢,我覺得佢都教得幾好,佢都好young咋,又靚女 不過呢d係其次,最緊要佢真係有心機教小朋友
hugo比你奶奶湊,佢一定好錫hugo啦,hugo夜晚跟返你定放假先跟你,你開始搵小學d資料未??

emilylin

somimi

toto好D嗎,而家D天氣涼咗D,小朋友好易冷親,特別一早一晚,希望toto快D好返
你7/11in話我地知結果

emilylin

miriammami

好多人話救世軍幼兒園好難入喎,個個一出世就去排隊等學位,我個陣都唔知要咁早,如果唔係我一定去報名
其實活動教學有活動教學好傳統有傳統好,我初初唔知迦南係呢兩年先開始活動教學,我以為係一路都係活動教學,我聽其他topic 有D媽咪話迦南雖然轉為活動教學,但仍保留有D傳統教學,我知道後都驚emily唔慣,因emily比較活躍,驚佢坐唔定,但到而家都ok喎,仲有我個人覺得早d比佢習慣好過升上小學跟唔上,而家emily開始有d oral返屋企溫習,我都覺得ok,其實辛唔辛苦都係睇家長有冇耐性同d小朋友一齊學習,我而家好似同emily一齊返學咁,有時平時不太留意而家就同你"溫故知新"幾開心架,
講開請工人,都要講"彩數"請著激氣,真係"搵錢貼難受",我初初都想請個"印印"但我老公話有個陌生人係屋企行梨行去好唔知點,又驚對個囡唔好,佢話橫掂佢阿媽主動話幫我地湊,始終自己人湊放心d

emilylin

呢幾日好忙,星期二要同個客上大陸廠傾單,攪到成好夜先返到屋企所以都唔得閑上梨傾計,加上emily唔舒服發燒 好彩而家好好多,但仲有D鼻水,呢排D天氣真係....
法子
Bovie有得BBQ,去邊度呀,真開心,唔知emily幾時先有呢,評估周我都驚緊emily唔知應唔應付到,今個星期派咗d問卷調查,佢話加強溝通.係呢Bovie手冊今星期係唔全部"v"
法子,wendy
29號Halloween party我都未諗到,星期日去"玩具xxx"睇吓先,你地扮咩呀??個日要帶書包同糖跟小朋友分享,你地諗住買d咩糖??

emilylin

miriammami

而家emily讀架是幼兒班(N),功課不是太多,每日在家要做"肌肉訓練"做D好輕便手部運動,例如夾衣夾,用湯匙"不"豆豆"仲有其他...每星期都不同,另外每星期一都有派D字卡帶返屋企溫習,外籍老師邊度梨真係唔知,唔係係講我都冇諗過呢個問題,課外活動暫時唔係太多,但有D興趣班係學校辦,係其他團體借迦南地方開辦的,有"布袋故事","跳舞","畫畫"emily只報咗"布袋故事",其他d時間唔夾
好似冇咩其他雜費
miriam6/11 in ,係度祝佢 sure win先

emilylin

yukiwong

我諗間間差唔多,有外籍老師教,普通應該冇,佢地教普通話暫時教d比較淺,英文程度我覺得幾好,唔知其他迦南家長覺得如何??

emilylin

miriammami

係讀3年,emily唔怕西人,返學見到"外籍"企係門口等小朋友返學,emily都肯同佢打招呼和講"good morning teacher"
我諗此外籍教師應該唔會係"賓賓"同"印印"嫁,我見emily有時係屋企讀d英文同我地聽開d音差唔多,我估來自英國,
另外你講呢朋友個問題我諗係個別事件,係呢八卦問吓係邊間幼稚園,唔會係迦南??
miriam就梨in,你緊唔緊張,有冇同佢練習吓??