活動教學or傳統教學

Teresa

我覺得, 如果下唔到決定, 都要取中庸之道.  入一間"程度深"既幼稚園, 家長心急孩子追唔上, 孩子自己能力又未必一定做到, 大家辛苦, 何必呢? 學習係成世既野, 唔需要拔苗助長.

但另一方面, 有一d "技能"又真係自古以來都要學識, 幾歲小朋友應該學下用筆寫字, 基本功一定要做.  簡單加減數同常見中/英文字都應該係幼稚園學, 基本功做得唔好, 孩子上小學就要"加把勁"追回其他人已經學既野.  追得上就當然好, 追唔上又係令家長頭痛.

而家d幼稚園全部都係活動教學, 唔同既只係用咩approach去活動教學.  一般幼稚園都好照顧孩子既成長, 只要學校課程夠均衡, 有學術, 有參觀, 有討論, 同家長有好聯繫, 能夠有足夠機會比學生"見識", 咁已經算係一間唔錯既幼稚園喇.