.

vnghk0001

我個女都係超慢熱，係學校係一個淑女，係屋企係一隻史迪仔（我家姐形容），佢返左3個月pn, 先好少少，起碼有一個小朋友好鍾意，其他星期一至五成日見都仲只肯叫名，連手都唔握，我每次湊佢返學放學都要求佢打招呼，但佢唔係好願意，而家每日下午都去公園，見到有進步，由以前見到3個小朋友係到就叫走，其間一直都鼓勵佢一齊玩、睇到其他小朋友玩我就好誇張笑住又拍手咁，表現到好開心，令佢知道咁做係開心，到而家可以停留差不多半個鐘先叫走，但佢唔係返屋企，而係去睇花、草、雀仔、螞蟻........或陪我坐係到。真係要比時間佢慢慢感受乜野叫玩、點玩。
至於interview, 我習慣係屋企問問題，係不停問、不停玩，一般心情好都會答，所以係in時一係唔答、一係就答嗮，到目前in 左兩間，同一曰嘅，第一間有答，第二間冇答，仲十問十唔應。

vnghk0001

我係以玩嘅形式進行架，佢專登答錯唔緊要，我仲同佢一齊笑，我叫佢問我架，我咪間中答錯，但起碼佢知乜野係正確答案。
我用呢招佢好受呀，同佢讀card佢都好開心架，不過真係好累

vnghk0001

我個女係0907 BB, 所以我冇幫佢報啲勁名校，到in 時冇表現咪仲失望，第一間reject, 可以盼冇野，第二間reject，我會唔開心，到第三間都冇著落時，我唔相信我仲可以當冇事，唔多唔少會怪佢，限住再重點訓練.......對我對佢都唔會係一件好事。

vnghk0001

唔係話送左佢返學就算架，自己都有責任幫自己仔女面對，返學得幾個鐘，又有其他小朋友，點教得咁多？自問我自己只對阿女一個，都要每天不停咁灌輸幾個月先有成效。

vnghk0001

係呀，我係問，不過有問其他問題呢，亦有改變問嘅方式，唔會一味問同一問題架，每次5-8條題目，用左3分鐘都冇，佢就走左去啦，我唔會只針對interview嘅問題，我亦用唔同嘅書、card、dvd、玩具，所以我係用玩嘅、開心嘅、正面嘅方式進行，而家佢仲自問自答，又叫工人姐姐問、又對住公仔問，有時仲專登答錯，卡卡笑等我有乜反應，我咪聽住、睇住再加以更正。目前係陌生人面前只有唔答，唔會答錯，佢怕冇面。

vnghk0001

Hi iantsang,
唔記得講聲唔該Tim, 多謝提點。
已經有心儀嘅幼稚園收左，所以未來2年可以鬆口氣，可以專心發堀佢嘅興趣，考小一時再做功課，睇下阿女有乜改變，再決戰。