葵青, 荃灣B1尾B2頭既選擇

小韋寶

回覆 紫翹 的帖子

燕京係幾好架。早年可能因為剛搬入青衣少人揀,形成收生質素較低。但近年係大有進步。我女現在都在燕京讀,佢返學好開心而且亦識到好多朋友。以前我哋間小學都將燕京定為B2C,不是B3,我哋亦有成十個同學入咗,同班有4個,連同我女在內全部都係B2生而且亦是第一志願入。今年四十周年校慶可以來參觀,同之前VIU TV中學預備班都有訪問我哋學校,可以上網睇返。

小韋寶

回覆 elbk 的帖子

現在先有時間上嚟。打交我暫時無聽聞過,我只可以講好學生壞學生間間都有,我亦唔會否定我哋學校一定無壞分子。我以前本身亦同區讀中學,間中學現時被"傳"係B2,但我早前同幾位老師傾過偈,現在收生情況不但成績差,而且操行更差,不是一般打交咁簡單。外間以為是B2的學校都如此,我相信每間學校都一定有呢啲問題學生只係你認唔認識佢,或者有無內幕消息。同區另一間又係外間以為是B2的學校,早兩年前有媽咪話佢女在校內被同學掌摑而校方只低調處理。不要問我或PM我邊間,因我答應不會講。
總然之仔女去到中學階段除咗讀書亦要學習做人處世,要分清好壞。宜家呢個年代社會風氣本身就差,連大學生都可以在校內公然粗口鬧人,準教師都滿口粗言然毫無道德,大學校風都唔好得去邊,真係唔識點講。