文理泳會....一個字"Cheap"

wanyiumama

我小朋友都曾經o係"文理泳會"學過游水,我同我 husband 都非常唔滿意呀!

1. 一 d 教游水的工具例如水袖,浮板都無,仲要o係大人池唔係細池(我估佢地租唔到). d 水咁深我小朋友唔識游水邊有安全感呀?  驚到係咁喊, 我幾驚嚇到佢有陰影唔肯再學! :evil: 而家我小朋友去Morrison Hill 學游水, 個個教練/泳會都有齊輔助工具啦!
2. 我小朋友o個陣 5 歲,完全唔識游水,不過高少少似初小學生,佢地就 group 佢同 d 七,八歲識識地游的一組.我話:"佢完全唔識喎!上一堂都唔係呢組!"鬍鬚佬就答:"得架,佢上堂游得好好呀!" 游乜呀? 佢驚到猛叫去廁所同挨住泳池邊咋!
3. 成日點人數, 一堂一個鐘, o係水都唔知有無 40 分鐘!
4. "話"包學識喎!? 十二堂後唔識補到識. 但我可以講,我小朋友十二堂後同無學過差別不大,我都當佢唔識游水!所謂考試合格, 推個小朋友出去都已經幾尺啦, 點會唔合格?
5.  價錢唔合理, 二千幾蚊十二堂, 一個教練對六至八學生. 而家我小朋友學游水都係咁上下比例, 唔駛100蚊一堂,不知專業幾多!
6.  因為我小朋友學的時段唔係公眾開放時段, 我入場要同佢地買飛, 大人去泳池入場$19, 佢地要收 $25. 咁多家長入場,又賺多筆!   

而家o係街見到佢地 sale 我都即刻彈開,見到鬍鬚佬想 佢添!  

wanyiumama

Irene_BB,

please check pm.