大家知唔知私校都會咁 ?

恩禧媽

原帖由 kimimi 於 08-11-6 13:07 發表
聽聞私校登記左, 就將個名呈上教署, 咁會唔會影響小一派位結果, 大家知唔知, 請分享下, 謝謝!!

kimimi,
以我所知，大部份私小註冊後，仍可以繼續參加政府的system。我舊年阿女第一輪自行交了表去一間津小，亦報了私校。禮x收了我女，亦留了位，但第一輪就唔中，到12月就收到教育局的信，問我會否繼續參加統一派位，我就揀了參加派位。教育局的信都已經表明會通知私小，我呢個決定。到6月放榜，阿女抽到第一志願，所以禮x再寄信來叫我地去交錢，我都無去交，即係代表我放棄了個私小學位呀!
如果係直資小學，once你留左位，連第一輪都會截左你糊呀!所以舊年我都只係幫阿女報了一間直資，好彩佢唔收我女，唔係我就要放棄大抽獎呀!

恩禧媽

原帖由 kimimi 於 08-11-7 17:19 發表
恩禧媽
多謝你的經驗分享,
真是令人擔心, 所以我都唔知去唔去崇真留位, 我驚會影響11月24日第一輪結果,  如果可以繼續參加派位就好啦, 即係要問各間私小可唔可以參加派位, 是嗎 ?
你第一輪和第二輪是否同一小學呢  ...

kimimi,
唔洗擔心!總之你去私小交留位費時，見到有放棄政府派位的undertaking要簽的話，你就知道該校係唔會俾你去抽獎呀!我知道培正就係咁做呀!
我第一輪同第二輪揀的學校是同一所呀!

lemonred,
禮x由始至終都無要求我放棄政府派位，我參加大抽獎，學校是知道的，但在第二輪放榜前，禮x都有寄信俾我要我6月10日去交錢。大吉利是講句，如果當時派唔到第一志願，連叩門result都未出就要再去禮x奉獻呀!