狼爸「三天一頓打」 三子女入北大

Parisienne

明明係人，点解要做狼爸？
又唔係老虎，點解要做虎媽？

當仔女動物咁教，好似馬戲團訓練動物，結果仲贏得一眾馴獸父母稱讚！仲要話轟動內地！
轟動？係咪因為三日一打都仲可以捱到北大而未死所以轟動全國？

唔通只有馴獸方法，先可以入到北大？無其它方法？如果唔係，d人點解咁推崇？
話乜嘢小朋友十二歲前獸性強，不如話阿狼爸幾十歲人都獸性未除。

Sorry呀狼爸，你用心良苦，但我接受唔到lor。唔好話比我知北大學生個個靠打先入到！
既然有咁多方法入北大，我睇唔到点解要用打？萬一打咗咁多年最後阿仔入唔到名大學，係咪要〝'練〞死佢?定係代表阿仔(或狼爸)失敗？
人，有時比狼更狼，比虎更像虎。

狼虎父母，偶爾訓練出優秀名校生，即全國宣揚。可恨唔知幾多籍籍無名嘅孩子，打死在唔〝成功〞的狼虎父母棒下，懷着恨鐵不成鋼的怨屈，無人問津。

Parisienne

haha !! good question !

已所不欲，勿施於人。
我始於覺得，無能力控制場面嘅人，先會用暴力施壓。偶爾打下都唔奇，但三日一頓打，唔知幾日又一小打，只要違規就打！Come on 仲要提倡？唔係卦？

唔理過程手段，只求達到目的，你咪理我點教，總之家吓呀仔入到北大！入到北大就証明我!成功！

咁，我地係咪應該教子女：仔呀仔，最緊要揾到錢，過程對錯我唔敢評論，總知，事實就係人地而家見你揾到錢，就証明你，你成功。

雖然家家有本難唸的經，教仔亦應該係各施各法，但唔係個個case都可以用咁中立態度輕輕帶過。咁樣打法嘅教育，無論日後變什麼頂級尖子，我都係反對。

Parisienne

haha 唔駛拗唔駛拗，三日一頓打暴唔暴力且唔好拗，就正如有人覺得跌斷幾條pan骨係等閒事，起碼要內出血兼半身不遂先叫嚴重。
尺度問題，無得拗。

有時唔係身上多兩條藤條印咁簡單，有無諗過心靈上嘅壓力？棒下出孝子，孝，係因為驚支棒同個老豆，多過真正明白箇中意思。

無犯規就唔打，咁咪即係一犯規就打lor !

我唔係話你提倡，你梗係無提倡啦，我係話〝狼爸〞開班提倡啫。

Parisienne

Agree!!

Parisienne

我又何德何能「限制」狼爸開班呀？我只係反對。反對=唔支持，就等如你唔支持我反對佢一樣。
我是反對打的，雖然我可以理解體罰，但咁打法嘅體罰我覺得過份！我亦相信好多人都覺得。
國家都無將「唔排隊打尖」列為犯法，咁，係咪唔可以反對吖？

我唔知你用咩方法教孩子，但敢問一句你如果居住內地，會否送個仔去被打呢？

Parisienne

吓！反唔反對竟然要睇吓人地「需唔需要你反對」你先回應，咁低調真係唔似你喎....
答案有D牽强。

不過你無支持狼爸〝物極〞的做法，絕對替你子女開心。

Parisienne

我理解力未必高，但一個支持用「打」去表達自己，以「藤條」代言，用體罰威嚇孩子就範，其表達能力真係可想而知。
即使父母背後如何用心良苦，其手段也是九流。不值支持。

Parisienne

舊時用「打」嘅方法教徒弟，應該唔只于師父。可恨千千萬萬個于師父，卻只出得七個小福.....
論據不必新，很多謝你的尊重，但你所尊重的，不是我的言論，而是孩子本身。