呢D係咪行為問題呢?

pocoyo123

最近發現兒子做什麼事都好求其, 做功課要老師常常提點, 如果無人在身邊睇住佢做, 佢會寫到好差, 如有人在身傍, 佢又會寫到好整齊, 做英文, 叫佢寫返老師教過嘅發音出來, 我叫佢自己寫, 佢全部寫錯, 我在身傍望住佢, 佢又全部寫啱,彈琴又係, 游泳又係, 樣樣都係咁, 我同佢講, 如果唔喜歡, 不如唔好學, 佢又話唔好, 我好喜歡學, 佢真係樣樣都話學, 一陣又話晝畫, 一陣又話普通話, 一陣又話跳舞,一陣又話抬拳道, 我唔知點好, 最近我常常打佢, 因為佢態度很差, 成日駁咀, 做事又粗心大意, 想問下有無其他A仔係咁呢? 我要點做呢? 佢就來上小學, 咁求其, 咁唔聽話, 好担心

pocoyo123

(我個仔最差係寫字, 相當求其) 其實, 我知亞仔在學校做功課, 老師會巡視, 見佢寫字唔靚, 叫佢擦左去再寫過, 其他功課佢OK, 唔使人教, 但佢好奇怪, 明知老師會擦, 佢都係一見老師行開, 佢又求其寫,在家, 如果有些功課, 我知佢自己不能完成, 我會在傍提示佢, 但有些我知佢識, 我不會提示, 佢做錯, 我擦左, 只在傍望住佢做, 不會提示佢, 佢又可以自己做得到, 我已經同佢講過千次萬千, 上左小學咁樣做, 你每日都要留堂, 遇著考試, 你求其笞完就算, 做錯晒, 係要補考, 浪費自己時間, 佢呢頭話唔會再咁, 果頭又係咁, 想死