迦南幼稚園 家長分享

法子

我見吉x島 今日2號-4號J card 有折呀!衣服7折,文具/玩具9折.
我本來想買D野,但我冇J card 呀~有你地有冇呀?我想明天入D貨呀~~~有冇人明天會去買野可以join 埋我呀~~~     

法子

Carmen, Emily, Miriammami, Somimi,
我今日去左吉島買野la,我覺得kids 衫;鞋幾抵,其他..一般la..收獲有2對鞋4件衫3對襪3盒聖誕咭/禮物比囡囡;20幾份小禮物for班"細蚊仔",老公買左對鞋....而我..原來乜野都冇買比自已    但一袋二袋拿到手都軟!!
Bovie 係吉島漏低左佢係學校做既大作--大象面具,番到屋企至發覺漏低左,已經10點鐘,就算落番去人地都close左la..佢係咁口up up話"點算呀,點算呀,幣la..冇左la"...嗚嗚嗚...又喊~_~...鬼殺咁嘈...Daddy就用咭紙同佢整過la,但佢又唔滿意,又話唔似之前果個(的確係唔似既..Daddy整得好醜樣呀....)...咁佢又喊.....        之後我出馬重畫&重畫&重畫...畫到0岩佢心水唯止.........真係苦過dee dee.......   

你地小朋友中意什麼卡通人物?
Bovie最中意哈姆太郎入面的"絲絲"(白色的可愛女倉鼠,常載著藍絲帶)    Bovie 話"絲絲"可愛又漂亮喎!!

法子

Carmen,Emily,
Bovie 係好緊張佢D野,尤其學校0既書呀,功課呀,圖畫呀.....有時Daddy整鬼佢,話收埋左佢D野,佢立即扁咀喊架    有時我覺得佢係緊張過頭!!
講開喊,你地小朋友容易喊嗎?會怎樣喊呢?
Bovie細個都算係喊飽,BB時好難湊,因佢日夜倒轉又常要人抱.大D開始認人,有人行近D已經喊定先.到2歲番幼兒園,由8月開學喊到聖誕節(佢係好慢熱0既小朋友)...  
Bovie喊時只會"忍泣"咁喊,又或者跑入房抱住枕頭好細聲喊(Daddy話佢喊都喊得楚楚可憐過人..).佢係唔會大聲喊      

Bovie都幾中意公仔,佢每日由聚"佳麗"中,挑選數隻陪她睡!

法子

Carmen,
湊小朋友真係唔容易呀,我好佩服你們有2個小朋友以上既家長,好有勇氣.自問自已一個已經頭暈暈了.

emily,
之前我想了許久,究竟應該與否放棄份工...現在決定唔做la~我身體太差了,還有我之前放在Bovie身上的時間實在太小,我亦始終未能放心Bovie 交給別人照顧,現在可以多點時間照顧她,其實真係好開心 不過屋企收入小左,好多野要慳D洗lu..今次真係可以出黎date date 佢!!你地幾時得閒呀~~     

法子

emily,
我知做full-time mammy 仲辛苦過做working mammy,我會休息一段時間,遲D再做野,希望到時我能放心將Bovie交給人照顧吧..始終做full time mammy 唔易呢.
前幾日洗校服,照常放落洗衣機;洗衣液;柔順濟,涼乾後發覺件衫一撻撻,洗極都洗唔甩....(我連洗件衫都洗到咁   )依家件衫都唔知比唔比Bovie著好,一撻撻咁醜怪 唔著又好浪費......

法子

emily,
我試過用彩漂,但都係一撻撻,等我試下用碧連先.thx
聖誕吊飾通常都係聖誕樹呀;雪人呀;天使呀....    我都係求求其其交左就算   
我今日上左Cannan 網頁,原來李主任係副校.
(...本學年有三名主任晉升為副校長， 分別為：關燕芬女士、黃潤玲女士及李鳳薇女士 ； 同時， 有六名教師晉升為助理主任， 使教務及校務更趨完善。 ...)
"copy fr. Cannan 網頁"

法子

somami,
係咪香港基督教服務處套校服?你朋友想要嗎?你話我知想要邊套
染色既係迦南套冬季衫,我洗極都洗唔甩呀~emily 教我用碧蓮,你有可方法呢?請指教呀~

法子

emily,
做full time mummy 都幾辛苦,其實我係比較中意做working mom 的,不過自已始終放唔低Bovie 比人湊...又冇親人可以幫到我手~_~
我之前都係等Bovie 2歲番full day nursey後至有機會做番野.但係返full day 後,又有屋企人反對話佢咁細番學太可憐;揀間咁遠唔揀間近既...所以我媽就幫我湊上午,待我下午放工才湊她番半日學.
直至轉到迦南,以為可以放心交給別人湊,但原來自已又放唔底,(始終都係外人..)最後都要放棄份工做全職媽媽~

學校叫我遲D 返去幫手~hoho 遲D再算lu~!

法子

你地小朋友訓覺會唔會踢曬D被?Bovie 訓覺晚晚打大風,1個人訓雙人床,蓋雙人被,帎頭都打孖,但到半夜D野永遠落曬地,由床頭訓到床尾360度大轉身.我試過等佢訓左後同佢著"晨褸",但到左3更半夜佢又會自已除左.我晚晚要起幾次身走去蓋被,日日都熊貓咁眼...     
有冇方法可以改善下呀~~~     

法子

Carmen,
Bovie 2歲之前我都係full time mummy,Bovie細個真係唔易湊,佢日夜倒轉(早上睡;夜晚眼光光),好多時要扭抱..老公幫手永遠越幫越忙....(叫佢幫手,又話累..覺得有野做係大曬咁;佢放工時間係自已,又永遠唔想下我365日冇假放冇自已時間仲辛苦!真真激氣..)這時都算係最辛苦既日字....
如果我唔係放唔低個囡的話,我一定係會番工既,況且我既年齡係應該去做野,而唔係係屋企做煮飯婆(其實我細過譚詠麟架..Haha)      

法子

somimi,
NapiSap洗衣粉可以係邊度買到呢?
運動衫..梗係唔介意la,唔該你至真呀!!我冇左你電話呀,你PM phone no. 我la.
基教夏天校服裙..如無記錯應該有2條,放左裙腳,fit for N1,N2 (D & C 班) 小朋友.但我要先找找,因放了在我mammy家.如合用,我可以送給你朋友的.

法子

今期開心樂園餐送sanrio公仔,有我最最最中意0既MO"馬騮仔"!!   
仲有其他款:hello kitty;青蛙;玉桂痂;melody ;大口仔;車仔 & xo
不過最慘係要食8次M記.. 好熱氣    

法子

somami,
今日唔該你呀!!   

法子

Emily,
你卒之上來,等你好耐la~^_^~
件衫救唔到呀,但somami比左件我呢.
聖誕卡可以班主任&主任各一,通常都會貼出來.吊飾我求其地做左樹一棵   

晚晚起幾次身幫bovie蓋被,攪到我晚晚冇覺好訓,精神又差.
  

法子

Somimi,
hehe...我一陣call你^_^

Carmen,
好呀~!thx,今個星期換馬騮&狗仔...我換左2隻馬騮(我好中意Mo馬騮架^_^)但仲未換狗仔,真係唔該你呀!!
我食M記食得太多,攪到依家下巴位生曬蒼蒼(好痛呀~)左邊耳下又淋巴發炎.......我都係唔可以再食M記住......

Emily,
你好忙嗎?個topic又沉底0拿~~     


大家聖誕有冇時間呀,搵日出黎見下面麻~~
我淨係邊過靚媽somimi 炸~   

法子

emily,
學校D南瓜粥,Bovie都冇"投訴" 因為佢本身喜歡吃粥粉類..不過佢日日都會叫我睇下個牌;等我知道佢今日食D乜喎~
今日小朋友頂聖誕帽好靚呀^_^

Carmen,
唔該你呀...我依家見到M字都有D怕   
今星期到邊2隻?我唔記得tim,明天經過望下再話你知.
Bovie氣管都係唔好,有氣管敏感,醫生話唔好好打理就好易變哮喘...到時就麻煩.

somimi,
我真想找日大家下見面,出黎飲下茶架...
去singapore跟團定自已去?去幾日?會去邊D地方呀?我上年同老公去左singapore meet個朋友,去左3日炸.

今日唔係好舒服呀.........人地話生完BB,M黎時會冇咁痛..但我就次次都要食止痛藥+訓床...如果唔係會又嘔又泠汗......番番下工;主任見到我個樣臉青青唔對路,始終都係要搵人接我走     
我都唔知點先可以唔痛.....有冇咩辨法呀?.......... :cry:

法子

各位~
你地今晚有咩節目呀?
夜D我會去子夜崇拜.
左此祝大家:聖誕快樂~

以馬內利(神與我們同在)!!

    

法子

Carmen,
唔該曬你!! 運動熊係咪要加$換架?
草油丸係咩黎?中藥?貴唔貴呢?
我痛左好多年一直都係咁痛,人地話喝紅棗水會好,我亦試過都唔得.
而我做聖誕節太多節目,很累呀...

24號Bovie番左大坑東幼兒園見佢個安安老師 & 老友記.夜晚回媽媽家吃大餐,之後去子夜崇拜.再宵夜...Bovie頂唔住一早抱住訓左.而我就3點幾至訓.
25號開門未見到是誰..已被噴到滿面紙碎,噴條/雪(果刻真想鬧人!至慘要掃一大餐)...嘩鬼朋友找上門...之後比佢地拉左上山頂
26號去睇燈飾,新世界中心玩吹氣跳床滑梯玩到11點半..Bovie玩得好開心!!但食埋野回到家已點幾鍾.
27號一早入camp(好眼訓地),5點pm番到屋企後齊齊訓覺,晚上至起身dinner...
今日算係最得閒,但今天很凍呀,我又很怕凍,屋企要開暖氣...

emily,somi你地聖誕又點過??
依排天氣好凍好凍,大家要多多穿衣呀~!
    

法子

emily,
我剛去完咭島,好多人呀,不過我覺得上次平D.今次只係係超市部買左D牛扒&香賓果汁...其他都冇睇lu.
我今晚會出去倒數....明天會去冒險樂園..後天番church..
工展會有咩睇?我都冇去呀,你去完記得番黎報料!

Happy New Year!!!

法子

emily,
功課好快已做完.有日帶佢行書局,佢揀左4本練習,在假期內都已完成了.Bovie今日著住校褸番學,到學校門口同佢除左,因為課室好暖.
原來工展會冇乜平野,又可以慳番..

somi,
你玩完番黎?你去左邊D地方?有冇食串燒?我好中意食星馬D串燒..好正!