為k1作準備, 應該點做?

藤媽

你想問邊方面既準備?

學校方面的話:
1) 各校取申請表時間
2) 各校面試時間
3) 學費?雜費?校車(費用)?
4) 學校理念，教學模式
5) 各校面試內容

囡囡方面就要視乎情況，佢既學習進度，睇書、認顏色生活用品、唱歌、認ABC/123唔少得！如果覺得ok，可嘗試加插面試模式既活動 (如看圖認物件)、砌積木‧‧‧等等等等，不能盡錄。

不如你再講具體D睇下我地有咩幫到手？

藤媽

每間學校去分析就幫唔到你了，呢d功課要親力親為(扒文，睇blog，學校報告...etc) 先係真正你有用既reference，因為每個人既理解都唔一樣，我地講既太主觀了。

至於面試準備，都係果一句，先了解各校面試方式，再針對某一兩項特別既測試黎教小朋友。你個LIST入面我只IN左MS同KV：

MS - *group in (父母可一同入課室)
1) 問小朋友咩名/幾多歲
2) 叫小朋友讀出A-F/G，1-10
分顏色
3) 隨機問問題，不過都係好簡單，只要小朋友肯開口基本都ok
4) 問家長，平時邊個湊，有咩親子活動
5) 家長對"怪獸家長"有咩睇法
6) 其餘都係好似閒話家常，了解平時小朋友既日常生活 (當然，民生係一間好著重家校活動既學校，你要有心理準備如果答"工人湊""我冇時間同小朋友親子"的話就next)
---> 85%可上民小

根德 - *男女分開面試 (只有一位家長可陪同)
1) 考小朋友砌海綿積木
2) 問小朋友咩名/幾多歲，邊個同你黎，隔離既係邊個
3) 會要求小朋友唱一首歌-壓力下完成
4) 考配對 - 將一樣既圖案配合埋一齊
5) 出示圖晝 (生日party) 問小朋友係度做緊咩，(指住蛋糕/汽球) 問係咩黎
6) 問家長點認識根德，有冇親戚係度讀
7) 問家長平時邊個湊小朋友

我大慨記得咁多，希望有家長可以補充。

唔知幫唔幫到你...

藤媽

原帖由 iyct 於 2011-12-9 15:06 發表
藤媽, 非常感謝妳的回應. 這些資料對我有很大幫助. 有勞!

來年, 我會繼續努力去做research學校資料.

希望其他有經驗的媽媽, 可以跟我分享有關學校面試心得. ^_^ ...

唔駛客氣，我都只係初級媽咪，希望有限既資料可以幫到你。我囝囝因為比較怕羞，面試時要我三催四請先肯講野，所以KV只有waiting，民生仲等緊result。當初我底估左競爭既激烈程度，主張小朋友自由發展，但原來參加得呢個game要落好多功夫架！

所以我覺得你可以俾小朋友多參加playgroup/讀N班，盡量俾佢熟習陌生人既環境要大膽D。咁樣幫助可能仲大！

同埋你個LIST都係熱門學校，建議再報一兩間tier2/3既做backup，咁樣到時你會冇咁慌張！

仲有仲有，呢樣都係我面試完先知道原來家長可以做更多... 就係每次面試帶備自薦信！見到校長就俾校長，見唔到就交俾面試既老師，我唔知道咁樣會唔會加分，但至少可以俾學校睇到你既誠意。

加油！good luck to you