各位特殊障礙小朋友既媽咪,開學順利嘛?

~仔仔媽咪~

原帖由 apple~y 於 10-1-10 14:04 發表


原來你有兩個小朋友照顧,0甘你壓力一定好大
你都要保重身體,放鬆心情

我仔仔27個月大,呢排都係開始講好多單字,疊字
我覺得0k,因為見到他真係有進步
所以我0地都要努力呀 ...

加油呀!您囝囝仲咁細仲有幾年大進步架!出盡力俾心機訓練佢,等佢大個D讀小學時都無咁辛苦,我見有好幾個自閉症小朋友,依家都能夠讀到名校,成績仲唔差,仲要一路行為同言語發展等都有進步架.

~仔仔媽咪~

原帖由 MIHO.WAH 於 10-1-10 23:17 發表


妳的建議我都有再想過最近...但太遲了. 因我決定不工作便沒有太多錢了, 我家的工人都在1月份不要了.大仔已小三一直有學公文數, 補英文, swimming,學圍棋的...真的沒有太多錢給他補習..分配方面我仍希望以上的...我 ...

或者睇下有無D係一星期一兩堂嗰D補習囉,星期五六時間上一兩堂,主要幫佢惡補全科或集中一科,應該唔係日日上同時間唔長,應該收費會平好多,至少唔會過千蚊一個月吧.或者我又幫您留意下啦.

都明白既,好似我咁,我都係無番工,都係freelance教出面小朋友,所以我仔係乜興趣班都無參加,一黎無錢,二黎我仔D脾氣行為真係除咗我呢個亞媽外就無人搞得佢掂,所以我都係全程自己一人教仔,,,所以做人媽咪都唔易,您都要加油呀!

~仔仔媽咪~

原帖由 pipi331 於 10-1-11 02:41 發表


ocean park 機動遊戲當感統? 咁您要搬去南區住至得.

我記得細個果陣d 千秋, sir滑梯, 爬爬架 都高過而家果d, 氹氹轉又勁d. 唔系度度有lift, 好多時要行樓梯. 又無咁多電視, 電玩, 上網, icq.  ...

睇黎都要搬去OC度同海豚海獅做鄰居喇~~哈哈!!!


係啦,,,細個我地無依家咁方便,咩都有得玩同做,查實無形中係幫到我地去train up自己D手手腳腳同感統方面既野架...所以依家我一有機會都盡量俾個仔做D家務,自己執拾好D物件,有得俾佢跑就要佢跑,幫到幾多就幾多啦...

~仔仔媽咪~

原帖由 nokia6300 於 10-1-11 17:22 發表
.........

其實...湊得好辛苦呀!

見你2:41先回post,真係累累累......

阿仔又sick左whole week,咩鬼playgroup都返唔到,夜晚又冇覺好訓....daytime又x計到爆,只好由佢放4地睇tv...

家人好奇問,why你仔去heep hong ...

加油呀!(俾番D正能量您先!!!)

我以前我同老公兩邊屋企人又係好唔接受亦唔相信我仔有特殊問題,我奶奶一聽到我同朋友傾關於個仔D問題,我奶奶會大力彭我度門(示意佢唔想聽到我咁話個仔);嗰時我仔只係讀I位既幼兒園,我大佬都可以响電話度同我講話我咁樣會害死自己個仔...呢下好HURT囉!但只要自己堅持只要自己清楚知道我地係幫緊個仔,理得人地講乜同點諗,至緊要係我地用既方法幫唔幫到囝囝啫....試下將個focus向哂個仔,其他人唔好理,用事實去証明番俾佢地睇,佢地自然會相信您囉!

所以千祈唔好氣餒呀!!!始終個仔係自己架!唔係屬於佢地.

~仔仔媽咪~

原帖由 nokia6300 於 10-1-11 18:35 發表
tks yr reply ah.....^^

我當然200% focus 係阿仔度啦....只係,真係好多位好煩...

去到mami度,連埋我哥2個女,total 5個小朋友,走黎走去,我緊係睇實阿仔啦,未行穩嗎.....

"你洗咩咁緊張姐,趺下就快行啦!!"

唉!... ...

係啦!其實囝囝係叻仔黎架!而且一路都有進步,呢D應該值得開心至係,都係嗰句,人地始終唔會明白您囝囝既特質,佢地至會有所誤會,以為你太過緊張,這不算是佢地既錯,又唔能夠怪哂佢地既...同埋都唔苛求佢地去明白我地...以前我都遇過太多呢d唔開心既事情同評語,對於我黎講係好大傷害,但之後我有個亞嫂同我講番以上既道理,我至釋懷,確實,我地做呢班仔既亞媽,都唔係一朝一夕就適應同了解呢D病同問題,更何況係街外人...所以個心無咗嗰份埋怨,自己都心安理得咗.

所以你都要加油呀!有咩可以隨時搵我傾,又可以入黎呻一呻,大家一齊互相扶持下,至少都多一份力量啦~~~

~仔仔媽咪~

原帖由 MARSTEN 於 10-1-12 20:49 發表
我仔仔今年9月入小學啦,我估我遲早都會好似你咁,不過我一唔夠瞓而佢又唔專心做功課或者特登寫到出哂界,我都會發火,試過將佢本簿"飛"落地叫佢唔好做,haha...做完先知自己唔對,唔可以做d咁激既野,因為佢地收"壞"野好快 ...

都未必既,有時對付我地呢班友仔,真係一兩招激野駛出黎真係會好有效果架~~~不過就真係要小心地運用...我咪又係咁,我仔呢輪又唔知發乜神經,忽然放學識得狂扭計要去行街睇玩具/食M記,噚日俾佢去睇咗陣玩具,到我地番屋企時,我噚晚要去學日文,我仔問我可唔可以叫爸爸响我去學日文時帶佢去模型舖度睇模型,我話唔好,跟住佢話扁咀發自己炆,跟住我火火地咪鬧爆佢囉!由旺角訓話佢話到佢去太子(屋企),我直頭講哂反話:"咁我唔再管你,不如直情縱壞你啦!你唔好番屋企做功課喇,你依家快D去玩去睇玩具啦!....你千祈唔好做功課同溫書呀!俾我發現到你做咗D功課,我即刻罰你!"跟住我仔驚到係咁叫我管番佢,叫我唔好縱佢,話佢要做功課! 跟住我都話:"你想做乞衣仔咪俾你去做囉!我無謂阻止你,我同爸爸第時變咗公公婆婆時都仲有老人院住,你有無得住老人院吖?無吖嘛!你唔讀書唔學野淨係顧住玩,咁第時屋企又無錢去住,咪得你一個人去瞓街做乞衣仔囉!我同爸爸無所謂架!還掂我同爸爸有地方住!" 跟住我仔至正常番,正正經經同我做哂D功課佢.有時對付我地呢班友仔查實都幾易嚇倒佢.


或者你又試下調較番囝囝瞓覺時間囉!寧願佢早D八九點上床瞓,等佢第二日夠精神番學聽書,放學即刻要佢完成功課先至有得休息同玩,咁樣佢地會好樣好多架.

~仔仔媽咪~

原帖由 apple~y 於 10-1-12 12:02 發表


我之前都看到你好多post
覺得你真係好勁,好堅強媽媽
你仔仔真的很幸福
大家一齊加油呀!!!

有時我都會負面同消極架,不過為咗個仔,我至要求自己要硬淨D,有時我响呢樹講既正面野,查實都係同時再三同緊自己講,等自己再有力量去堅持,始終我都係人一個嘛...^^

大家都要加油!

~仔仔媽咪~

原帖由 pipi331 於 10-1-12 12:58 發表


仔仔媽咪,

多謝您提醒. 健康院嗰D姑娘醫生 系太公請返來 耍人ge. 咁我下次 帶亞仔上去都唔駛呻咁多嘢, 當系免費做個唔準的 quick test 算啦.

係啦,照做咗先囉!始終呢D有得做好過無得做,至少都有個初步答案俾自己參考嘛~~~