安基司媽媽

YuYuMother

happydino,

係呀, 我囡囡係A班架.....家長會0個日我有事, 所以你見唔到我.  不過我認得你個囡呀, 我尋日接囡囡放學都見到佢. 佢係唔係婆婆/嫲嫲接放學架? 佢札左辮好cute喎.
  

cchan

YuYuMother

知唔知日生會要唔要比錢同要唔要買蛋糕返學校呢?
知唔知最近會唔會有活動攪呀?

YuYuMother

cchan,

生日會唔駛比錢. 0個個月份生日既小朋友可以帶小食同蛋糕返學校同其他小朋友分享.

活動? 你指幾年班呀? 0岩0岩先開學, 無0甘快有活動住喎.

chichingmama

謝謝你們回應 : happdino , YuYuMother

我想多數都唔去英藝interview, 其實我還有一間心水幼稚園就係粉嶺五常法.anytime可interview, 但最衰安基司要到11先可interview, 所以冇得參觀, 比較唔到兩間幼稚園, 唔通要兩間幼稚園都交留位費     

snoopy_lamlam

我囝囝已報名明年8月讀N1, 已交o左成3個星期, 佢地話會有老師聯絡我, 但就冇過幾時約interview.
要interview先可以去參觀間學校呀.

我去過英藝睇過, 佢地得一層樓, 當然相比安基司梗係冇得比.

chichingmama

snoopy_lamlam:

我交form時問他們幾時會interview, 他們話大約11月到會電話再約.

tsuntsunbb

我昨日同仔仔第一日返學, 我覺得d teacher 唔係咁多笑容, 尤其是大仔d 班, 昨日排隊時有一個小朋友大叫, 即刻有老師(外籍) 問who shout 同埋眼光都幾惡,  好似我日同佢返學, 可能我同姐姐係度, 佢都好少理我個仔, 希望無家長陪時唔係咁啦, 但我覺得IN1 都好多人呀, 好難睇得到take care,  但我就得我個班的嬸嬸都幾惡囉，唔知有無其他家長知唔知International 好or local 好呢？？？？？

係呀, 大頭瑕, 你昨日遲到, 我見到個個唔知係你呢? 你認唔認我呀???　

cchan

chichingmama
以前我住粉嶺,五常法都幾貴,同如果粉嶺呂明才幼稚園幾出名.

chichingmama

cchan:

以大埔,上水,粉嶺要有外籍老師國際幼稚園唔係太多選擇(價錢唔太貴,當然唔可以同康樂園內幼稚園比), 五常法學貴就唔算貴, 但什費就比較貴啲,書簿費都會$2000./半年, 但一定要讀全日班先有國際班.

另外我想問吓安基司媽咪會否小朋友讀咗國際斑後, 真係中文就唔掂, 我曾經係another topic 有啲媽咪話小朋友4 年後啲簡單中文都唔識寫   

happydino

YuYuMother,
係呀, 平時係爺爺嫲嫲接送架! 你咁叻認得佢既?! 咁第日你接囡囡時, 如果見到我囡囡扭計, 記住上黎呢度報料俾我知啦!

tsuntsunbb,
我都覺得國際班太多人! 開家長會個日我見地下post左每班既name list出黎, 我8卦下IN2既人數, 嘩, 竟然有29人!!! 我覺得幼稚園一班咁既人數實在太多, 都真係幾難照顧架! 你囝囝個班有幾多人呀?

tsuntsunbb

Dear happydino

我有真正數到, 因為當日好嘈, 我淨係顧住睇住自己個仔, 但淨係覺得好多人好嘈... 星期一我會認真數吓

happydino 寫道:
YuYuMother,
係呀, 平時係爺爺嫲嫲接送架! 你咁叻認得佢既?! 咁第日你接囡囡時, 如果見到我囡囡扭計, 記住上黎呢度報料俾我知啦!

tsuntsunbb,
我都覺得國際班太多人! 開家長會個日我見地下post左每班既name list出黎, 我8卦下IN2既人數, 嘩, 竟然有29人!!! 我覺得幼稚園一班咁既人數實在太多, 都真係幾難照顧架! 你囝囝個班有幾多人呀?[/quote]

YuYuMother

happydino 寫道:
YuYuMother,
係呀, 平時係爺爺嫲嫲接送架! 你咁叻認得佢既?! 咁第日你接囡囡時, 如果見到我囡囡扭計, 記住上黎呢度報料俾我知啦!

我認得你囡囡, 因為之前上協康會Playgroup我囡囡都係同你囡囡同班嘛. 不過我囡囡後來無再返0者.....你記唔記得呀? 係呢, 0甘你囡囡仲有無返Playgroup呀? 我唔係日日湊囡囡架, 不過0個日0甘0岩放假咪湊佢囉, 平時都係工人湊佢返學放學既........

大頭蝦

YuYuMother >> 多謝你的回應, 我諗都係要比多 D 時間才要諗

Tsuntsunbb >> 我尋日上到三樓, D 男仔岩岩由 washroom 行番出黎囉, 你係咪其中一個同 D 小朋友一齊由 washroom 出來架 ? 如果你仔仔係同我仔仔同一班, 敢就好了 ! 點解你宜家都仲可以陪仔仔一齊上堂 ?? 另外, 在呢段期間, 你可唔可以幫我手留意一下或者幫下我仔仔呀 ? 我仔仔岩岩夠兩歲半, 但係佢做咩都好鬼論盡, 去 weewee 又成日痾濕褲仔, 我怕 D aunties 唔開心咋 ! 成鬼日比麻煩人地...唉, 我都唔知邊個打邊個呀, 我點人相好差架, 成日見果 D 人我都可以唔認得同埋唔記得在邊度見過或者邊度識的...BTW, 我之前見過你架咩 ??

happydino

YuYuMother 寫道:

我認得你囡囡, 因為之前上協康會Playgroup我囡囡都係同你囡囡同班嘛. 不過我囡囡後來無再返0者.....你記唔記得呀? 係呢, 0甘你囡囡仲有無返Playgroup呀? 我唔係日日湊囡囡架, 不過0個日0甘0岩放假咪湊佢囉, 平時都係工人湊佢返學放學既........

我記得, 你仲話幫囡囡jon左屋苑d playgroup o麻。
琴晚阿女玩扮老師點名, 佢up左你囡囡個名呀! 我都係琴晚先知原來佢記得咁多同學仔既名!
佢仲有返緊協康, 都係星期六下午, 上午就跳芭蕾舞。

YuYuMother

happydino,

你囡囡係邊到學芭蕾舞呀? 我都想幫囡囡報, 不過最近都好似要去沙田.......。我先生又唔贊成佢學, 驚跳得多對腳唔靚喎~~~比佢激死.

happydino

YuYuMother,
囡囡响粉嶺學芭蕾舞, 45mins一堂, $400一個月。 佢上個種叫PP班, 即pre-primary, 基本上我唔清楚敎乜, 因為家長冇得跟入跳舞室。 不過囡囡會跳俾我睇, 佢只係做d簡單動作如skip, hop, turn around 同 整尖腳等等。
我覺得佢現階段學既都只係d基本步, 就好似大戲既姿勢造手, 應該唔會咁快有甲組腳既!

bertbobby

Hi cchan,大頭蝦

我囝在安基司初初都係足兩歲就續啦,情況係佢6月頭入讀,適應個幾月沒有耐,又放暑假啦,再9月開學從新適應,如事者我就等左接近兩個月他才可適應下來,在加上同他建立好關係的外藉老師,因意外整傷背"錐"返吾到來所以適應時間耐左D ! 而且又見到D新加入同學, 覺得老師吾錫佢,其他人哭又有人抱起,所以覺得被

happydino

LeeAnn'sMother,
我囡囡舊年in國際班時, 課室內有兩位老師, 外籍老師同我傾, 本地老師同我女傾, 我冇留意個位老師係咪全程同囡囡講英文, 但我聽到佢問囡囡"what is this?" (佢手上攞住d野), 咁我女好大聲答: "兔仔"! 其他就留意唔到, 因為掛住同個位外籍老師傾。 interview完後, 即時就知收左同去樓下交留位費。 事後我問返囡囡老師問佢乜, 佢話老師問佢顏色, 佢就答"green"喎! 成個interview大約20-25mins。