安基司媽媽

cchan

各位安基司媽媽

我個女返k1已經二星期,但點解佢成日都同我講唔返學呢?你地小朋友有沒有同樣問題呢?

happydino

cchan,
你囡囡讀邊班? 我囡囡好鍾意返學喎, 日日都講學校d野俾我聽, 不過我覺得太早有功課! 你有冇試下問佢點解?

snoopy_lamlam

happydino,

妳囡囡係唔係由N1開始就讀安基司, 我想知 d老師好唔好人?
因我已幫囝囝報讀明年N1,但未約見.

cchan

happydino

IN2A am ,我有問佢係咪小朋友蝦你,佢講唔係,但由講唔出,成日話"媽媽我唔返學",我都覺得太早有功課, 報讀個時佢話國際班無功課,本地班先有功課,而家都唔係,我朋友第一次都唔知有功課,佢欠交左囉.

happydino

cchan,
我6:00pm時post左message架, 唔知點解冇左!
我都記得interview時有位Miss Annie講過國際班第一年係冇功課架! 我囡囡本來係會同你囡囡同班, 不過我7月時同佢轉返主流班。

我本來諗你囡囡會唔會未適應全英語既環境呢?! 但今晚收到囡囡班主任既電話, 傾談間佢講到話有d小朋友會响返學後兩三星期開始扭計, 因為對"返學"or"學校"呢樣野既好奇同新鮮感過左, 可能會變得唔想返學。

你囡囡有冇可能就係咁呢?

snnpy_lamlam,
我囡冇讀過n1, 佢今年至正式入學。 我聽囡囡每晚既"報告", 佢就好enjoy學校既生活, 又話佢既老師好鍚小朋友

cchan

happydino

你個班主任好好喎,打電話比你傾下,我都有聽過無新鮮感,所以同老公傾過睇多二星期囡囡的情況才聯絡班主任,可能我囡囡是細女比較無安感.

係啦點解轉返主流班呀,你地主流班學什麼,同功課是否油顏色呢?

happydino

cchan,
我都覺得呢個班主任幾好, 幾nice。
你囡囡幾月出世架? 我諗如果囡囡下星期初都仲係咁, 你就call下班主任了解下啦。 不過話唔定老師會call你傾下, 就好似我囡個老師咁!

我睇囡囡d書,同手冊, 佢地都係敎下顏色, 分類, 認字等。 上星期敎左"人"&"口"字。 至於功課, 都係填色, 連線, 貼貼紙。

其實開頭決定轉返主流班都心大心細架, 但我知自己冇咁好彩可以中3T同六合彩, 所以囡囡第日都係讀主流小學架啦, 雖然囡囡聽同講簡單英文都OK, 不過我諗如果佢返主流班, 由本地老師敎, 佢應該會易適應D, 所以咪轉囉! 不過我都會考慮明年俾佢返全日, 上午主流, 下午國際咁, 到時再睇下囡囡本身既情況先作決定。

cchan

happydino

囡囡12月出生應該都係全班最細,如果情況無改就頭痛轉校or出年先讀呢?
有無心目中小學呀,我聽講千禧田家炳幾好.

happydino

我未咁快諗小學喎, 等我enjoy埋今年先啦!
其實你唔駛咁擔心既, 如果你囡囡情況冇改善, 你會唔會先考慮轉主流班? 一來俾囡囡試下, 可能佢真係只係唔適應個語言環境呢? (你地响屋企有冇同佢講英文) 二來如果只係轉班唔駛花費咁多o麻! 轉校的話, 校服, 書包等等都係$$喎!

chinchinmon

請問主流班的老師有愛心嗎? 英語班亦是每天由外國人教嗎?有沒有普通話學呢??

YuYuMother

happydino,

你記唔記得我呀?? 我囡囡同你囡囡係同班同學黎架. 呢個班主任係好好架, 好有愛心。我囡囡讀N1時都係佢教, 我囡囡好鍾意佢架.

班主任尋晚都有打電話比我地傾下計。其實如果平時你有問題, 都可以打電話去學校問老師架, 佢好願意幫你架.

至於功課, 我覺得可以接受. 因我囡囡讀N1時都有油顏色同學a-z, 所以我覺得完全無問題.

cchan,

我建議你睇多一至兩個禮拜先啦, 如果情況無改善, 你就要同班主任傾下, 睇下你囡囡係學校既情形. 我都覺得無需要轉校, 你囡囡係細囡, 可能適應能力慢d, 比多少少時間佢啦.

cchan

happydino ,YuYuMother

我都係好似你地噤睇多一,二個星期先,平時屋企好少講英文,但佢已經認得出A-Z的英文字啦,同佢鍾意睇英文DVD,簡單英文都聽得明而且返過YMCA 英文PLAYGROUP佢都好開心,所以比佢讀國際班囉.所以我無想過佢會話唔返學.

snoopy_lamlam

YuYuMother,
我想問問安基司o的環境(內裡)好嗎?平日不準去參觀,要等到interview 先可以睇.
妳囡囡返 N1時,有沒有課外活動呀或其他活動?
係唔係個個老師都咁友善呢?

大頭蝦

其實全部 D 先生同 aunties 都幾好禮貌, 我個仔由二月開始返 IN1, 到左今個學期佢都仲係留班讀 IN1 (因只得兩歲半, 未夠年齡升 IN2)...但係, 頭果半年 (二月至七月) 佢返學都返得好開心, 但係一到八月, 有 D 新的小朋友返 adaption , 佢就朝朝早唔肯返學, 朝朝早同平時一樣, 未夠八點就起身, 我去開奶比佢飲, 飲完幫佢換校服, 佢就開始扭計, 大喊, 話 "mama, no school" 又或者 "mama, no go to school, 哥哥 crying", 佢只得兩歲半人仔, 識得講好少野, 都好彩, 佢講左個 main point 比我知, 就係佢唔想返學係因為其他小朋友喊, 係, 我個仔好怕第二 D 小朋友喊, 有時坐車見到有小朋友喊, 佢都 "yuen" 起塊面望住我, 扁起個咀想喊, 跟住伏在我 shoulder 望住個小朋友, 跟住就 "um" "um" "沉沉" 敢自己同自己講話 "no crying...no crying...no crying....." 我都唔知佢係驚人地喊, 定係覺得煩...宜家佢唔肯返學, 我覺得 99% 係因為學校班入面好多小朋友喊, 但係, 先生又話佢返到學校沒有特別喎, 唔明      最衰係仔仔朝朝早係敢喊, 係敢扭, 我幫佢著完鞋, 佢又除, 我去開門, 佢又擋住唔比我開, 到我開到度門, 佢又話 : "mama, I wanna go poo poo", 敢我同佢去, 佢又真係痾得出, 一係就唔理佢點扭點喊我都強行抱起佢, 出到門口等的士時, 佢又玩 piss, 迫住要返入屋幫佢沖身換褲換鞋襪, 上的士又唔肯上, 成日搞到朝朝早遲晒到, 仲要係遲大到, 有時成 9:30AM 先返到學校, 朝朝架的士去到學校門口落車後, 佢就伏在我 shoulder 扮訓覺, 唔想返學, 要我抱埋佢上課室, 上到課室我放佢落地, 佢就大喊...唉...今朝仲遲, 搞到 10:00AM 先返到學, 唉...搞到我朝朝面懞懞

但係有一點就係我覺得個仔返學後, 個人肥左好多, 我比個仔一夠 2YR 就返 whole day 的原因係因為佢跟住我唔肯食野, 只肯飲奶, 所以我先忍痛比佢返 whole day, 比佢跟住 D 哥哥姐姐同學仔一齊食飯食茶點, 呢一點, 我好相信安基司的老師同埋 aunties 十分幫到我 !

唉, 若老公真係堅持要轉校, 就頭痛了, 大埔有國際班又要有 whole day 仲要係 nursery 的學校我諗都冇咩選揀.... 各位媽咪有沒有 D 咩野好提議呀 ??

YuYuMother

大頭蝦,

我囡囡返N1時都試過下學期有新生加入, 但so far都無你仔仔既問題. 其實都好睇你個仔既班主任好唔好.

好似我個囡既班主任0甘, 有咩事都會打電話比我同我講, 不論係囡囡naughty, 整親抑或其他, 放學後佢都會打比我......唔會話隔幾日先. 當然, 有時你發現有問題都要即刻打返學校問下, 好多時都會搵到原因.

我諗你仔仔成日piss, 可能係想得到老師或aunties既attention(因為有新同學加入). 你試下多d同仔仔傾計, 同埋同佢既班主任溝通多d. 如果個班主任都解決唔到, 我諗你要同主任或校長傾傾........

其實我覺得轉校唔係最好既解決方法, 最緊要係搵出問題所在. 如果你仔仔係因為有新同學而想get attention, 0甘去另一間學校都會有同樣情況發生. 但如果係老師handling既手法有問題, 0甘你就要考慮下啦. 或者你會唔會考慮轉主流班?

至於大埔有國際班又要有 whole day 仲要係 nursery 的學校, 我都唔係好肯定.....我知明雅都應該唔差, 不過唔知有無nursery......另外鹿茵山莊同倚龍都好似有國際班幼稚園, 不過你要check下囉.

YuYuMother

chinchinmon 寫道:
請問主流班的老師有愛心嗎? 英語班亦是每天由外國人教嗎?有沒有普通話學呢??

chinchinmon,

主流班既老師好有愛心架.....   英語班係每天由外國人教. 普通話由北京師範大學畢業既老師教. 另外仲有電腦堂.

我老公話我囡囡d普通話好正, 叫我唔好同佢溫習, 要由我老公自己同佢溫....我老公話我d普通話渣, 個女原本讀0岩都比我教錯喎!!  :-x

YuYuMother

snoopy_lamlam,

安基司o的環境幾好架, 好光猛同好乾淨. 我記得囡囡N1 interview前我都要求過參觀, 當時可以星期六上午去參觀, 因為少學生d.....不過可能而家唔比啦 .

我囡囡返 N1時無咩課外活動架, 因為佢地仲細嘛, K1開始就會有. 不過學校裡面就好多活動. 除左生日會外, 過時過節都會開party架. 好似萬勝節, 中秋節等等. 佢地仲會成日有禮物送比小朋友添......好似中秋節0甘, 每個小朋友都有燈籠, 聖誕節又會有禮物, 好開心架!!

基本上個個老師同嬸嬸都好友善.....唔駛擔心!!

chichingmama

YuYuMother:

我都報咗名現在等11月interview, 請問你一些關於此幼稚園問題. 他們會否樣樣向錢看, 因有好多人話同類形的英藝幼稚園好商業化,樣樣講錢. 所有活動是否都另外比錢, 真的個老師都好好, 我有個朋友讀英藝1年就走咗, 佢話係門口等個小朋友放學時見到啲小朋友打交, 個老師見住都唔制止, 當然個老師係唔知我個朋友係門口見到.

同時我記得安基司有部行人電梯是否給予小朋友用, 會否危險嗎?唔好意思咁多問題. thank you very much.

happydino

chichingmama,
以我所見, 部行人電梯已經封左。 學校入面既環境真係好乾淨同光猛。 住我樓下個小朋友都係呢間讀, 我未報名前都有同個媽咪問過意見, 佢好滿意間學校同d老師(佢囡囡都係主流班), 加上我鍾意間學校光猛, 夠天然光, 所以最後俾囡囡返呢間。 依家佢返左三星期, 都冇話唔願返學, 仲返得好開心。

YuYuMother,
咁你囡囡係咪A班? 點解8月家長會我見唔到你既? 不過唔緊要, 第日大把機會見面傾偈!

YuYuMother

chichingmama,

我唔覺得佢地樣樣向錢看, 不過相比d街坊少少既幼稚園, 佢地有d收費就會貴少少. 好似每次活動例如生日會0甘, 之後學校都會曬番相片比你, 當然張相有你小朋友係裡面先曬比你啦.....每張收三元. 如果你唔想要, 可以事先話比老師聽, 如果唔係, 佢地每次都會曬比你. 我個人覺得無咩所謂, 因為自己好難會幫囡囡影到學校既生活片段, 所以keep番都好. 除左呢樣, 其餘都無咩特別收費喎~~~~~~~

好老實講, 我自己就唔鍾意英藝. 一來覺得環境無安基司0甘光猛, 二來d老師完全無令你覺得佢地有愛心, 純粹好似一間謀利機構0甘~~~~不過以上只係我個人意見, 你可以兩間幼稚園都參觀下, 最緊要同老師傾下計.........feel下佢地有無愛心.

至於安基司部行人電梯, 我個囡由N1讀到而家都年幾啦. 都無見架行人電梯用過, 所以我諗唔會開架啦. 純粹係當初設計時有埋0者, 所以你唔駛擔心.