會不會太遲，兒子過了6歲才發現是自閉。。。後悔莫及

amycml

我建議你而家就去排政府，等緊政府服務既同時可以去私人既，因為政府既服務好全面，又密集，包括多方面既治療：職業治療(同小朋友做下肌肉訓練)，感官系統訓練，行為治療....

如果自閉症既私人治療，行為治療就最常用，係減少小朋友不適當行為，同時提升適當desirable行為，但係行為治療要好密集式去做，每日3小時治療加3小時家中訓練，真係幾貴

有一間叫自閉症人士福利促進會，入面有行為治療師，收費應該平過出面一半，但唔知駛唔駛排好耐

其他既治療選擇有遊戲治療，感統治療，咁呢D就係一個星期一次，每次一個鐘，收費800至1000元

講到底，治奈以外不忘發掘小朋友既長處，幫佢發展，其實好多自閉症小朋友都好叻，你要加油呀，支持你!!

xixi1218

原帖由 amycml 於 10-5-30 14:23 發表
我建議你而家就去排政府，等緊政府服務既同時可以去私人既，因為政府既服務好全面，又密集，包括多方面既治療：職業治療(同小朋友做下肌肉訓練)，感官系統訓練，行為治療....

如果自閉症既私人治療，行為治療就最常用，係減少小朋友不 ...

多謝，請問如果上小一了，那這些治療是不是要停了？

xixi1218

另外，我還想問一下，如果政府和私人的都進行，方法上會否有衝突，而且會不會導致混亂？我本來也有想過，不過我想可能遵循一個計劃會有系統一點。
還問一下：協康會是私人還是政府的？如果申請政府的，6歲以上是怎麼申請？

[ 本帖最後由 xixi1218 於 10-5-31 13:21 編輯 ]

andylcm

協康會本身是私人機構, 有"青蔥計劃"是照顧自閉兒童的需要, 是一個全面的計劃. 每日上堂三小時(如果我沒記錯), 月費7500元, 要排隊. 約三至六個月. 而這個課程據說是好評佔多數.

除了收全費的"青蔥計劃", 協康會亦接受政府全面資助, 在多個中心有S位, 同樣是十分全面的自閉兒童服務, 上課時間是全日制, 可以說是比青蔥計劃更全面, 不過中心多, 唔同地區的水準有分差(據說東涌條龍好短, 但水準甚低), 但因為是政府s位關係, 學費十分平(三百餘元), 但要排好耐隊, 一d口碑好的中心動輒排兩三年. 申請政府位, 要去政府做正式評估後再轉介(一般等半年先有得做評估, 之後等幾耐視乎你選那一間中心), 或是由一些私人中心做正式評估轉介社署社工跟進(評估唔駛等, 但s位一樣要等). 總括, 要政府s位一定要做正式評估. 問題是你想做政府評估定係私人評估.

xixi1218

多謝！很詳盡。