- 在線時間
- 635 小時
- 最後登錄
- 15-4-26
- 國民生產力
- 195
- 附加生產力
- 765
- 貢獻生產力
- 0
- 註冊時間
- 03-3-23
- 閱讀權限
- 10
- 帖子
- 3451
- 主題
- 8
- 精華
- 0
- 積分
- 4411
- UID
- 8202
|
Pianokc,
好多謝你咁詳盡既回應, 我而家清楚多了!
女兒只係單對單學琴兩年, 比賽經驗只得一次校際, 今次係第二次....呢兩次比賽, 老師都係跟足個譜唻教, 咁校際首歌, 我覺得跟足都無問題, 因為首歌唔踩腳掣反而好d! 但今次呢首, 我之前都有問老師, 呢首係跳舞歌, 如果可以教阿女響某d位加埋踩腳掣, 我諗效果會好好多的!
但老師就話...個譜無話要加, 唔好自己加, 免得被評判扣分, 同埋個譜寫左係咁, 都唔應該自己亂咁加的! 就係咁....我女練呢首歌嗰陣, 總係改善唔到我想佢改善既野...練唻練去, 都係一種好操兵既感覺, 而無一種跳舞好優美既感覺!
所以...當評判話畀我地聽, 係應該響某d位踩腳掣, 咁就會連貫好多同埋會無左嗰種操兵感覺既時候....我心裡係千萬個疑團...又話唔加得既? 點解評判話要加架?
其實我女當日比賽好緊張的, 但到上台鞠躬開始彈....又好似另一個人咁, 盡佢所能完成整首歌...佢有獎無獎, for我唻講, 真係唔重要, 因為我真係好欣賞佢咁勇敢的...只係我想清楚知道, 其實係咪可以加....因為比賽後, 我再同番老師講, 老師都堅持話唔可以的...尤其校際, 更加唔好自己加上去....就係咁...所以我至會發出呢個問題架咋!
另外, 呢個比賽, 我無嗰種唔公平既感覺的, 我只係心中千萬個疑團, 究竟係評判既問題, 定係琴老師既問題呢? 而家你地個個都話我知係可以咁做....咁我要同老師講番, 等佢知道係可以咁做, 糾正番佢...咁日後, 就可以更加改善到個女既技巧等等喇嘛!
當日比賽, 得一個小朋友彈阿女同一首歌, 嗰個男仔有踩腳掣的....阿女一聽...就同我講: 媽咪...好聽好多呀! 雖然最終嗰個男仔都無獎, 但真係好聽的...踩左同無踩, 分別好大! 坦白講, 呢個鋼琴比賽既參賽者質素, 我覺得....勁過校際的...我地嗰場13個小朋友, 有超過一半係有姿勢有實際, 我同個女都未見過, 真係大開眼界的...雖然佢地都係參加初級組既比賽, 但佢地擁有既技巧, 認真程度, 絕對唔似一個只得1-3級技巧既小朋友, 好厲害! 我亦都好開心阿女可以欣賞到一場咁有睇頭既比賽啊!
同埋大會亦都真係值得一讚, 小朋友雖然輸左, 但依然畀個參與獎牌佢地, 我女傻更更, 掛住個獎牌唔捨得除, 連佢自己都感受到佢既努力無白費到, 完成個比賽之後, 好安心又好滿足! 小朋友好需要認同的, 大會響呢方面真係做得好好!
原帖由 Pianokc 於 09-11-17 22:48 發表
A1 already posted what I want to say.
However, do want to add, parents and teachers MUST realize:
1) Comments made by adjudicators are PURELY one person's opinion. Yes, life is unfair, if you don't a ... |
|