我都想同大家分享我個囝學琴經驗。我個仔於04年尾先開始學琴,老師都係教考試歌,一開始就考4級,用咗一年多d時間,跟住用咗年幾時間prepare考6級及5級樂理,於今年5月考埋8級,並於今年11月考ATCL。但睇返我個仔D成績,arual and sight reading 真係比較弱,每次考都系5-6/10分,所以比較難取得到distinction,但如果勤力都好多時考merit,同埋叫佢彈其他歌都會好甩咳,及個feeling都ma ma tei. 至於你話要用幾多時間去prepare 個考試,我個仔每日都要練1-1.5個鐘,星期六、日及學校假期都要去琴行練5-6個鐘,臨考試前一個月,一得閑或放假就要去琴行練,時間由8:00a.m. to 10:00p.m.,中間得30分鐘食飯,重辛苦個返工,雖然好辛苦,但好少聽到d小朋友話辛苦,因為大部份學生都係差唔多年齡,有peer influence所以可以捱到。但當d學生要考ATCL / LTCL / FTCL,佢哋成績就會好高分,好多時都可以Distintion.因為只係彈歌。我個仔大部份同學仔ATCL及LTCL都Distintion,重要只得11 - 13 YEARS OLD,所以佢哋都好容易入到一D BAND 1英中,因為好少咁細個就考到呢個級數。