由於係呈分試,特別多媽咪問考成點???

YmOra

呈一已經考完,也陸續知到晒各科成績,身邊特別多關心的媽咪們走來問考成點?!連一些過去五年只交談過一兩次的家長也走來關心問問!!!有點兒吃不消.還有呈二和呈三,點面對好呢?!

請問你們有遇過同類或更難應接的情況嗎?
過去有經驗的媽咪們,有拆解方法相贈嗎?
還是覺得大方DD,任佢哋問個夠呀?

thx.thx.

YmOra

kikiboy 發表於 15-6-17 23:07
我嗰d仲衰，我同小朋友一齊時唔會問，我唔在場先問小多友幾多分

好怕遇著這些家長,小孩子簡單純真容易問到嘢!

like_travel

hktraffic  去了ＱＣ升中?  

堅持升上SJC。其實好多頭１０會考慮去 SPCC / QC

39113911

回覆 YmOra 的帖子

就算其它媽咪唔問，同學之間都會比較，良性競爭先有進步

like_travel

like_travel 發表於 15-6-18 14:19
我同事仲慘，很少出席學校活動，佢囝囝  SJPS 全級第一，次次考完試Ｎ咁多家長ＫＥＥＰ住問佢考每科幾多分 ...

此子絕非池中物，小五已爭取幫屋企做家務，學煮飯，去旅行早一個星期已收拾好自己行理，對自學業要求高，又愛看英文小說，不得了

like_travel

kikiboy 發表於 15-6-17 23:07
我嗰d仲衰，我同小朋友一齊時唔會問，我唔在場先問小多友幾多分

我同事仲慘，很少出席學校活動，佢囝囝  SJPS 全級第一，次次考完試Ｎ咁多家長ＫＥＥＰ住問佢考每科幾多分，我同事一出現，一堆人輪住問，作為家長都幾frustrate .
Ｎ咁多家長叫佢去ＱＣ升中，留番個位比佢地公子升SJC

Yanamami

用个輕鬆d既諗法，或者会开心d~~

其实呢个只係人之常情，人性之—：好奇而矣~~俗d講，八卦~P5P6要应付升中太苦悶，压力大，要有d茶餘飯後話題大家八卦下，禁先可以舒緩压力~

kikiboy

我嗰d仲衰，我同小朋友一齊時唔會問，我唔在場先問小多友幾多分

little_yolky

YmOra 發表於 15-6-17 09:32
我都認為學校透明度唔高會累死家長,要家長們靠估去作選校準備,其實小五後的暑假好好用,可以準備下年度自行 ...

因為學校其實都唔知道個確實名次, 佢哋只知道個校內名次, 至於自行時要用既全港名次同大抽奬時既真實banding, 佢哋唔係有100%把握, 所以咪索性唔講囉。

就算個呈分名次, 聽講都好複雜, 係要每科計唔知乜(有一班數學好既熱心爸爸之前解過, 不過好似講緊外星話咁, 完全catch唔到), 好似話有D科大家高分, 差距唔大, 差一兩分都好重要, 但如果某科高低分差距大, 反為差多幾分都無咁傷咁話。所以, 學校唔知有無做到咁仔細, 咪索性唔透明囉, 唔透明又唔犯法, 真係難為了家長。

maggie789

問吓冇問題喎,人地問你你咪問返人,大家講啫,難道你唔想知人地考成点?除非你考得好前啦,知道大圍考成点都冇壞.

YmOra

Band5 發表於 15-6-16 22:49
我估競爭激烈嘅學校啲家長比較唔願意同人講成績同選擇。

阿仔間學校就冇乜所謂，每次對卷後，佢攞幾多分連 ...

好有參考價值的分享,有好多地方都提點我怎處理,感激萬分,謝謝!

YmOra

little_yolky 發表於 15-6-16 17:16
你真係有所不知。因為呈分唔係單止個分, 如果一班20+人既小班, 家長努力D, 問到叻同學既成績, 咁佢哋就大概 ...

我都認為學校透明度唔高會累死家長,要家長們靠估去作選校準備,其實小五後的暑假好好用,可以準備下年度自行選校之前期功夫,但學校又唔講呈一之呈分試名次,在沒有基礎數據底下怎樣找到合適的中學呢?!其實,學校係為咗咩而唔肯講呢?真係諗極都諗唔明???

kenwong888

藍子Stella 發表於 15-6-15 18:39
講番句「OKAY 啦」
利申：學生
P.S. 加油！

Exactly true!

Band5

我估競爭激烈嘅學校啲家長比較唔願意同人講成績同選擇。

阿仔間學校就冇乜所謂，每次對卷後，佢攞幾多分連隔離班都好快傳通晒，佢自己亦有打聽主要對手嘅分數，所以未派成績表都估到考第幾，多數都準！只係要提醒阿仔同學唔想講嘅就唔好追問！

直資取錄咗，問下老師意見，第日就傳遍各班，所以到放棄時就特登主動通知，免繼續誤傳！

自行好早就選定兩間，有人問都會直講。阿仔嘅主要對手都報同一間，大家傾談中都有分享填表同面試心得， 雖然有人講呢間中學鍾意一間小學收一個，大家都冇乜芥蒂，就算入唔到自行一，入自行二又如何！最後皆大歡喜，齊齊入自行一！

到抽獎時，自己的選擇都有少少另類，唔擔心有人抄，有人問都直講！

始終覺得，校內考試名次之爭，係正常，係良性，如果要小學生校園生活添上明爭暗鬥，就有啲可悲！只要好好保護自己，我就假設其他家長嘅查詢係善意分享，因為怎也傷害不到自己，至於佢講真講假，就尤得佢吧！

轉眼阿仔就升中三了，小學同學同家長，能偶然一聚都已經好難得！

little_yolky

YmOra 發表於 15-6-16 10:14
其實,我十分不明白知道人哋成績嚟做咩喎???!!!又不能提升自己孩子的成績.
再且,孩子盡了力就算吧!無謂比壓 ...

你真係有所不知。因為呈分唔係單止個分, 如果一班20+人既小班, 家長努力D, 問到叻同學既成績, 咁佢哋就大概知道自己小朋友既位置。所謂知己知彼, 百戰百勝。
如果學校乜都無俾家長, 只得個grade, 大家都係A, 咁點知自己小朋友個A同其他小朋友個A有咩分別。所以, 好既學校其實真係應該俾埋每科既名次, 咁家長先可以心裡有數, 選校估band都可以準D。學校唔做, 咁咪只有家長做囉。

mcl203

YmOra 發表於 15-6-16 10:51
係呀!有D媽咪問到你自行揀邊間,當知道不是她的競爭者就很開心,但是我的孩子只是整個香港中的...其中一間小 ...

你唔明有d家長睇法....你得....可能會令我唔得.....我唔得.....你唔可以得.....好有趣的 ~~~

我小朋友學校....學生/家長 P1-4....絕少講成績....P5 -6....唔會講成績......

bb560

原帖由 YmOra 於 15-06-16 發表
係呀!有D媽咪問到你自行揀邊間,當知道不是她的競爭者就很開心,但是我的孩子只是整個香港中的...其中一間小 ...

佢天真姊！其實你可以亂講一間，之後就話，我老公話我揀得唔好喎，又要揀過第間！

我都同意你嘅邏輯，所以我覺得講真話都無乜所謂，佢地如果講假話，就係佢地嘅事啦！

dummie

分享下經驗
小女小六, 剛考完期終試,而家等7/7放榜

在我黎講,我當然想知道其他同學既成績,名次, 咁可以為個女定立目標, 以某幾位同學做榜樣。但其實呢D都係得我想知, 我個女佢話唔需要知的。

但當然,佢都有幫我問黎滿足我既求知慾,我通常都會叫佢問成績同佢差唔多果幾位同學 (介乎班名次1-7名)及以佢既best friend.。

呈一後, 大家都好樂意去分享成績,分數,名次, 開始互相討論自行既選擇明亦會明確講明選邊兩間。

呈二後, 大家開始避重就輕, 就算我叫個女問, 都係得到某一兩位同學既名次同分數, 而自行選校方面, 因為明白有競爭, 所以同學仔都唔會主動討論。但呢個階段反而家長會互相討論。其實知道人地成績名次, 實質都係因為有比較而令到小女更加努力, 而事實上, 小女確係因為知道了同學仔的成績而努力去追。

呈三, 分數同名次係最好既一次。同學之間已經唔介意再分享, 佢地會主動討論分數, 希望係期終試打敗對手 (因為係小學最後一次考試), 有同學呈三時英文卷比我女低幾分,佢話期終一定要打敗我女拎高10分,其實都係一個良性既競爭黎既。