各位特殊障礙小朋友既媽咪,開學順利嘛?

siukei17

其實我都好想同阿仔去做一次自閉評估..不過我之前問過幾間私人既,佢地都話阿仔太細未做到.....而今年年頭3月時,阿仔3歲2個月,就見過政府評估e生...e生當然都話阿仔2樣都唔係....佢又係話只係遲.....

阿仔同同學朋友相處又唔係唔得..但佢揀...有d佢鍾意既就會同人玩..有d唔鍾意就一行埋佢度就推人/指住黎鬧...我有時返學之前會比佢向學校前面個公園玩一陣,我又見佢會同其他同學拖住跑...又會同同學仔坐向度指住個天講野...(佢講bb話..d同學又好似識聽咁..= =)
但係佢細個時又咩人都跟,咩人都可以玩一餐...第一次見既人都可以抱佢....反而依家返左學就叫佢同人hi又唔會...見到第一次見既人要2個字時間warm up,同埋痴身左好多.......問過e位既治療c,佢地話因為阿仔依家先識怕羞...我又唸過會唔會因為佢返左k1,覺得自己比人差,所以無左自信心.......

其實自閉同過度活躍究竟幾大先check架?我向政府度下次見e生已經係阿仔5歲既事啦......

原帖由 ~仔仔媽咪~ 於 09-12-1 20:13 發表


查實好無叫老師見您仔扭地喊時,索性抱走佢去一個corner位由佢喊同冷靜下呢?始終囝囝已經捉到老師個底,知老師怕佢喊會影响到其他同學情緒,佢一喊自然會有老師埋黎理佢,查實咁樣係一個惡性循環黎架.

嗰時我仔個心理 ...

~仔仔媽咪~

原帖由 pipi331 於 09-12-1 22:46 發表



可否PM您小朋友間訓練中心資料比我.
謝謝!

因為我响教育王國個PM係send唔到PM架,不如你PM個email俾我,等我email俾您.

~仔仔媽咪~

原帖由 siukei17 於 09-12-1 23:09 發表
其實我都好想同阿仔去做一次自閉評估..不過我之前問過幾間私人既,佢地都話阿仔太細未做到.....而今年年頭3月時,阿仔3歲2個月,就見過政府評估e生...e生當然都話阿仔2樣都唔係....佢又係話只係遲.....

阿仔同同學朋友 ...

其實自閉既評估可以好細個已經做到架噃...正苦嗰邊係慳資源架!呢樣連响正苦嗰度做治療師既都係咁同我講.嗰時我仔又係去到三歲前,正苦D醫生姑娘咪又係猛話我仔乜事都無...結果我仔又唔識講野又聽唔明人地講乜野又打人,連環俾兩間幼稚園踢咗出黎,要我企硬一定要佢地寫紙轉介我仔去評估,佢地至死死地氣幫我仔做轉介,結果評估出係自閉傾向.

或者你試下去出面私家度做評估,一黎唔駛等,二黎都叫做求個明白/安心,同埋之後又可以安排做D訓練,等囝囝又會進步得好D.

嗰時我仔係同差唔多年紀既小朋友相處唔到囉,反而佢又好鐘意同大過佢嗰D哥哥玩.依家升到小學,去到小二至有個同佢勁老友既ADHD小朋友同佢FD又勁好朋友.不過囝囝行為上嗰邊真係要及時糾正,一定要學校老師配合同幫幫手,否則再大D又係越黎越難搞.

~仔仔媽咪~

原帖由 pipi331 於 09-12-1 23:45 發表


同意仔仔媽咪所講, 一D唔太明顯的CASE 系好難斷到症GE. 自閉症 症狀本身己經系每個人身上的表現唔同. 擇界果班小朋友, 日常行為就咁睇都幾接近正常. 當 一,二歲 開始發覺語言方面遲緩果時, 小朋友都未到要識朋友,  ...

所以有好多時我地班仔俾正苦班人浪費咗好多寶貴時間囉,嗰時我仔歲半開始出問題,三歲連人地講乜都理解唔到,又講唔到野,正苦班姑娘醫生都可以堅持話我仔無事,仲話識得講"媽媽"已經好叻仔...結果連幼稚園都可以連續兩間讀唔過四個月(兩間加埋),無學校收,仲要我連面都唔要,企硬'迫'個姑娘同醫生寫紙幫我仔做轉介評估,咁至有得評估,結果我仔就白白浪費咗嗰兩年時間.如果及早得到評估,有相關既支援,至少我都可以多兩年時間去train up自己學下點教下我仔,而唔係ON居居虛渡自己同個仔既時間,一味以為係自己教得衰同埋個仔惡教憎埋個仔,走去係咁用錯方法教仔囉.

所以政府嗰邊係要排,但同時都搵埋出面私家嗰D,始終小朋友既黃金時期苦短,我地唔能夠再錯過同浪費.

~仔仔媽咪~

原帖由 pipi331 於 09-12-1 23:46 發表


[email protected]
Thank you

send咗俾您喇~~~

jena2468

原帖由 ~仔仔媽咪~ 於 09-12-1 19:55 發表


我都知'群育學校'係要排期咁排隊等批核囉,不過真係正如您所言,我都係擔心呢樣野,依家囝囝幾年班?有無打人呢個問題?

同埋暫時以我所知'群育學校'只會去到中三,中四至中六嗰D好似仲等政府批,所以我覺得更加未有保障 ...

e+ p.6, 選校問題迫在眉睫 !
佢就未至於打人, 但係就會踢下人, 騷擾人, 覺得悶又會擾亂課堂秩序, 可能轉左藥呢半個月情況唔係太差 !
不過好難估佢幾時鍾意顛下 !

~仔仔媽咪~

原帖由 jena2468 於 09-12-2 11:10 發表


e+ p.6, 選校問題迫在眉睫 !
佢就未至於打人, 但係就會踢下人, 騷擾人, 覺得悶又會擾亂課堂秩序, 可能轉左藥呢半個月情況唔係太差 !
不過好難估佢幾時鍾意顛下 ! ...

咁我又唔覺得佢要入群育學校喎!講真我地呢班仔都只可以靠食葯黎控制佢地情緒同行為,教當然要教,但唔係咁樣就法.至少我見住我老公嗰次'睇'嗰班仔,已經好知個成效係點,既然我地班仔係咪都要步入呢個現實社會中生活,何不趁佢地仲細,就俾佢融入番呢個主流'社會'(主流學校)?學校有得揀群育,但社會唔會有個地方叫做'群育社會'囉.所以我覺得真係唔駛考慮入讀呢D學校.

正如好似我朋友所言,入咗呢D學校就無得番轉頭,但唔入反而我地班仔仲有機會去改變,我會寧願俾多D機會我仔去變去適應同學習到點响呢個社會生存.

我仔之前係有打人呢個問題架,係得今年小四開咗學後無再打人,查實我地班仔都一路有改善有進步,只係無我地期望咁快啫....所以就算佢地行得慢,但我覺得都要俾條路佢地行. 所以您都唔好灰心,要加油!

jena2468

所以睇下邊d 融合中學啱佢

~仔仔媽咪~

原帖由 jena2468 於 09-12-2 12:55 發表
所以睇下邊d 融合中學啱佢

係啦,其實依家嗰D所謂融合教育同普通主流學校分別唔太大架咋,至緊要都係睇番間學校包唔包容到我地呢類小朋友,學校支唔支持同態度好唔好都係好重要,始終學校一個老師對住咁多學生,有時又好難要求到學校可以做到D咩既,至緊要大家都積極D正面D可以互相體諒亦互相合作/配合到啫.

~仔仔媽咪~

原帖由 ANDREAMLEE 於 09-12-2 13:38 發表
尋日又比囝囝激C，今日要默書，他可以唔見咗本中文書，我又要發din一輪，無可奈何之下係床下底找兩年前囡囡本舊書同佢默，讀書唔叻唔緊要，但真係唔好日日無呢樣無那樣，漏呢樣漏那樣，D嘢永遠都唔齊的，真係你唔C我C呀，比我申下啦！ ...

我地呢班友仔好多都係咁架!我仔咪又係,到依家都成日唔見野架!我都係要邊鬧邊罰邊搵方法教佢點執好書包,仲要時刻兇佢要求佢每日放學前必須清學校自己個櫃桶,唔可以留低任何野响學校,咁我仔至有番少少改善,叫做少咗唔見野囉.

呢D又係要教個仔大個仔,否則如果我地仲當佢地係BB咁,佢地只會將問題越堆越大架咋...有時都要軍訓下佢地至得.

唔怕啦!呢度我都係留俾各位可以隨時入黎呻下傾下問下野,所以你大可放心地响樹呻一呻,至少自己呻完都舒服D啦!

siukei17

今日同阿仔一齊返學..終於知道阿仔喱排向學校咁...
我唸應該係老師一開始對佢寬鬆,老師見佢返左學一排..要收緊規則..阿仔就唔鍾意...所以就係咁訓地...結果比我返屋企罰..
依家阿仔應該係嬲左老師....今日我同佢一齊返學..老師同佢講野佢真係得登合埋眼/擰咩面,扮聽唔到...要我叫佢先做....
咁就死..佢之前都試過咁嬲人..佢阿爺打過佢..佢成2個月唔彩佢阿爺...
今次唔知嬲老師幾耐....

~仔仔媽咪~

原帖由 siukei17 於 09-12-2 23:43 發表
今日同阿仔一齊返學..終於知道阿仔喱排向學校咁...
我唸應該係老師一開始對佢寬鬆,老師見佢返左學一排..要收緊規則..阿仔就唔鍾意...所以就係咁訓地...結果比我返屋企罰..
依家阿仔應該係嬲左老師....今日我同佢一齊 ...

咁呢下野真係好靠老師俾Ｄ耐性同您囝囝'和好如初'喇!小朋友好正接架!我諗要多D同學校老師傾偈,等大家可以夾計令囝囝唔再訓地,可以合作番~~^^

~仔仔媽咪~

原帖由 pipi331 於 09-12-3 01:02 發表


仔仔媽咪,

多謝您電郵.
官字二個口, 當官的只為份 厚綠.
一面就話要及早識別, 又小冊子又講座. 但系想舉手正苦就無配套; 焗我地呢d稍稍比到錢去揾私家, 私家就好多時都講d唔講d, 系度dum症. 我都aa地咖, 可唔可 ...

唔駛客氣!

查實呢D真係苦了家長同我地呢班小朋友囉!講真有幾多人可以真係每個月嘔到成萬蚊費用出黎去俾仔女出去私家度做治療吖...出面嗰D私家訓練又好貴,嗰時我仔嗰間係出名,同埋又係我教友介紹(個教友係做政府精神科醫生),但嗰時一堂都要六百幾蚊,一個月密訓都要萬三蚊至落到樓,仲要長期做,我嗰時都係靠我哥,我至有幸俾到個仔去私家度做訓練咋!但都只捱到一年,我哥都負擔唔起咁龐大既支出,結果又是迫住我呢個亞媽自己DIY自己諗計仔教個仔...我係教到,但個仔同我真係行咗唔少冤枉路亦受過唔少苦,當中浪費咗我地幾多時間,相信點補都補唔番.