迦南幼稚園 家長分享

法子

嗚嗚嗚~~Bovie 今晚坐係張飯椅度跌左落地,右眼角有"損"左;腫晒!喊左成個鐘!
依家眼角位藍藍紫紫,又腫到去眼度,陰功功......     

emilylin

wendy
emily 係讀上午K1,佢冇搭校車,原本想比佢搭,我奶奶話咁近,小朋友當做運動(都唔係近架,我住路德圍,行都要15分鐘,有時都驚佢倦,所以想佢搭,校車費都係$300到),但我奶奶堅持話搭校車要好早去等又要周圍去接其他學生,等得梨都去到羅,不如比emily訓多陣好過,佢咁講我都冇得講啦,佢老人家都唔介意一日行兩轉,唔通我堅持咩....
hugo鍾意返學就好羅,K2下個月係唔係有家長日定係淨係K1先有??你邊個湊hugo返學放學??
係呢翁老師有冇教過hugo??

emilylin

法子
   ,點解咁唔小心呀,真係肉都赤埋,有冇搵野茶吓,好多人話獅子油得,如果冇,用雞蛋同佢"陸吓"等佢有咁"於",點會跌咁犀利架,小小"損"有冇流血,我都替你心痛   

emilylin

miriammami
係呀,都唔識整個club,佢咁多分店,我次次去親都買好多平野,而家呢個sales唔係好熟,我同個肥肥地熟d,
河馬我都會趁佢大減價去買,有儲緊coup換沙發
我有d關於琴請問你,初學用二手好唔好,tomlee介紹一隻廣州出,係唔係大陸出就唔好??

miriammami

我知道河馬同牛牛每年都"搵"好多(大集團, 本小利大), 所以唔到三折都唔去睇, 你好犀利, 儲緊fun換sofa, 大減價時member有無extra discount?
如果你識個賣家(朋友)就唔怕佢呃你琴齡同佢平時有無保養, 我對那些琴倉, 易手琴行有d懷疑, 邊度得黎咁多新的display, "壹仔"都登過case有個媽咪俾二萬幾買個成廿年嘅, 奸到改左serial no扮"年紀小", 個serial no. 係刻住都比佢做左手腳, 所以有好多細微野都可以比佢地呃到, 而大行都有收左d琴, 返新過再賣, 揀d名牌子信心都大d, 始終都預算洗一筆都唔爭在一千幾百, 第日賣比人都有市場同有個價, 大行有好多優惠同分期, 我都仲供緊個琴.

法子

唉~~~~~
Bovie 依家變左"大細超",又腫又藍又紫又血絲....
佢話"雖然係痛,但係隻眼好似塗左眼影咁靚~~"
@_@比佢激壞!!!

唔知K2幾時家長日呢???
遲D有同樂日?幾時呀? Open day??
有冇同先生宣傳下依度呀~~哈哈哈哈......
      

emilylin

miriammami

大減價member再八折(好似),但就冇fun,我而家得12個印花,仲爭6個先可以免費換迷你沙發,其實而家都可以換,但要加成$300幾蚊,我覺得唔值,希望係下年2月截止前可以換到,如果唔係就"吳低"
其實佢同牛牛d野都幾好,但有d質地一般,反而覺得雞雞d款靚d,但就貴d,
你講得冇錯,冇胃為咗慳個小小,攪到大大損失,你講壹仔個個單,我都有d印象,我諗橫掂都係,買部有信譽d,好過好似個單咁,又期我地d外行人,
你呢你除咗報呢間,仲有冇報其他??

emilylin

法子

Bovie咁攪笑,識得自我安慰,其實佢EQ都幾高,有D小朋友小小野起碼扭你幾日,而家Bovie冇扭你,仲反過來安慰你/自己,佢真係好乖囡呀,咁Bovie今日有冇返學呀,老師會唔以為佢塗左眼影,嘻嘻
同樂日好似係下年一月,係九龍塘攪,佢邊大D喎,呢D係emily班主任講的, Bovie而家搭校車??

miriammami

emilylin,
除左迦南仲有救世軍幼兒園, 11月頭就去報救世軍幼稚園, 睇下邊間收啦, 因為我媽仲周不時去做下parttime, 有時又要去拜神, 都唔想幫我湊女, 話好困身, 不過入幼兒園要等多一年, 都要返半日幼稚園, 無辦法之下佢都肯幫我, 我媽真係好偉大, 尢其睇到心聲版其他媽咪嘅分享, 我媽肯停薪留職一個月陪我坐月, 捱眼瞓幫我湊bb, 錢銀都唔計較..........我同奶奶老爺都ok, 佢地對我好好, 尢其佢地兩老原來恨女....因為佢地家族多仔, 我自己仲恨仔俾佢地安慰返轉頭....好好笑!
我住葵涌, 唔知坐校車返學安唔安排到, 好似每日就算坐去程都要交足$, 我兩公婆返8點半, 都未諗掂d時間安排.
迦南多唔多雜費?

Carmen

我囝囝o係9號去左迦南面試...不過唔知得唔得呢...學校方面話要等三星期通知...我想問下如果收我囝囝咁係咪即時交留位費o架>??同埋想知校巴由麗城返祈德尊有冇o架呢...如果有幾錢度呢??
thx......

emilylin

miriammami
母愛真係好偉大,特別係做咗媽媽之後,感覺仲深,所以真係要好好孝順媽媽,
你好幸福,奶奶老爺對係咁好,你睇其他留言板關於婆媳問題,先感覺到其實自己奶奶老爺對自己都算係咁,比上不足比下有餘,大家客客氣氣,等閑食餐飯咪好羅,最緊要不同住,正所謂"相見好同住難",好少奶奶老爺好似你奶奶老爺咁"唔恨仔恨好"咁miriam真係萬千叢愛在一身,佢地肯定好錫miriam,你咁恨仔有冇諗住追個仔呀??
住葵涌都有校車,但要好早下去等,佢要周圍去接學生,其實好可以你可自己送佢返學,學校8:30就開門
迦南雜費都唔算多,一學期書簿費$1350(包括所有教材同功課),茶點費$800(包點心同生日會,節目慶祝)
係呢教琴係你正業定副業??d時間唔係比較易話為架

emilylin

Carmen
係呀,如果收咗係要係指定日子交留位費,呢個費用會係開學個個月學費扣回,如果最後冇去讀係冇得退回
校巴有去麗城,車費我估大約$400至$500,因我問過我住路德圍咁近都要$300,詳細你要問返迦南

emilylin

法子
Bovie今日好d嗎,希望佢快d退腫退"於",變返靚靚

miriammami

emilyin,
你咁夜都未瞓呀? 全職媽媽??
教琴唔係我正職, 我只當是興趣, 因我好鍾意小朋友, 自小都想做個老師, 不過慶幸當年師範學院收我最後都無去讀, 家陣教書仲要做埋行政, 行業不被尊重, 所以工餘教下小朋友, 迫下自己進修, 都無做正職老師咁大壓力, 而且係小朋友身上都學到野家!
琴日去x神村, 又忍不住買左鞋同幾條裙, 佢返左d布鞋仔好cute, $98對, 我記得城市中心(??. 千色店後面個商埸)有間賣衫仔鞋仔, 佢賣的百幾蚊話係韓國鞋, 但我舊年係x神村買左一對$98日本牌子布鞋仔,依間店今年居然出隻95%似的老翻, 仲要貴多$40, 小心!

法子

Bovie 今天剛剛放學後,學校及付近地方一黑,原來整個荃灣西都停電. Bovie 明天開始上小童軍(非小蜜蜂),雖然5歲至合資格,但Bovie 4 1/2 他們都肯收.
Bovie 隻眼仲係瘀瘀咁...我想至快要下星期才好呢!!

法子

我今星期忘了幫Bovie 剪指甲,
所以手冊今星期剪指甲一欄得"O" 呢     :wink:

moonsay2001

法子
我又係荃灣返工, 返返下工突然克哂, 聽見各同事同一時間講左一個字"死". 因為佢地打緊文件但係又未SAVE, 所以要重新打過.
MOONSAY2001

法子

MOONSAY2001,
連交通燈都因冇電而唔著,人多車多,車又唔讓人過.....亂曬籠!

Emily,
Bovie 番學係門口都仲係唔肯同主任/先生握手講午安,把口好似貼住膠水;隻手伸出黎都驚...........真冇佢辨法!
不過佢係迦南幾開心,佢話佢係學校冇喊過,因為已經大個囡!又話佢係啤利組,林盈坐佢對面,周先生叫小朋友點點點點.....仲話茶點"又係"通心粉;唔係食通心粉就係粥..  
問我迦南幾時有紅米飯,青紅蘿蔔湯,阿華田呀?? (大坑東D餐)..........幼兒園點同幼稚園呢~氣壞!!
      

Carmen

今日收到面試結果,取錄左囝囝讀上午班

今晚終於有覺好訓...  

法子

Carmen,
恭喜~~