聖三一,培道,優才,油天,循道,崇真你會點揀,比d意見~

Imouto

呢幾間都各有優勢,都唔知點決定好,我囝囝比較活躍坐唔定....唔該比d意見呀.

培道,聖三一 -- 中學校網較多band1選擇, 功課較輕鬆
油天, 循道 -- 近屋企,中學校網band1少, 多功課多測驗
優才 -- 開心學習新敎學,一條龍但係太新,轉出來又中學校網麻麻
崇真 -- 開心功課較輕鬆有英中,不過如要出來中學校網較麻麻

    

yanyan0206

聖三一好似會在9月轉英小

Mewoo

我個仔讀緊培道小一,功課較輕鬆,每日只有三四份,不過一年測4次,考2次,即係話隔個月就測吓考吓咁!都唔輕鬆架!每學期的第2次測驗會同考試一齊計分架!中間嘅黙書就每星期一至兩次,都幾忙架!學校程度一般,中文教得好深,用普通話教,我個仔讀咗未夠一年普通話已經好唔錯啦!而且小一已教三字經,教中文就真係無得頂,但英文就..........
學校係一間好傳統既教學嚟既,你想佢好creative咩就無啦!教職員既思想都好保守,唔係好接受新事物,課外活動都好文靜,可以話小一係無乜,最叻係有個圍棋學會,培道既圍棋都好好吓架!學校最著重學生成績同音樂,如果你個識玩樂器就最buy,學生同校風都o.k.啦!因為學校管得好嚴,小息跑下都唔比架!至於學校設備,一眼睇晒啦!操場在天台,沒有千禧校舍好!沒水機,要自己帶水,唔夠都冇計啦!