請問浸小好定培僑好呀??希望有人幇到我啦!!!!

justinmom

浸小校長換了人唔知有無影響呢.........
培僑好似..........英文差d喎.................

piggybank

原文章由 justinmom 於 07-10-26 02:06 硐表
浸小校長換了人唔知有無影響呢.........
培僑好似..........英文差d喎.................

事先聲明, 我係培僑家長,
我係黎賣花讚花香的, hehehe!

唔駛諗, 梗係培僑啦,
(如果入到的話....)
浸小依家經歷緊的問題,
培僑前兩年已經經歷左,
而校長依然好有魄力.
咁耐以黎人事變動唔大,
(除左走左幾個勁唔掂的老師)
睇到學校領導層有一定能力.

講到培僑英文水平,
我覺得ok喎, 教學方法亦非常好.
d人成日傳話英文水平一般,
係攻擊, 係印象多過係事實.
我的小朋友係讀九龍塘區英文幼稚園之後入培僑的,
最初英文說話方面係有退步, 因為學校用普通話教學的課時係佔3份之2. 但普通話就進步得好快.
到左一年級下學期, d英文說話的水平已經追番,
學校有要求學生每天輪流出來show and tell,
每個單元都要出黎做project presentation,
向全班同學講解自己的project.
上堂時, 老師都有要求同學仔用英文對答,
一有人講中文, d同學仔就個個話"orrr....you speak chinese"
亞囡話好搞笑,
總之, 都有好多機會講英文.

此外, 亞囡每天都有英文功課,
要每天睇書及記錄,
又要每天回家用英文同家長匯報學了什麼,
(上堂佢地會講故事, 睇英文卡通, 分組討論, 學phonics,
角色扮演, 好多活動, 總之日日都係玩)
記錄在my day book裡.
我覺得咁樣學英文, 又開心, 學得又快.
一年下來, 已經睇左百幾本英文書,
開初我陪佢睇,
依家已經唔駛我陪, 嫌我講得慢, 阻住佢睇.

同d表哥表姐比,
d表哥表姐小學三年級d野,
亞囡一年班己經識做.
我自己都係在職媽媽,
都係做學校要求最起碼既野,
亞囡都冇出去參加d乜野英文班.
可以keep到咁既水平,
我都好滿意架喇!

到二年級,
學校就成日叫佢地寫野啦, 作文啦,
亞女依家可以寫到好長的段落或者故事喇.

有乜問題, 可以再問我啦!

max6

Thanks for piggybank's sharing. Any sharing from parents from HKBU A-school?

ho_fish

培僑英文差 ? 唔覺wor, 若你有去佢地既簡介會, 佢地小朋友本身講同project做既英文都好深。我都係之前諗浸小, 但係一d原因令我覺得浸小係講一套做一套, 再加埋校長既離職, 同佢地學校本身d教職員既ploicites, 最後竟然比我發現左培僑既"真", 同校長好有心, 我都想亞囡入到呢間學校, 家下等緊result

原文章由 justinmom 於 07-10-26 02:06 硐表
浸小校長換了人唔知有無影響呢.........
培僑好似..........英文差d喎.................

iberia

Hi;

If HKBUAS give you an offer, you have to take it right the way. This is the best choice if you would like your child has confident, speaking English / Mandarin fluently. Also your child will has global knowledge. Pls check out how many people apply HKBUAS this year and you will make the wise choice.

Pls now they have 6 principles (PHD holder) to have meeting with their teachers on monthly basis. My yourger son is their student. My elder son is in Pui Ching due to HKBUAS was started on last year only.

Good Luck!

Childhood

培僑教育機構

現任董事長為香港特別行政區全國人大代表、大紫荊勳賢吳康民先生。
校監曾鈺成先生, 畢業名人包括馬力先生(巳故).
http://www.puikiucollege.edu.hk/website/index.php?Itemid=26&option=com_content

就是這個原因, 我冇報考培僑.

但是, 培僑的老師陣容真係唔差!
http://www.puikiucollege.edu.hk/website/index.php?Itemid=38&option=com_content

以上純屬個人意見, 請各家長自行分析理解!

WD40

我小朋友個同學仔連講嘢都重係BB話都收咗, 而我有兩個朋友嘅仔女都係入面讀緊, 一個讀緊小學, 一個讀緊中學, 兩個朋友比我嘅Comments都唔係幾好, 現舉例如下:

小學部

小學部收生標準好差, 我朋友個小朋友入咗精英班, 啲同學仔先叫做好啲, 其他班就真係慘不忍睹, 同埋啲好嘅老師唔知點解走吓一個走吓一個走曬!

中學部

開頭呢間學校開嘅時侯講明會開IB課程及使用新思維嘅教育模式, 但當呂校長上場後, 成間學校變返官立中學模式, 將以前的承諾全部推反, 好似董建華八萬五政策, 我朋友個仔就因為浸中有IB先至放棄優才, 而家真係後悔!

最火滾嘅係同校長傾時, 她擺出一副官僚嘅咀臉, 厚顏無恥話: 而家無講話開IB課程, 就等於無咗啦!:tongue:

重有唔知學校係咪專揀啲屋企有啲錢嘅學生, 我朋友個仔啲同學讀到中學連鞋帶都未識綁, 唔識都唔緊要, 最大問題係比錢叫人同佢綁, 同埋呢班丸絝子弟完全無心讀書

呢啲就係以前校長留低嘅豐功偉績, 而家佢走咗啦, 不過已經令到好多家長對呢間學校失去信心, 原本我都想幫我小朋友報浸小, 但聽完我朋友啲Comments後, 真係 :cry: ...............

justinmom

Thanks you so much !!!!

其實浸小收左我個仔,但係piu kiu 就唔知收唔收.......... 但係我兩間都鍾意,好煩惱人!!

ho_fish

呢個就係我唔擇浸小既原因, 佢地簡介會比人既message, 理念好好, 但係後來我發覺根本唔係佢地講o個套, 正所謂講一套, 做一套。  有d野重可以講左唔認數。

原文章由 WD40 於 07-10-27 16:53 硐表
我小朋友個同學仔連講嘢都重係BB話都收咗, 而我有兩個朋友嘅仔女都係入面讀緊, 一個讀緊小學, 一個讀緊中學, 兩個朋友比我嘅Comments都唔係幾好, 現舉例如下:

小學部

小學部收生標準好差, 我朋友個小朋友入咗精英 ...

中天英

Childhood,

想請教吓, 淨係睇倒老師張相, 姓名同所教科目, 何以見得話D老師陣容唔差呢?

原文章由 Childhood 於 07-10-27 08:38 硐表
培僑教育機構

現任董事長為香港特別行政區全國人大代表、大紫荊勳賢吳康民先生。
校監曾鈺成先生, 畢業名人包括馬力先生(巳故).
http://www.puikiucollege.edu.hk/website/index.php?Itemid=26&option=com_content
...

[ 本文章最後由 中天英 於 07-10-28 00:17 編輯 ]

Childhood

原文章由 中天英 於 07-10-28 00:14 硐表
Childhood,

想請教吓, 淨係睇倒老師張相, 姓名同所教科目, 何以見得話D老師陣容唔差呢?

我所講的是"陣容", 請不要誤會我講的是教師的質數, 學歷, 學術成績等等. 絕無關係.
單看"陣容", 真係"拍得住" A1, 現代教育, 遵理等"名師"架!
http://www.puikiucollege.edu.hk/website/index.php?Itemid=38&option=com_content

Mcmug_1999

老實講，我對培僑及浸小都不熟悉，我選校比較保守，傾向較傳統的教學理念，及學校的歷史及往績。

選直資及私校，一定要有心理預備，因為校長比你的感覺好，理念吸引，其實可能都不實際，因為最重要是做到幾多。除非好有歷史的名校，否則沒有往績你都要有兩手預備。

浸小有浸大提供支援，可能好少少啦，起碼要對外交待！當然十個博士都無用，教中小學點同教大學。

Prairie

如果果D博士是兒童心理學博士／幼兒教育博士，便有利於中小學，同埋果D博士大部份應該是支援浸小的校長和老師，不是直接教小朋友．

我就係因為校長轉了，對小學部副校有信心，現時正積極考慮．

很多人說它行政混亂，試問有那間新校沒混亂？

還有浸小的家長應主動與學校合作，群策群力去將學校一起攪好．

雖然很多新直資和私校，未有畢業生，很難知道他們的成效，但某幾間，如浸小，培橋，蔡繼有等，在不同場合中見過他們的學生，實際成績不大清楚，但語言，談吐，反應，禮貌，自信各方面非學術的表現也認真不錯，相信傳統學校學生在這些東西上會有所不及．

JYYHMama

原文章由 Prairie 於 07-10-29 14:53 硐表
...我就係因為校長轉了，對小學部副校有信心，現時正積極考慮...

Me too !

rebecca_cheung

我已幫仔仔報了 pui kiu, 都聽聞此校好多老師經常請假, 老師也不會理會課堂秩序, 是不是事實

piggybank

發表於 07-10-26 12:18 QUOTE: 原文章由 justinmom 於 07-10-26 02:06 硐表 浸小校長換了人唔知有無影響呢......... 培僑好似..........英文差d喎................. 事先聲明, 我係培僑家長, 我係黎賣花讚花香的, hehehe! 唔駛諗, 梗係培僑啦, (如果入到的話....) 浸小依家經歷緊的問題, 培僑前兩年已經經歷左, 而校長依然好有魄力. 咁耐以黎人事變動唔大, (除左走左幾個勁唔掂的老師) 睇到學校領導層有一定能力.

呢???

Prairie

培橋因其背景，要資源的話，大把有錢佬爭住比，所以錢這方面必然不成問題．

早前簡介會的安排雖然混亂，但我仍能突破進入禮堂，只見站的坐的也在扇涼，我真的沒有心機聽校長說理念，因為每間直資／私校也大同小異，反而我有興趣學生的表現，他們很真，縱使有些蝦碌或忙了答案，也真情流露，不像CKY的同學表演，原來預早連Gag位也排練埋，觀眾不知的，當然拍爛手掌．另外在參觀培橋校園時，和幾位同學傾談，發覺同學們很喜歡學校及老師．

總括來說，同學的表現，無論廣東話，英文，普通話，與浸小的學生不相伯仲，不過，我在浸小見的學生，年紀應該比培橋的細起碼兩歲．

Prairie

原文章由 JYYHMama 於 07-10-29 15:07 硐表


Me too !

其實浸小的副校長（小學部）已是其他小學的校長之位，RUN小學的實際是她，並非前校長，所以前校長的離開，我不覺得有影響．

Allie

原文章由 Prairie 於 07-10-30 14:28 硐表
其實浸小的副校長（小學部）已是其他小學的校長之位，RUN小學的實際是她，並非前校長，所以前校長的離開，我不覺得有影響．

那你現在如何選擇呢？

我小兒又是明年ｐ１，已接受了浸小ｏｆｆｅｒ了．　我大女也在浸小，感覺上今年比上年進步了很多，雖然校長離任，但並沒有多大影響，反而感覺比前效率高了，有系統了．而我對於學校在紀律上的要求是十分欣賞的，不會似其他學校般放縱學生！

KaWo

原文章由 Prairie 於 07-10-29 14:53 硐表
如果果D博士是兒童心理學博士／幼兒教育博士，便有利於中小學，同埋果D博士大部份應該是支援浸小的校長和老師，不是直接教小朋友．

我就係因為校長轉了，對小學部副校有信心，現時正積極考慮．

很多人說它行政混亂，試問有那間新 ...

雖然很多新直資和私校，未有畢業生，很難知道他們的成效，但某幾間，如浸小，培橋，蔡繼有等，在不同場合中見過他們的學生，實際成績不大清楚，但語言，談吐，反應，禮貌，自信各方面非學術的表現也認真不錯，相信傳統學校學生在這些東西上會有所不及．  很贊成

Prairie

原文章由 Allie 於 07-10-30 14:36 硐表


那你現在如何選擇呢？

我小兒又是明年ｐ１，已接受了浸小ｏｆｆｅｒ了．　我大女也在浸小，感覺上今年比上年進步了很多，雖然校長離任，但並沒有多大影響，反而感覺比前效率高了，有系統了．而我對於學校在紀律上的要求是十分欣賞的，不會似其他學校 ...

說真的，實在很難取捨：
一間很近我家，浸小說遠又不是極度遠，現在我仔仔也是乘校車返幼稚園的；
一間的校長很好，很有魄力，我對他很有信心，浸小的Dean也不用懷疑；
兩間的校舍也很新，設施齊備，各有各好，在一條龍中小學中，校舍應是數一數二的；
暫時看到的分別是，第一，浸小在language上稍稍佔優；
另外浸小活動得來，並對學生有紀律的要求，並非一面倒愛心教育爆滿那一類；
面試時遇到的家長，普遍上比起另一間的質素表面看來高一些（請不要問如何比較，是主觀感覺）；
浸小要求家長上課，配合學校，如果由浸大辦的話更好；
浸小暫時勝了個馬鼻．

[ 本文章最後由 Prairie 於 07-10-30 16:09 編輯 ]