我個仔剛上小一已經講大話

五歲仔

我今晚好
早幾日, 我同個仔一起預備聖誕卡送給同學, 老師和校長, 個仔分左兩日才送曬出去, 我問佢點樣送比校長, 佢話自己唔識找校長, 所以找風紀哥哥帶他到校務處, 見到校長後送比佢, 我就追問個仔校長有mud反應, 佢話校長收到後係禁笑住講多謝多謝, 仲講到眉飛色舞, 我當時好開心, 係因為個仔可以好主動送聖誕卡, 佢一向都不甚怕羞, 我仲見過佢主動同校長講野, 個校長亦好nice, 所以我無懷疑過個仔

不過, 今晚見佢書包有一張聖誕卡, 就是送給校長個張, 但唔見左個信封, 我問個仔, 點解果聖誕卡會在你的書包內, 是否校長退回給你, 佢好似失憶

原來佢無送聖誕卡出去, 而校長笑住講多謝係他由其他同學口中演繹出來, 我問佢係唔係講大話騙媽咪, 佢竟然還笑笑口認左, 我好 , 我好平靜講要罰佢: 要扣5個好行為的印仔 (儲夠一定數量可以換禮物果種), 仲要佢今晚無得同媽咪睡, 因為媽咪好
angry, (原本應承佢今晚會同佢睡)

佢之後喊得好鬼大聲, 我更加 一定要佢自己睡,


請問你地會點處理小孩子講大話呢? (佢係好清楚自己係講大話果種)

健朗媽咪

原文章由 五歲仔 於 07-12-13 23:00 發表
我今晚好
早幾日, 我同個仔一起預備聖誕卡送給同學, 老師和校長, 個仔分左兩日才送曬出去, 我問佢點樣送比校長, 佢話自己唔識找校長, 所以找風紀哥哥帶他到校務處, 見到校長後送比佢, 我就追問個仔校長 ...

我仔都有間唔中講下大話

有次老師向我投訴亞仔對爺爺態度好差(有幾日係爺爺湊佢返學&去學校ga旅行)

於是我接咗個仔放學時就問返佢係咪有咁ga事, 佢一口就話無

我話無的話老師又會咁講, 唔通老師講大話, 想媽咪罵你

跟住亞仔就話唔記得有無"蝦"過爺爺

我話咁好呀, 我哋而家一齊企係度, 唔好行, 得你醒返起先行, 醒唔起就唔好行

跟住亞仔就將佢點解會比老師見到佢對爺爺態度好差ga原因講咗出嚟(其實好小事, 放學時爺爺去錯咗地方等, 所以亞仔打電話比爺爺叫佢快d嚟, 因為爺爺有少少撞"龍", 所以講到亞仔有d忟)

然後我話本來你一早原原本本咁將件事講出嚟, 我最多都係要你打電話同爺爺道歉&無得睇電視3日就算, 而家你講埋大話要加到1個星期唔比睇電視, 扣一個星期零用錢同埋而家即刻同我講對唔住呀

[ 本文章最後由 健朗媽咪 於 07-12-14 00:33 編輯 ]

Lion_King

我個仔未試過講大話, 我都擔心佢會講, 所以我會花多d時間了解佢平日在學校的生活, 亦會話比佢知, 媽咪在學校識好多人, 媽咪知道好多野的, 自己亦有參與家長義工, 等佢真係明白無野可以騙到媽咪:

莎莎

五歲仔, 你不需要咁
話說我亞仔在小一時,都做過同樣的事.
復活節 party帶了食物回校分享,
我問佢有冇請老食, 佢話有, 仲話老師說好好味添,
講到真咁樣.
好啦,到當晚學校有晚會, 我有去, 仲見到老師,
順口問下, 點知老師話冇食過, 我當時是超級
同老師一齊"盤"佢, 都死口唔認.

但後來, 聽了一些親子節目, d專家話呢d行為在
呢d年紀屬正常, 因佢地的想象力仍然好豐富,
無發生的事, 都可以幻想成真事咁.
同埋, 好似你仔 & 我仔的事例, 佢地當時真的不
敢直接同校長, 老師直接接觸, 達不到媽咪對他們的期望,
但又唔想令媽咪失望喎, 唯有老作.

所以大人的反應反而唔好咁大, 話佢知媽咪知道真相,
鼓勵佢下次做到便行了.  當然, 不誠實的行為絕對不對,
要佢知道一定要講真話.  小朋友知道講真話不會被
當然不會選擇講大話了.

jj-mun

講大話係天性, 佢早D試, 你便可趁早教他.

annew1128

何不先問明講大話的原因?

原文章由 五歲仔 於 07-12-13 23:00 發表
我今晚好
早幾日, 我同個仔一起預備聖誕卡送給同學, 老師和校長, 個仔分左兩日才送曬出去, 我問佢點樣送比校長, 佢話自己唔識找校長, 所以找風紀哥哥帶他到校務處, 見到校長後送比佢, 我就追問個仔校長 ...

anna525

我都係教師，見過好多小朋友都講大話。其實小朋友講大話好正常，因為講左大話就唔會俾人鬧，特別是老師告訴家長小朋友在校的曳曳時，小朋友本能反應都係唔認。
要改善這種情況，家長和老師溝通好重要。如果小朋友同老師的說法不同，家長千萬不要一面倒幫住小朋友或鬧左小朋友先，應問老師多一點情況，再自己分析，從不同角度，在幾個不同時間問小朋友，因為小朋友識講大話但唔識圓謊，當佢發現媽媽呃唔到或者被發現講大話會仲罰得重時，就唔敢再講。但如果發現老師誤會小朋友，就要同返老師講，同教小朋友保護自己。
同埋最好養成在小朋友面對信任老師的印象，咁小朋友自然在校會乖，如果家長同小朋友一齊鬧老師，咁個小朋友就會恃住父母支持，越來越囂張同肆無忌憚，咁操行會越來越差。
我眼見好多老師都因為講事實俾家長聽反而被家長投訴，將心比己，如果用心教學生都俾人鬧同俾人投訴(甚至報警)，老師自然唔敢教，個小朋友就會越變越差兼無朋友(因為同學仔會笑佢架)，呢o的都係我眼見的例子。

jackeke

其實講大話,你未試過咩?何況你個仔?

naughtyboyma

anna525請問你們會怎樣處理家長的投訴?

041087

人誰無錯呢！！

ratafan

I saw a BBC documentary before which covers human growth.  It says that from some scientific studies, kids start lying at the age of four and that's very natural.  That's something in-born skills.  Once they start to talk, they would know how to lie.  So there's no need to worry.  You should worry on the contrary that if your kids never lie.  But we should try to let them know that lies could never be hidden for forever.  I agree with Anna525 that we should have more communications with teachers and be ensure our conversations are consistent in handling kids' wrongdoings.

原文章由 anna525 於 07-12-19 21:03 發表
我都係教師，見過好多小朋友都講大話。其實小朋友講大話好正常，因為講左大話就唔會俾人鬧，特別是老師告訴家長小朋友在校的曳曳時，小朋友本能反應都係唔認。
要改善這種情況，家長和老師溝通好重要。如果小朋友同老師的說法 ...