有兩個小朋友媽咪，如果細叻過大，點平衡阿大情緒?

Fion_Chan

有一次聽到有游水教練叫一對父母唔好安排大細仔同一班，如果細佬叻D，大哥好快"散"，好多case因為咁，大哥唔再游水。

我就因為貪方便，好多時安排大細仔(差一年)一齊上興趣班或比賽，個人覺得我大仔大D係會叻D學野快D，但講比賽，唔知點解，細佬好運D，同一比賽(但不同組或不同一日)竟然好幾次細佬有獎阿哥無，或者細佬高分D。最近個比賽重攪頒獎禮，當日細佬病左，沒有去，後來知道重有獎杯又有細佬個名，而家隻杯我收埋，沒同佢地講，怕再刺激阿哥(佢那時知細佬有獎佢無，已喊過黎)。

再落去，應點做，真係要避開學唔同野？

Charlotte_mom

我覺得呢, 每個人都有唔同潛能, 有d野細佬叻過哥哥, 有d野哥哥叻過細佬, 唔奇丫, 如果哥哥要去計較, 又的確會唔開心既
我細仔, 4歲未夠, 背晒成個乘數表喇! 反而大女小2, 殺到埋身要去記, 就記唔起wor! 個個都讚細佬話佢叻仔, 我都有輔導個大女呀, 叫佢努力d lor! 不過好多時學野, 除左努力, 仲要加天份, 係做唔到既, 咪抱住唔同既心態去學lor, 我仔游水又係醒過家姐, 我同個女講, 去做運動呀
(好在我女又無咩好勝心, 唔會因為咁而唔開心lor)
至於哥哥如果發現有第2樣野學得叻, 就唔好side左佢喇, 我成日覺得, 天生我材, 每人都有自己擅長既地方既, 差在有無發現到架姐

原文章由 Fion_Chan 於 08-1-6 06:23 PM 發表
有一次聽到有游水教練叫一對父母唔好安排大細仔同一班，如果細佬叻D，大哥好快"散"，好多case因為咁，大哥唔再游水。

我就因為貪方便，好多時安排大細仔(差一年)一齊上興趣班或比賽，個人覺得我大仔大D係會叻D學野快D，但講比賽，唔 ...

achow

That exactly happened to me as well. My son in P2 and my girl was in K3. But my girl was not as good as yours yet. But whever she have time she will try to remeber the time table, now she can do from 1-6. But the P2 boy still need to catch up day by day-so slow.
My girl know how to write some words in english, but my son always forgot.

Don't want to compare as a mother. But there are really different between 2 of them.

原文章由 Charlotte_mom 於 08-1-7 09:47 發表
我覺得呢, 每個人都有唔同潛能, 有d野細佬叻過哥哥, 有d野哥哥叻過細佬, 唔奇丫, 如果哥哥要去計較, 又的確會唔開心既
我細仔, 4歲未夠, 背晒成個乘數表喇! 反而大女小2, 殺到埋身要去記, 就記唔起wor! 個個都讚細佬 ...

YuYuMother

原文章由 Fion_Chan 於 08-1-6 18:23 發表
有一次聽到有游水教練叫一對父母唔好安排大細仔同一班，如果細佬叻D，大哥好快"散"，好多case因為咁，大哥唔再游水。

我就因為貪方便，好多時安排大細仔(差一年)一齊上興趣班或比賽，個人覺得我大仔大D係會叻D學野快D，但講比賽，唔 ...

如果係我, 我仍然會安排佢地一齊上堂. 另一方面, 要輔導呀哥, 比佢知道每人既能力都唔同, 唔可以因為細佬叻過佢而唔開心.

講真, 今次就話係游水啫, 下次為左另一樣野, 唔通你又安排分開上堂咩? 唔通因為其中一個叻, 另一個就要學其他活動?

我覺得唔好斬腳趾避沙虫, 要針對問題解決囉......

On the other hand, 你唔應該收埋細佬個獎杯囉, 人地咁努力攞到, 你咁做就抹煞左細佬既努力. 到時兩兄弟都唔開心, 你話幾無謂呢?!

[ 本文章最後由 YuYuMother 於 08-1-8 13:38 編輯 ]

Fion_Chan

原文章由 YuYuMother 於 08-1-8 13:35 發表

如果係我, 我仍然會安排佢地一齊上堂. 另一方面, 要輔導呀哥, 比佢知道每人既能力都唔同, 唔可以因為細佬叻過佢而唔開心.

講真, 今次就話係游水啫, 下次為左另一樣野, 唔通你又安排分開上堂咩? 唔通因為其中一個叻 ...

點同阿哥講呢，阿哥真係對勝負幾著緊，而家小一，有每日一篇，每次都盯實個龍虎榜，為左答錯一題，跌左幾名會喊，我唯有同佢講比賽係長期的，只有keep住努力，最後成續都會超過人地。但佢明顯領略唔到。
如果我得細佬一個仔，一定會將佢得所有獎(雖然只係D細細比賽既獎)誇大讚賞佢，但為阿哥，我真係就住就住。我又試過不在哥哥面前讚細佬，再同佢講不要在哥哥面前show 獎牌出來，免哥哥唔開心，但佢又好明顯領略唔到，人無佢有既野梗係特別懶叻。
其實講努力我同老公都認為哥哥努力D，但天份同運氣既野，真係:-|

ssspwong

原文章由 Fion_Chan 於 08-1-8 20:11 發表


點同阿哥講呢，阿哥真係對勝負幾著緊，而家小一，有每日一篇，每次都盯實個龍虎榜，為左答錯一題，跌左幾名會喊，我唯有同佢講比賽係長期的，只有keep住努力，最後成續都會超過人地。但佢明顯領略唔到。
如果我得細佬一個仔，一定會將 ...

我在弟弟面前常讚哥哥很疼弟弟，EQ高，心地善良，要弟弟尊敬哥哥，大家相親相愛，互相欣賞、學習。所以哥哥見到弟弟樣樣叻過自己(真的！)，也處之泰然。

YuYuMother

原文章由 Fion_Chan 於 08-1-8 20:11 發表


點同阿哥講呢，阿哥真係對勝負幾著緊，而家小一，有每日一篇，每次都盯實個龍虎榜，為左答錯一題，跌左幾名會喊，我唯有同佢講比賽係長期的，只有keep住努力，最後成續都會超過人地。但佢明顯領略唔到。
如果我得細佬一個仔，一定會將 ...

唉~~~ 而家既小朋友實在無太輸唔起!! 所以趁佢仲細, 真係要快d灌輸正確既觀念比佢.

我大囡都係小一, 佢之前同你囝囝一樣, 上網做練習錯一題就好唔開心, 又係成日check住個排行榜. 之後做親都成日問我答案岩唔岩, 驚低分名次會跌. 我日日陪住佢做, 但唔講答案比佢聽, 錯左後先同佢解釋題目; 跟手再講埋道理.....做練習唔係為左名次, 係為左學習. 如果我講答案佢聽而有好名次, 咁有咩用? 我同佢講, 我地學習係為知識, 就算要比較都係同自己, 唔係同別人, 名次可以代表咩? 點解睇得咁重要? [當然, 平時唔同情形都要繼續同佢洗腦, 例如玩遊戲, 同佢參加各類比賽, 比佢知道唔係次次都係第一, 會天外有天]. 趁佢細個"跌得起"時教, 好過大個左跌唔起....而家報紙咁多小朋友跳樓自殺就係"輸唔起, 唔跌得, 受唔起挫折". 所以我地要快d train佢地囉. :idea:

最初講佢當然唔明or聽唔入耳, 但你不斷講, 日積月累再加上日常生活唔同事情, 佢會慢慢明白呢個道理既......

Hm.....我會將細佬既獎擺出黎, 但唔會特別講囉. 咁可以鞭策大哥繼續努力, 細佬又開心. 我之前聽過一個talk, 個社工話中國人觀念係唔好炫耀, 所以過時過節親朋好友問起, 就算小朋友幾叻, 都話"麻麻啦, 普通啦." 對小朋友黎講, 努力得到好成績就梗係想人讚啦, 唔讚不特止, 仲收埋收埋, 你話幾hurt呢?!

你細仔個case唔係exactly係咁, 不過想提醒下你, 唔好做左反效果啫.....

demaso

Hi all mothers,

I have 2 childs, 1 girl is 1/2 year old & 1 boy is 5 year old.
So nice to see the sharing between all of yours, I have got more experience in here that how to take care 2 childs.
thanks and keep contact.

Chun Chun Mother

navigator

原文章由 Charlotte_mom 於 08-1-7 09:47 發表
我覺得呢, 每個人都有唔同潛能, 有d野細佬叻過哥哥, 有d野哥哥叻過細佬, 唔奇丫, 如果哥哥要去計較, 又的確會唔開心既
我細仔, 4歲未夠, 背晒成個乘數表喇! 反而大女小2, 殺到埋身要去記, 就記唔起wor! 個個都讚細佬 ...

我也十分認同你的看法！