仔仔有自閉症傾向

Anpanmama

我既仔仔現在3歲2個月。
2.5yrs時在大口環評估有"自閉傾向",但是情況好margin。
因為與人眼神接觸有時有,有時無。
名詞好多, 喜講說話但吾知道講乜, 冇耐性, 脾氣差一點, 選擇性回應。
喜主動與大一點之哥哥姐姐玩. 因為跑得快的。

講話也慢一點 (delay 1 yr)。
我已經辭職 6個月照顧去仔仔。老公話看到小朋友進步左好多。
目前仔仔讀K1, 老師好好, 好努力協助我。初初他好怕吊扇, 但舊年9月 K1開學後, 老師幫仔仔克服了。
校長聖誕節前約見我, 話仔仔情況比較其他的正常小朋友距離越來越大了, 一定升吾到K2, 與其repeat 1年K1, 不如1月尾退學。
專心找外面專業的課程幫仔仔。
我同校長講, 仔仔和班上同學相處不錯 (感謝各小朋友, 他們都很喜歡仔仔, 老師的教導令他們接受仔仔。:D )要是退學的話, 仔仔只有其他的訓練, 但是無一個實踐學習的地方, 無同齡小朋友同仔仔一起玩&上課, 對仔仔沒有幫助。
實際上, 老師們看護仔仔都很疲倦, 因仔仔無時停。所以校長建議我們退學, 騰出時間,人手。
好好彩校長俾我說服到, 仔仔讀埋下學期, 9月退學。
政府排兼收位好full, 等4-6個月。

除政府社交小組的訓練之外,協康會上青蔥小跳豆和 Benji's Centre言語治療, 剛剛在協康會做評估每分鐘$12, 做左2個幾鐘。好貴。睇睇有無個別的training俾仔仔。
實際上, 我相信我地無邊個係特別有$, 但是都願投放於小朋友上。唯一的希望是小朋友可以照顧自己, 入主流學校。
其實假如仔仔不是有"自閉傾向", 我們一定是想他入名校, 上許多的興趣班, 但現在我可以做一個真誠的媽咪, back to basic, 返璞歸真。好多謝仔仔俾我們做你的父母。
大家一起盡最大的努力去做。小朋友知道的。

請問假如排到兼收位 or other政府位, 會labal左小朋友嗎?
可以比d意見嗎?

sharon26788

我仔仔而家三歲半,岩岩開始學講野,一年前做既評估,評估中心話可以試下讀I位,咁舊年九月就入讀左兼收,跟住12月果時,言語治療師建議我地不如轉番S位,因為亞仔係班班坐唔定,模仿意識低,成績同其他小朋友有距離,即使夾硬上左K2,再上K3都有好大既問題;咁我地就即時同跟進既社工講番,因為係果間學校既心理學家寫左評估上黎,所以可以用番舊果個時間排S位.仲有兩年時間俾亞仔追,諗住如果係一年之內可以轉番出黎兼收都唔錯架.
你可以問清楚老師,小朋友係因為咩問題導致佢學習上有問題,唔專心?係咪而家讀緊果間無兼收位架?
目前,你可以幫亞仔去做多D訓練囉,不過好既地方一定就會多人排架啦,好似協康.我仔舊年就讀過佢地既全方位,而家每星期都有去做幼兒訓練同言語,OT就因為時間夾唔到,仲排緊.
唔好俾咁大壓力自己,船到橋頭自然直

Anpanmama

剛剛見過老師和校長, 仔仔在聖誕節假後表現退步,跟未入學前一樣坐唔定, 不停地四處跑; 不肯就座; 扭在地不肯起來, 對班上其他的同學產生影響, 令老師們疲於奔命。所以希望他1月尾退學。其實老公和我都睇到小朋友某些表現, 例如說話進步左, 眼神接觸亦多了。但是在行為上就頑皮了, 不聽指令等。
仔仔自己唔爭氣, 我都無point去堅持, 唯有退學。And then 積極D一邊去做多D個別訓練, 一邊去協康做暫託等S位囉。
另外醫務社工作話S位該差不多了。(我地2007-5月開始排);岩岩申請協康OT職業治療(個別), 因我地時間free D, 申請左一星期左右已經安排到2月尾上堂。Benji's言語治療亦都立即有ST安排到。Thanks God.....

[ 本文章最後由 Anpanmama 於 08-2-2 05:03 編輯 ]

McDonna

不必太擔心, 孩子是愛父母的, 你是支持他長大的支承, 行得再辛苦回看會他, 你會發現他比你期望中更加努力的。