煩! 應否做評估, 請給意見

adatom

我的姪女現八歲, 一直都擔心她不正常, 因她的母親有嚴重的"億屈症"

由她兩歲起, 她好多時都會鬧情緒, 哭起來就掀撕抵理(好恐怖), 不可收捨, 令人根疲力盡, 如有一次叫她著鞋去街, 她就無端端走埋一邊哭起來, 問極都不知原因, 而我們一直在觀察中, 不知是否因她細個還是真的有問題, 就算去健康院檢查都無問題, 同時亦隨着她年紀長大, 這些情況慢慢好轉過來, 隨之而來的擔心就在升小一後, 問題如下:

1. 平時有閱讀的習慣, 她巳學會很多字詞, 但偏偏在"閱讀理解 "中掌握不到, 如問題是問(發生的時間 或 誰人) 就o.k., 但遇到問(為什麼)就不懂, 而我留意到她對邏輯性的事情就束手無策, 完全沒有方向, 就算引導她, 她都有點困難, 又如

2. 作文時, 她完全顯得很吃力 (巳有人在旁引導)

3. 數學方面
    3 5 7                                           ?  5  7  
+1 6 1      (她懂得)         換轉        +1  ?  1      (她就不懂)
    5 1 8                                           5 1  ?

又如遇到反轉問的"文字題", 她就不懂

4. 她對於掌握別人說話的語氣較弱, 別人着急時.生氣時, 她好像感受唔到咁, 繼續笑笑説說, 但她絶對不是和你作對, 真給她氣死


我其實真的很擔心她, 想和她去做評估, 應從什麼途徑去轉介呀, 學校. 醫生. 還是......?????    請大家幫忙給意見, 謝謝各位

Nov

我親戚的case在升上小一被老師發現, 又係學習問題! 老師會就住佢, 唔會迫得太緊, 如果想做評估, 可同學校傾傾, 佢地有info.

rohoy2k

如果你都用一個"煩"字來表達,相信小朋友教養的問題都已經令你或家人感到十分困擾的地步.

如果, 萬一,評估結果係學習能力缺憾, 你們一家可以點幫小朋友,定係大條道理唔理佢? 如果結果係正常或只是偏低, 咁又點? 可見光是評估都未必解決問題.

其實以小一來說, 你講嘅情況唔算差, 唔識亦可以話好正常(當然唔係專業意見, 亦不能只憑這三信兩語而定). 情緒問題反而係重點, 但解決辦法亦係無特效藥食, 重要嘅係儘快重建一個情緒穩定嘅依靠係佢身邊, 等佢可以有安全感同學習處理情緒.

建議快同學校社工傾下, 有何方法可以幫到小朋友.

[ 本文章最後由 rohoy2k 於 08-6-12 11:37 編輯 ]

ngkwaiyee

我仔仔小一既時候上上下堂會突然間企起身望出窗外,佢同老師講睇風景喎?!又會除左隻鞋用隻腳猜包剪"dub"....而且年年都要見家長(梗係係學校犯事啦 )
小三見訓導既時候學校建議我地帶佢去check下,
去左政府既東九龍智力評估中心(唔係好記得個名)度check,
原來佢乜事都冇,所以都唔使太擔心,搵學校既班主任同社工傾下,
應該會幫到你

ngkwaiyee

我仔仔小一既時候上上下堂會突然間企起身望出窗外,佢同老師講睇風景喎?!又會除左隻鞋用隻腳猜包剪"dub"....而且年年都要見家長(梗係係學校犯事啦 )
小三見訓導既時候學校建議我地帶佢去check下,
去左政府既東九龍智力評估中心(唔係好記得個名)度check,
原來佢乜事都冇,所以都唔使太擔心,搵學校既班主任同社工傾下,
應該會幫到你

ngkwaiyee

我仔仔小一既時候上上下堂會突然間企起身望出窗外,佢同老師講睇風景喎?!又會除左隻鞋用隻腳猜包剪"dub"....而且年年都要見家長(梗係係學校犯事啦 )
小三見訓導既時候學校建議我地帶佢去check下,
去左政府既東九龍智力評估中心(唔係好記得個名)度check,
原來佢乜事都冇,所以都唔使太擔心,搵學校既班主任同社工傾下,
應該會幫到你

cameo

她現在是小2生???
其實單睇以上幾個例子,我覺得問題又不算太大,因為我女小三了,當中亦都會有不同的問題,某方面較有興趣會學得快比人叻,但相對無興趣的咪就係因為無心學就唔明!
你舉出的數學題,若我女小2時,都唔一定識(只要條數複雜d就亂),特別係數學,真係要嘗試用不同方法,用詞,令佢"理解",當然佢都要有心去聽你講先得啦!
至於問問題時問佢"時間地點"識答,問"為甚麼"就唔識!我記得好耐之前睇左一本兒童心理書,其實問小朋友點解,但好難的問題,小朋友真係未必識答o架,例如你問佢點解喊,佢真係唔知點答(咪唔出聲or話唔知),但你問佢係咪因為唔開心所以喊(佢會點頭),你問佢係咪因為媽咪鬧所以唔開心喊(佢亦都識點頭).....其實佢明白問題,只係未識用言語去清楚表達自己感受!
雖然佢一向有閱讀習慣,但佢以眼去"閱",唔多以口去"說",所以佢可能係"可以睇得明好多生字",但未識用以日常生活(舉個例,我英文能力有限,但睇吓小學生英文故事當然無問題,但要我以標準英文去寫一本英文故事書就完全做唔到嘞)
不如先嘗試多d引導佢去表逹自己,唔好一開始就問佢點解!

Daisy媽咪

原文章由 cameo 於 08-6-13 02:57 發表
她現在是小2生???
其實單睇以上幾個例子,我覺得問題又不算太大,因為我女小三了,當中亦都會有不同的問題,某方面較有興趣會學得快比人叻,但相對無興趣的咪就係因為無心學就唔明!
你舉出的數學題,若我女小2時,都唔一定 ...

你們以上講既情形, 我個女都有齊, 而且嚴重好多, 仲有情緒問題! 小一比老師投訴, 搵學校社工話佢係學校冇問題, 叫我唔好咁緊張!
小二又比老師投訴, 上堂遊雲, 無教企起身同出位, 上堂自己玩手指, 搵d書疊屋仔, 又"資"擾同學, 老師, 家長投訴一大輪! 再問學校社工, 佢話觀察下, 過左一兩個星期, 佢又話佢冇問題 ! 學校幫唔到, 唯有就問屋企樓下既家庭xx福利會, 佢先問我係咪住依區, 我話係至搵個社工同我講! 個社工講左一陣, 就叫我搵學校社工, 我話搵左, 但係佢地只見佢係學校既表現話冇問題, 但屋企既問題佢地睇唔到 ! 之後同佢傾左成個幾鐘, 換來就係一肚氣 佢話真係要佢開file 就叫我同個女一齊落去佢centre, 三口六面傾! 我問佢一個六歲小朋友會肯係一個陌生人面前講哂佢心既想法嗎 ? 佢話佢地係咁做, 問我覺得仲可以有其他方法嗎! 總之就灑我返去搵學校社工, 仲話我唔主動同社工跟進 ! 咁學校社工都話佢冇問題, 我仲可以點 ?:(  一個又推一個, 最後, 我同私人同個女做左評估, 個心理醫生話佢專注力較差, 所以影響學校成績! 咁比左封信老師睇, 佢就叫我做健康檢查時比醫生睇, 醫生睇完就寫左封信去做心理評估 !:loveliness:  開心之餘, 總希望搵到個女既問題, 點知, 先要我倣問卷, 然後同我傾左10分鐘度, 之後單獨同亞女傾15-20分鐘, 個心理醫生再叫我入去, 點知話佢冇乜大問題, 過度活躍同專注力失控唔係咁樣 ! 之後, file 又closed.   總之, 個個都唔想開file ! 依家我決定自己搵私人再做評估同心理輔導, 雖然好貴, 但為左個女同我倆關係都冇辦法, 因為我仲有個細仔, 好怕佢既情緒行為影響埋個細佬!
總之一句, 你既情況表面上不太嚴重, 你出既問題, 我個女小三都唔識, 連你個三位加鐘都經常計錯 ! 如果你真係好擔心, 去私人做個簡單評佑, 會比較中肯同認真, 政府/學校只會handle d 非常嚴重既問題, 再者我唔係d "吧吧啦啦"既家長, 當然開少個file 就做少好多野啦 !
以上係我本人既真實個案, 你可作參考 ! 所以我納左d稅都唔知得到d 乜野 ! 一肚氣吧了 !

cameo

原文章由 Daisy媽咪 於 08-6-14 13:35 發表


你們以上講既情形, 我個女都有齊, 而且嚴重好多, 仲有情緒問題! 小一比老師投訴, 搵學校社工話佢係學校冇問題, 叫我唔好咁緊張!
小二又比老師投訴, 上堂遊雲, 無教企起身同出位, 上堂自己玩手指, 搵d書疊屋仔, 又" ...

daisy媽咪,
唉,有朋友個仔開左file都無用呀,佢排到去政府終於開file,但實際係可以話"唔覺有幫助",只係佢屋企負擔唔起,所以都定期照去(唔敢完全唔理丫嘛)~
政府就算已"證實"係專注力有問題,都幫唔到d乜,重要一路以嚟最過份的建議係叫佢個仔去讀特殊學校(佢個仔係性格脾氣問題為主,智力完全ok),其實我都知佢個仔行為,好硬頸,好正義感,佢對大部份老師都有敵意(佢覺得老師做錯唔道歉係錯,老師鬧同學係錯等等~),見老師做錯會自己去搵校長,更被老師針對,但曾經因為常識科老師對佢好好,佢o個一科成績突然非常好,不過只係該年對住該位老師先係咁~
我係某年健康檢查時同個姑娘傾開,佢都話,好老實香港未有真係對呢一方面有一定大幫助,除非你係有專注問題的同時係IQ check到係天才級(非一般gift child),咁中文大學當年有選部份呢類小朋友做調查,當中亦會有相對有關協助!但能入選當然只係小數啦~

adatom

多謝0麗各位的回覆, 多謝0麗各位的意見, 尤其是cameo的意見令我明白孩子多了, thanks....

yan98

每年開學, 政府都會為小一 至 中五的學生, 到健康院提供身體檢查 , 你可以打電話問健康院的姑娘,要求他轉介你到就近的 "智能測試中心" 做評估:

1)  初次約見姑娘, 好快 (大約1-2個月)
2) 排期見各科料神醫生, 生理醫生等 (全日) 做評估 (要排期大約 半年)
3) 如有需要, 會轉介到專科跟進 (要排好耐)

不妨試下. 因為見私家醫生好貴, 要2-4K 1小時