靈糧堂VS呂郭碧鳳 ?

星仔媽媽

仔仔將於明年入讀K1, 目前有兩間心水學校, 靈糧堂同呂郭碧鳳.

靈糧堂已經有好多家長介紹過, 就不再多講, 呂郭碧鳳係近兩年較受好評既學校, 2001年榮獲教育統籌局優質教育基金頒發傑出學校獎, 本年度再獲教統局質素保證視學高度評價, 同埋距屋企較近.  應該如何選擇?請各位俾意見. 多謝!   

Clarence2003

我都想知！ 有冇家長可以俾的意見呢！

Thanks!

Clarence2003

雖然灣仔呂郭碧鳳係近兩年較受好評既學校, 2001年榮獲教育統籌局優質教育基金頒發傑出學校獎，但係為什

sammili

星仔媽媽,
我個仔又係明年入讀K1,心水學校都係靈糧堂同呂郭碧鳳,另外寶血同玫瑰崗都覺ok,但呂郭碧鳳我就唔洗搭校車,因我住灣仔。

星仔媽媽

sammili

呢幾間幼稚園我都諗過, 但寶血同玫瑰崗太遠了, 所以暫時心水都係靈糧堂同呂郭碧鳳, 同樣, 如果返呂郭碧鳳就唔洗搭校車 我都係住灣仔. 同埋我識得住在附近的小朋友大多選擇呂郭碧鳳, 所以依家仲未決定讀邊間

可能我地既小朋友明年會成為同學仔

sammili

星仔媽媽,
我都同你一樣ar,諗住呂郭碧鳳唔洗搭校車,但我之前一心都預左要搭校車,因首選係靈糧堂,而家我仲心思思想揀蘇浙,因我鍾意佢用普通話教學,係就遠d冇咁方便,但我冇理由為左自己方便而揀間冇好既學校ga ma,而家都心大心細,你住灣仔邊頭ar?諗住幾時會取form和參觀校社ar?

星仔媽媽

sammili

我住好近新鴻基, 你呢? 又有朋友同我講"一條龍", 建議仔仔4歲時再報讀聖約瑟, 好複雜啊, 諗到都頭痛.

我都係諗住係灣仔區揀學校, 唔想仔仔一大早就要起身,花費太多時間係路程上, 我個仔晚晚過12點先"訓" :-x

我問過呂郭碧鳳9月下旬先派表, 到時參觀, 或者有開放日時就去.

sammili

星仔媽媽,
都好近wor,我住榮華酒樓附近,聖約瑟在邊頭ga?我都覺得d制度好複雜,但若果轉黎轉去會唔會令bb難適應呀?若揀呂郭碧鳳就多數派軒尼詩小學,我就係諗住蘇浙可直升小學,係呢,你仔仔幾大呀?

星仔媽媽

sammili

我地住的好近wor, 一橋之隔

聖約瑟在灣仔活道, 3歲8個月收生, 男校, 有小學同中學, 好多人爭學位既, 為左一路升上去. 昨晚我好認真咁睇左教統局網頁, 終於明白一條龍, 直屬中學, 聯繫中學這三個名詞的含義   但係上面講的好清楚, 這幾樣都係指小學同中學之間關係, 同幼稚園無關, 所以我唔明好多人講既幼稚園直升小學係點?

軒尼詩道官立小學聽講都係一間好好既小學, 如果可以派到都唔錯, 但聽講呂郭碧鳳今年既畢業生好少人派入呢間(係學校網頁上睇唔到資料).

我仔仔2歲2個月, 你仔仔幾大? 睇相你有兩個仔仔哦   

sammili

星仔媽媽,
聖約瑟係幼稚園黎?點解3歲8個月先收生?即小學同中學都係男校?軒尼詩道官立小學我都聽講都係一間幾好既小學,但我就覺得環境麻麻,此終灣仔又嘈d空氣都差d。
我細果個係女黎ga,而個仔就22個月,8月尾出世,剛剛今年可入幼兒園,我打算比佢入時代幼兒園,讀一年就轉間好d既幼稚園。

星仔媽媽

sammili

聖約瑟幼稚園從k2開始收生, 小學同中學都係男校.

我個仔都係今年9月入幼兒園, 報左小童群益會樂緻幼兒園, 等明年夠年齡再轉幼稚園. 如果k2再轉, 真係好麻煩. 我都識個小朋友入左時代, 不過聽講果度環境麻麻, 所以我揀左樂緻.

HelenC

Hello！我剛剛路經此地，我認為sammili建議讀時代幼兒園是明智選擇，因為時代幼兒園乃是香港基督教服務處轄下幼兒園之一(我囡囡八月讀大坑東果間)，我參加了上星期六的新生家長會，介紹教學方針(申請優質教育基金推行多項活動，例如創意教學、健康學校等)，又有顧問醫生提供營養餐單，老師仲好友善同專業呀！你不妨去參觀一下。(你話取報名表就可以參觀)

sammili

星仔媽媽,
我之前都有睇過樂緻幼兒園,但覺得遠左少少,因差唔多去到金鐘,咁你洗唔洗搭車ar?我就係唔想搭車,若行路又遠左少少,係呢,佢校舍大唔大呀?我聽bk d mama話基督教服務處d幼兒園都幾好,所以咪揀時代law,又夠近,你報晒名拿?我仲未報呀?你有冇申請資助呀?
HelenC,
乜咁快有新生家長會拿?咁我要快d報名先得la。

星仔媽媽

sammili

呢間樂緻冇校車既. 我同仔仔行路去大約需15分鐘. 我沿著入境處前果條路行, 路面闊同埋唔係太多人, 一邊行一邊玩, 都幾好   樂緻有4間課室同一個廳, 係4樓天臺仲有個室外游樂場, 星期二至四都會上天臺做遊戲. 呢點都係吸引我既地方. 幼兒園鄰近駱克道游樂場, 放學后都可以再玩多陣. 仲有我認為果度空氣可能會好些(比起近銅鑼灣). 我去過樂緻三次, 老師都好熱情, 好有耐心介紹學校環境同解答我既疑問, 我已經報左名, 9月返學.

時代我未去過, 因聽附近兩位媽咪都講環境唔好, 所以費事去睇. 你可以親身去睇過, 或者唔係人地所講咁差呢.

我仲未申請資助, 都未明細節, 聽講好似要父母都有工作, 我係全職媽咪, 豈不是唔夠條件

sammili

星仔媽媽,
時代我都去過幾次,覺得ok la,d老師又係好熱情,佢果度就唔止4間課室一個廳,但就冇室外游樂場,又唔係講得咁差wor,不過算la,都係讀一年。
我之前都問過一間幼兒園既老師有關資助問題,佢都話要兩公婆都有做野先得,我就話我冇做野,因為仲有個細既要睇,佢就話part-time都得,若有朋友有公司,出封信証明我有做野就得wor。

星仔媽媽

sammili

係了, 我都係咁諗, 反正都只係讀一年, 唔算太差都ok了

我昨日經過修頓, 於是上去22樓問下有關學費資助問題, 答復係要雙方工作, part-time都得.

我上靈糧堂網睇到校車路線: 學校---跑馬地---灣仔---山頂---赤柱---柴灣----學校. 如果我地仔仔搭校車返學, 唔係要游完成個港島先至返到學校    好浪費時間哦.

sammili

星仔媽媽,
我尋日已同仔仔報左時代了。
係ar,我又係睇過靈糧校車路線,又係同你咁諗,起碼遊成粒幾鐘車河,所以我都要諗諗,而家我首選變左蘇浙。

星仔媽媽

sammili

聽講蘇浙都好多功課做. 幾時去參觀校舍? 返來話我知呀.

你知唔知天主教聖瑪加利大幼稚園好唔好?

依家揀校都揀得我好煩 :-x

sammili

星仔媽媽,
我估都未咁快參觀校舍,因9月先報名。聖瑪加利大又唔清楚wor,順其自然la,最緊要小朋友讀到書。

ckfyatyatm

樂緻在那裏的是否新開的?