有無家長今天帶小朋友到真道進行第一輪面試?

MALEECHAN

今天帶小兒到真道面試, 面試的小朋友十分多, 看其報到號碼,差不多應該有五百幾人, 我覺得真道的面試安排都十分有系統, 唔混亂.
有無家長知道小朋友佢地玩d咩遊戲, 亞仔話比我聽, 佢地玩拋豆袋, 唱兒歌, 劃圖畫...不如大家分享吓!

勤勤媽咪

Hello!  我今日都有去。真係好多人去interview。秩序都安排得好好。我個仔就真係唔係好識話比我聽。佢話有叫佢寫自己個名,不過佢唔識寫 有三個人interview, 2位男士,一位女士。請問真道係咪你首選呢?

MALEECHAN

勤勤媽咪你好!
其實我個仔都唔係好識講, 佢都唔肯講嘢比我聽, 而我只係問佢好唔好玩, 玩d咩遊戲, 開唔開心.
除左真道, 直資嘅我會再揀播道及陸慶濤, 私立嘅就會試吓培正.
如果再唔得都無辦法, 唯有參加大抽獎!  因為都知道自己個仔好平庸, 唔係咁突出, 所以都無話首選與否, 就試吓佢嘅運氣, 中其中一間都好啦!

勤勤媽咪

MALEECHAN,

據校長話每年大約有一千名學生apply,選210位,即每人有五分一機會。只要到時不是收到reject信,即仲有機會。希望令公子能入到心儀小學。

我都好希望小兒能入讀直資,可以接受有別於傳統的教育。

Hei001

仲有用頭頂豆袋行直線,但阿仔話佢成日跌,另外,仲要寫字,但有得跟住寫,阿仔話寫咗四個字,阿仔仲話老師問咗佢哋好多問題,但問佢老師問咗乜問題,佢就話唔記得.
阿仔話好好玩,好鍾意真道

[ 本文章最後由 Hei001 於 08-6-29 16:00 編輯 ]

trouble_mother

咁即喺家長和小朋友分開見？小
組會面嘅意思係幾個人見一個小朋友？咁會唔會問家長問題呀？如問係問咩？

MALEECHAN

原文章由 trouble_mother 於 08-6-30 23:58 發表
咁即喺家長和小朋友分開見？小
組會面嘅意思係幾個人見一個小朋友？咁會唔會問家長問題呀？如問係問咩？

據入學順知所講, 小朋友參加六月廿十八日或七月五日的小組面見後, 校方會再按小組面見結果,再約見個別學生及家長, 至於校方會派多少人面見各家長及問題的內容我真的不大清楚, 但我知道丘校長一定會親自面見每一位學生的家長.

trouble_mother

即 第一輪剩係見小朋友唔見家長？
    封通知信話會面時間大約五十分鐘，咁呢段時間家長係出面等？你哋又要等咗幾耐先排到呀？你知唔知有無小朋友當時有緊張或唔合作嘅情型出現？

MALEECHAN

原文章由 trouble_mother 於 08-7-1 12:19 發表
即 第一輪剩係見小朋友唔見家長？
    封通知信話會面時間大約五十分鐘，咁呢段時間家長係出面等？你哋又要等咗幾耐先排到呀？你知唔知有無小朋友當時有緊張或唔合作嘅情型出現？ ...

面見時間真的差大約五十分鐘, 首先先到地下禮堂報到, 其後小朋友再排隊到課室往面見(十個小朋友一組),與此同時,  校方會給家長一張組別識別咭, 此咭是用來接回自己的小朋友用, 其後校方會安排家長們到一樓, 一樓是接小朋友的地方, 校方已安排其中一個課室給家長休息而此室會有學校短片介紹, 而家長亦可離開學校到附近商場走一走視察環境, 約四十五分鐘後返回學校一樓接回自已組別的小朋友.  就我所見每一個小朋友都十分安靜, 有D都會好開心, 而我個仔是比較內向, 但佢都覺得好開心好好玩.

係呢 trouble_mother 的小朋友係唔係於七月五日準備面見呢, 不要太緊張, 當玩playgroup一樣就ok!

勤勤媽咪

trouble_mother,

其實真係唔駛太緊張,因為據丘校長話,第一輪個d比分考官淨係知個小朋友個號碼,完全都冇小朋友其他資料。高分數才會有得second in,所以真係要看看小朋友同呢間學校有冇緣份...

trouble_mother

MALEECHAN,勤勤媽媽
        好多謝你哋比咁多資料我。
        講真我真係幾緊張！因我仔仔唔係叻，有時仲覺得佢蠢蠢哋！                                           喺呢個幾個考官唔係學校的老師咩？

MALEECHAN

trouble_mother,

講真! 我個仔咪又係蠢蠢哋, 有時重呆呆地, 叫極都唔應你, 但係其實佢又知你叫佢, 激氣!

所以我都好認同勤勤媽媽,真係要看看小朋友同呢間學校有冇緣份, 可能你仔仔臨場表現好好, 佢又合考官嘅眼緣呢!

至於考官, 我認為可能是真道的老師居多!

除左真道, 請問你地兩位媽咪有無其他選擇呢!

trouble_mother

你哋係咪一定選直資學校呀？優才我都有諗過，不過學費太貴又沒有學費減免申請！如果真道唔得我會考慮津貼學校。你哋會唔會選擇宣道會宣基小學？知唔知呢間學校校風如何？係咪活動教學？

dabbycheung

原文章由 trouble_mother 於 08-7-2 22:24 發表
你哋係咪一定選直資學校呀？優才我都有諗過，不過學費太貴又沒有學費減免申請！如果真道唔得我會考慮津貼學校。你哋會唔會選擇宣道會宣基小學？知唔知呢間學校校風如何？係咪活動教學？ ...

Sorry!路過, 優才可以申請學費減免.

MALEECHAN

原文章由 trouble_mother 於 08-7-2 22:24 發表
你哋係咪一定選直資學校呀？優才我都有諗過，不過學費太貴又沒有學費減免申請！如果真道唔得我會考慮津貼學校。你哋會唔會選擇宣道會宣基小學？知唔知呢間學校校風如何？係咪活動教學？ ...

大前提一定會試吓直資得唔得, 其次會試吓私立, 因為大多數都係一條龍嗎,  再唔得就大攪珠, 我睇好多家長都會係咁行嘅.
但係優材我就唔會考慮, 因為我唔鐘意佢嘅小學係旺角區, 同埋個校舍比較舊(前身係志潔), 雖然已經裝修過.
至於宣基小學, 由於我阿媽住將軍澳, 有時都會見到宣基嘅學生, 校風都ok呀, 不過如果你想更深入了解每間心儀學校嘅校風, 最好就係糸放學時間去學校走一走, 問一問d家長意見!

MALEECHAN

大前提一定會試吓直資得唔得, 其次會試吓私立, 因為大多數都係一條龍嗎,  再唔得就大攪珠, 我睇好多家長都會係咁行嘅.

但係優材我就唔會考慮, 因為我唔鐘意佢嘅小學係旺角, 同埋個校舍比較舊雖然已經裝修過.

至於宣基小學, 由於我阿媽住將軍澳, 有時都會見到宣基嘅學生, 校風都ok呀, 不過如果你想更深入了解每間心儀學校嘅校風, 最好就係糸放學時間去學校走一走, 問一問的家長意見!

catw88

我朋友仔仔舊年考..話十個小朋友一齊合作畫一幅畫..其間會有老c問問題..(有小小似係考心理 )
希望幫到大家~

我女女下年先考..真道係我0既首選..

Charlotte_mom

今年有無人去呀
我仔今日interview, 出黎問佢, 佢話2女1男老師, 入去派左紙同筆, 畫佢最鐘意既野, 我仔畫左隻狗(唔知人地睇唔睇得出係隻狗 ), 仲要寫自己個中英文名(好彩之前停課都有努力, 及時學識左.....我仔個姓好鬼難寫)
跟住拋豆袋lor, 同埋有睇圖畫"找不同"及"錯在那裡"......再問佢就咩都話唔知 無同小朋友做過討論, 無合作畫畫, 無講英文普通話, 無睇書..........哎, 睇佢都係發發地夢呀

原帖由 catw88 於 08-7-22 03:47 PM 發表
我朋友仔仔舊年考..話十個小朋友一齊合作畫一幅畫..其間會有老c問問題..(有小小似係考心理 )
希望幫到大家~

我女女下年先考..真道係我0既首選.. ...

littlefaith

原帖由 Charlotte_mom 於 09-9-12 18:18 發表
今年有無人去呀
我仔今日interview, 出黎問佢, 佢話2女1男老師, 入去派左紙同筆, 畫佢最鐘意既野, 我仔畫左隻狗(唔知人地睇唔睇得出係隻狗 ), 仲要寫自己個中英文名(好彩之前停課都有努力, 及時學識左..... ...

我囡囡上星期六in，據佢之後描述，話主要做咗三樣嘢：1. 同老師玩拋波 2. 做功課 3. 畫畫(個人)。佢仲話有三個老師企响旁邊冇同佢哋傾計，我估應該係評分嘅教育心理學家。

面試後見囡囡跳住出嚟，應該玩得好開心。

我見同囡囡一組嘅小朋友都好開心，亦好淡定，未見有小朋友怕醜或者喊。所以到依家都有患得患失嘅感覺，真係唔sure真道會唔會收。

[ 本帖最後由 littlefaith 於 09-9-12 20:16 編輯 ]

Charlotte_mom

我仔就係講唔出究竟傾左d咩, 我唔慌唔患得患失呀
不過我仔表現比我想像中好了, 起碼之前同佢預備, 佢都唔係太9唔搭8丫

原帖由 littlefaith 於 09-9-12 08:14 PM 發表


我囡囡上星期六in，據佢之後描述，話主要做咗三樣嘢：1. 同老師玩拋波 2. 做功課 3. 畫畫(個人)。佢仲話有三個老師企响旁邊冇同佢哋傾計，我估應該係評分嘅教育心理學家。

面試後見囡囡跳住出嚟，應該玩得好開心。

我見同 ...