如想讀李宗德小學, 讀德怡 定 天樂幼稚園好點呢 ????

tunghei1025

如題 ~~~ 請多多指教

家熹媽咪

原文章由 tunghei1025 於 08-7-29 13:46 發表
如題 ~~~ 請多多指教

德怡 ! 我會揀德怡 , 整體上德怡都平均 , 不過 , 要諗既因數好多 , 你自己有冇帶小朋友睇過 ...

話時話 , 我好似冇聽過有天樂小朋友讀李宗德 , 或者咁啱我識唔倒啦 ! ^^

tunghei1025

打算星期五去睇下學校, 我like德怡因為英文同普通話, 佢一星期有4-5堂, 我自已覺得唔錯, 不過就冇得用學券呢, 咁讀德怡是否大的機會考到李宗德架 ????????

原文章由 家熹媽咪 於 08-7-29 15:05 發表



德怡 ! 我會揀德怡 , 整體上德怡都平均 , 不過 , 要諗既因數好多 , 你自己有冇帶小朋友睇過 ...

話時話 , 我好似冇聽過有天樂小朋友讀李宗德 , 或者咁啱我識唔倒啦 ! ^^ ...

家熹媽咪

原文章由 tunghei1025 於 08-7-29 23:28 發表
打算星期五去睇下學校, 我like德怡因為英文同普通話, 佢一星期有4-5堂, 我自已覺得唔錯, 不過就冇得用學券呢, 咁讀德怡是否大的機會考到李宗德架 ????????

...

聽講就係 , 哈 ~ 但我個人覺得 , 每一間學校都有機會 , 問題係喺小朋友身上 , 德怡近幾年入李宗德既學生都唔少 , 或多或少都比倒好大信心你 ! 都係果句 , 最緊要係小朋友本身鍾意 , 我個仔果陣同德怡冇緣 , 最後揀返激活 , 當年好多家長都話激活學生李宗德唔會收 , 果陣心諗都冇計 , 最後好彩小朋友都成幸運兒 ! 唔好比間幼稚園阻礙你理智咁去揀學校 , 幼稚園階段都好重要 , 最緊要學校教得好 , 正所為上樑不正下樑"Y" , 哈 ~ 唔記得個"Y" 字點寫 ?

柏柏媽

唔係呀，我個女今年升小二，佢同埋另一位同學仔都係讀天樂幼稚園的。唔好話讀天樂無小朋友讀李宗德呀。

yangma

激活今年都好多小朋友入李宗德，直覺係李宗德幾鍾意激活小朋友，我個囡怕醜女，唔講嘢，面試似碌木，不過都即收唔使wait。

lubelubehk

我囡囡讀緊激活&今年會伸請09-10入李宗德....想請問點樣可以chk到入讀咗李宗德既小朋友之前讀咩幼稚園呀?? 係咪直接問自己學校既校務處or新老師呀?

另想請問家熹媽咪,你囝囝伸請讀李宗德既同時,邊間津小係你心水呀? 我上年開始巳經留意網上既評價..but永遠都只講有中學連接既某幾間小學先係good, &又唔多提及佢地讚各小學既教學方式/活動/老師表現既資料. ...but如果有切實d同有用d既小學comment會合適d囉....無謂為咗"一條龍"依3個字就跟大隊咁報哂嗰幾間. even李宗德無中學部我都會buy,因為我覺得小朋友小學階段係super重要,佢地將會吸收正面or負面訊式就睇依個moment喇...

[ 本文章最後由 lubelubehk 於 08-8-14 12:53 編輯 ]

家熹媽咪

原文章由 lubelubehk 於 08-8-13 23:41 發表
我囡囡讀緊激活&今年會伸請09-10入李宗德....想請問點樣可以chk到入讀咗李宗德既小朋友之前讀咩幼稚園呀?? 係咪直接問自己學校既校務處or新老師呀?

另想請問家熹媽咪,你囝囝伸請讀李宗德既同時,邊間津小係你心水呀? ...

LUBE :

頭先登入時我已經覆咗你PM喇 , 所以唔打算再POST , 你可以CHECK PM , 大家作個交流啦 !

budbud1

原文章由 家熹媽咪 於 08-8-14 03:22 發表


LUBE :

頭先登入時我已經覆咗你PM喇 , 所以唔打算再POST , 你可以CHECK PM , 大家作個交流啦 !

家熹媽咪﹐

我也很想知除了李宗德是妳心水外﹐津小妳選了那間呢﹖

我巳幫個仔報了李小﹐但還煩緊如果李小唔得﹐津小都唔知選那間好﹖﹖ 我個人就偏向元朗的小學﹐但就是不知那間才好﹖﹖

moondream3003

柏柏媽,

我諗你睇漏左啦.  

家熹媽咪話:
"我好似冇聽過有天樂小朋友讀李宗德 , 或者咁啱我識唔倒啦 !"
佢都唔係識晒所有人.  咁0岩佢識唔到之嘛.

佢仲話:
"但我個人覺得 , 每一間學校都有機會 , 問題係喺小朋友身上 "

放鬆D啦.

原文章由 柏柏媽 於 08-8-12 20:43 發表
唔係呀，我個女今年升小二，佢同埋另一位同學仔都係讀天樂幼稚園的。唔好話讀天樂無小朋友讀李宗德呀。

patsyshin

家熹媽咪
可否多作交流關於李宗徳, 小女己交09-10申請表, 你對於激小和李宗德有何高見, 請 PM 我 .  Thank you very much!

原帖由 家熹媽咪 於 08-8-14 03:22 發表


LUBE :

頭先登入時我已經覆咗你PM喇 , 所以唔打算再POST , 你可以CHECK PM , 大家作個交流啦 !

[ 本帖最後由 patsyshin 於 08-10-3 12:55 編輯 ]

家熹媽咪

原帖由 patsyshin 於 08-9-16 11:07 發表
家熹媽咪
可否多作交流關於李宗徳, 小女己交09-10申請表, 你對於激小和李宗德有何高見, 請 PM 我 at [email protected]  Thank you very much!

patsyshin :

唔好意思呀 ! 開咗學之後真係忙到不得之了 ... 加上部腦早排成日上唔倒網 , 我都冇時間去搵人整 , 所以先咁遲覆你 , 因為成3個星期冇上網 , 太多太多pm要覆 , 或者 , 等多一兩日 , 我再同你分享丫 ! 或者你有冇問題 , 可以拎出嚟講 , 呢度好多媽咪都會幫倒你手架 !

patsyshin

家熹媽咪

請問李小測驗, 黙書, 考試有沒有時間表?  是否沒有範圍?  家長無從入手? 如何温書?  學校又不會派回考試卷.  會不會小朋友又懵查查, 讀完一年都唔知發生何事?

如上述沒有硬性規定, 那麼小朋友的學業評估會比較主觀一點, 多數由老師決定, 缺乏客觀量度的因素.

李小是否重於Group Project?  多不多新移民呀?

謝謝.

家熹媽咪

原帖由 patsyshin 於 08-9-23 17:55 發表
家熹媽咪

請問李小測驗, 黙書, 考試有沒有時間表?  是否沒有範圍?  家長無從入手? 如何温書?  學校又不會派回考試卷.  會不會小朋友又懵查查, 讀完一年都唔知發生何事?

如上述沒有硬性規定, 那麼小朋友的學業評估 ...

Patsyshin :

1. 小測驗, 黙書, 考試係有時間表架 , 範圍亦會預早派比小朋友 , 呢點無須擔心 .
2. 李宗德唔派卷 , 都唔係今時今日既事喇 , 其實好多家長未入嚟讀之前都知道 , 但唔知點解入到嚟都重會因為呢一點而激氣 ? 其實年尾時 , 我地可以直接同班主任傾 , 聽講 , 好似可以覆卷 , 但就要去校務處登記 , 唔好意思 , 因為我未試過 , 都係聽聞咋 !
3.  李宗德唔算著重於Project , 但一有長小小既假期 , 如聖誕/新年等 .... 就一定走唔甩 .
4. 新移民多唔多 , 我真係答你唔倒 , 一, 我冇刻意去問d小朋友係唔係新移民 , 二, 其實天水圍區 , 我相信唔會有一間小學係冇 ... 其實唔好太在意新移民 , 佢地好多讀書都叻過我地香港小朋友 , 某程度上 , 重可以大家有個良性競爭添呀 !

家熹媽咪

原帖由 patsyshin 於 08-9-16 11:07 發表
家熹媽咪
可否多作交流關於李宗徳, 小女己交09-10申請表, 你對於激小和李宗德有何高見, 請 PM 我 at [email protected]  Thank you very much!

不如咁丫 , 因為我d pm 未覆晒 , 如果你唔介意 , 我就喺呢樹覆你啦 !

激小同李小兩間都係呢區好出名既英小 , 一間係直資 , 另一間就私校 , 不如先講激小丫 !

激小 -

激小英文會比較重 , 中文比李小還要小 , 對熱愛英文科既家長嚟計 , 絕對係一間好既小學 , 但如果揀激小既家長 , 絕大部份都會有以下2個心態 , 一.) 將會喺香港升名校中學 . 二.) 家長都打算送小朋友到外國升中 . 就呢2點嚟講 , 家長揀佢時 , 應該要諗到 , 小朋友中學去向 , 如果因為想小朋友浸幾年英文小學 , 再上普通英中 , 坦白講 , 唔好話 ? 咗呢幾年時間 , 小朋友一定會跟得好辛苦 !

李小 -

李小開學到而家 , 雖然負面新聞好多 , 但你唔可以唔相信一點 , 就係佢地既學生 , 係一屆比一屆出色 ... 加上 , 如果以英文小學嚟講 , 佢既中文科真係唔錯 , 小朋友讀六年 , 基本上都有一口流利既普通話底子 ! 寫作方便 , 佢地都會一級比一級多 , 一級比一級豐富 , 就算會升返元朗/屯門區既英中 , 都成問題 , 相對起 , 李小可以向國際中學/名校/傳統中學進發 , 出路會比激小多一點 !

總結兩間 , 真係各有各好 , 我同激小功課少 , 少班教 , 出國升學冇難度 . 但我亦愛李小多元化 , 中英對比唔太大 , 就算冇能力去國外升學 , 留港升學都會多選擇 !

*p.s 以上只屬個人觀點 , 並唔代表任何一間小學發言 !

patsyshin

家熹媽咪

多謝回覆.

tongyimtong

我都有朋友的小孩在激小讀，但我不覺得他/她的英文很好。因為激小 反而無外籍小朋友讀，但我仔仔有英國和澳洲的同學仔，他們在課堂外都是以英語對談。

激小是無測驗、默書和考試的，我想像不到小孩在無考試壓力下讀了六年書，點考入香港和海外的名校。要知道：全世界的名校都要考入學試。

還有，激小的老師流失可能比李小更嚴重。我朋友的女兒便一年換了兩個中文老師。這情形，反而我仔仔在李小就未遇到。

wawaliluk

原帖由 tongyimtong 於 08-9-24 21:37 發表
我都有朋友的小孩在激小讀，但我不覺得他/她的英文很好。因為激小 反而無外籍小朋友讀，但我仔仔有英國和澳洲的同學仔，他們在課堂外都是以英語對談。

激小是無測驗、默書和有朋友兒子在激小讀小三, 學校很多abc, 通常小息時間都用英語交談, 全年全科考試合共次數的，我想像不到小孩在無考試壓力下讀了六年書 ...

有幾個朋友的子女在激小就讀, 學校有很多abc, 通常小息及課餘時間大部分學生都用英語交談。

激小事實上是沒有測驗, 但全年各科考試合共2次, 並不是沒有考試, 而且有各學科是有學習評估, 學校、老師還會給學習能力不足的學生補習, 學校瀰漫著學習氣氛, 據已識的激小家長都對學校評價十分高。

在激小就讀不是沒有壓力, 而是學校及老師成功地將壓力改變成激發學生主動學習, 寓學於樂。