請問脾氣大的bb可以怎樣教? 哪種教學方式較適合

coupcoup

我bb半歲, 以我觀察佢由出世開始, 都幾大脾氣
少少唔鐘意就喊, 同埋有d 怨氣 (成日抖大氣之類)
而家就少少唔鐘意就大叫, 無人理就喊
但有時玩緊玩具都喊 (玩玩具應該是開的的, 為何會喊?!
我想請教, 如果佢係較大脾氣的小朋友, 可以點樣教呢
唔知有冇經驗之談?! 謝謝

anitawong21

原帖由 coupcoup 於 08-8-25 02:14 發表
我bb半歲, 以我觀察佢由出世開始, 都幾大脾氣
少少唔鐘意就喊, 同埋有d 怨氣 (成日抖大氣之類)
而家就少少唔鐘意就大叫, 無人理就喊
但有時玩緊玩具都喊 (玩玩具應該是開的的, 為何會喊?!
我想請教, 如果佢係較大脾 ...

o甘細個真係好難講，唔會說話就只能喊law，正常都會唔鐘意就喊, 除非有自殘，eg打自己、撞頭、就要小心看顧。

我提議玩一些親子大肌肉活動，eg放bb於大毛巾上，兩個大人各持毛巾兩端，幫bb蕩鞦韆；把bb舉高舉低；抱住bb轉；追波波等，當然動作要溫柔，因bb仲好細。仲有盡量教會bb爬行，很多不會爬的bb或爬得小的bb將來入學後，都有或多或少的學習障礙。同埋同他傾多d計，早d學會語言表達，希望會發少點脾氣

可以的話不要讓bb看電視，我是聽說而已!因為看tv時，bb精力無從發洩，只是呆坐望著tv，到冇電視看時癲得仲勁，雖然我不知電視對bb有何嚴重影響，但我家兩個小朋友晚上都很少看電視，試過我們大人頂不住要追看電視劇，大小b又一齊看，其實都是一小時，上床睡覺到半夜，差不多晚晚都有哭鬧，尤其是小b，因為他是很乖，平時晚上甚少喊，結果停看電視就睡的好好

至於玩玩具會喊，你們覺得好玩，但bb未必鐘意，我小朋友約7個月大時，我買了一件電子玩具，又教abc、1-5、認顏色、學形狀、好多function，我個friend都買了一樣的過自己個bb玩，不到2個月被他玩爛。但我家個件，我小朋友玩過幾次就怕左，後來個件玩具放於廚房門口，取代了家中bb欄的位置，直到我多添一小b，亞大看到小b玩個件玩具，才開始不怕它，那時都已4歲