i 位老師的工作

penny_li

我個仔今年入i位, 今日我問老師幾時開始training比亞仔, 佢話未得, 真係有d失望, 佢話要先照顧n1新仔, 到底兼收老師日常工作同責任佢咩? 係唔係間間唔同?

ZAZA

Penny,

不要失望,N1新小朋友真的要加倍人手協助,I位老師除負責6位兼收小朋友的學習外,就是要通校走,協助各班運作順暢.

9月份主要是做評估及安排見冶療師,要先做評估才可設計新課程及目標。多了新同學,孩子也要時間適應。不用急呀!

原帖由 penny_li 於 08-9-1 23:12 發表
我個仔今年入i位, 今日我問老師幾時開始training比亞仔, 佢話未得, 真係有d失望, 佢話要先照顧n1新仔, 到底兼收老師日常工作同責任佢咩? 係唔係間間唔同? ...

cattejim

Penny ﹕
ZAZA 講得啱架！我以前由正常到嚴重弱能都做過，而混合中心都做過，i 位老師係新學年一般都需要先協助n1 仔適應，待校內運作暢順後，才方便逐步同 i 仔做評估。
完成評估後，再為 i 仔度身做適合他們個別需要的課程，務求令他們可以更平均地發展及拉近與一般小朋友的距離，如果家長能配合 i位老師的步伐，咁樣，就可以事半功倍。
記住！正所謂一分耕耘、一分收獲！好坦白，我個女有【重金屬症】，初期自己同佢做評估時，已經發覺有問題，仲同醫生爭辯過，最後，證實有貧血 (3個月大時) ，至10個月大就證實係【重金屬症】，一路由自已跟進，都唔知流過幾多血淚，最擔心係自己教 i 仔，自己嗰個一入就入特殊中心；但係，而家人家就唔多覺佢有事，呢啲就係收穫！唔同你講啦！校車到啦！要接放學啦！得閒再傾啦！拜拜！

penny_li

多謝妳回覆, 令我放心多d, 但有少問題, 個次評估中心個醫生話i位老係社署請返來, 專照顧這些小朋友, 是不應做其他野, 對的嗎?

原帖由 cattejim 於 08-9-5 12:17 發表
Penny ﹕
ZAZA 講得啱架！我以前由正常到嚴重弱能都做過，而混合中心都做過，i 位老師係新學年一般都需要先協助n1 仔適應，待校內運作暢順後，才方便逐步同 i 仔做評估。
完成評估後，再為 i 仔度身做適合他們個別需要的課程，務求令 ...

cattejim

Penny ﹕
評估中心個醫生講得啱，正常情況之下就係咁，但係，全校始終係一個 Team Work，當有問題出現的時候，往往大家也需要「守望相助」、「互補長短」；最重要係對班 i 仔唔好有太大的影響，所以， i 位老師要盡量善用、調配時間嚟同班仔上堂，盡量要每日都上到堂；其實，n 年前已經開始鼓吹將 i 仔混合正常組中，就係想班仔可以有多啲正常嘅學習刺激 (全面性地) ，所以，班主任亦需要學習、正視、承擔和貫徹「融合教育」的意義！這就是團隊精神了！

人，總係有自私嘅一面，我亦唔例外，我做 i 位老師時亦唔太想入組幫咁多，但係，回想吓當自己請假時，班主任嘅工作壓力又大 D 時，班老師平時又好合作咁同我協調係課室內幫班 i 仔時，咁！互補一吓都應份嘅！

係呢！亞仔 / 女個情況係點呢？！醫生話相差幾多？！記住！一個好嘅開始係非常重要嘅！開始咗就要堅持、努力，一路上一定有困難重重，唔緊要，身邊重有人同你共同風雨，我都會支持你！我哋係朋友嚟架嘛，係咪！
Catte

penny_li

亞仔3歲, 言語1月時評估得一歲, 完全唔聽見佢講野, 在等i位期間, 我地同佢做私人言語治療, 個個星期到去, 同做家居訓練, 主要訓練專注力同安座, 加上佢有返n1, 好快佢開始講野, 現在言語大約2歲, 努力向2 1/2 歲出發, 但i位老話唔擔心言語, 返而擔心佢固執同脾氣. 都希望入i位後會慢慢消失啦!

原帖由 cattejim 於 08-9-5 20:22 發表
Penny ﹕
評估中心個醫生講得啱，正常情況之下就係咁，但係，全校始終係一個 Team Work，當有問題出現的時候，往往大家也需要「守望相助」、「互補長短」；最重要係對班 i 仔唔好有太大的影響，所以， i 位老師要盡量善用、調配時間嚟 ...

cattejim

Penny﹕
如果亞仔現正3歲，而言語表達正朝向2 1/2歲出發，且有進步的表現，這是一個好的表現！那麼，他的言語表達方面現正達至甚麼階段呢？！其他各方面的發展表現又如何？(自理、大肌肉、小肌肉、情緒、社交和智能等)
由於語言發展是貫通每一個發展範疇的，所以，如要改善他的脾氣，首先就要使他知道別人是明白他要表達的是甚麼？！有被認同、肯定的感覺；再加上要學習要如何用正面的方法去「表達」出來，這便是最基本要學的。(多去公園玩==>放吓電，同玩泥膠==>發溾吓都唔錯架！)
小女當年同(妳)亞囝一樣，所以，我哋要出動所有身體語言加埋「帶亞媽去指俾我睇啦！」，在家中我要同佢做好多語言方面的訓練，學習發音、建立正確的社交溝通方法和宣洩情緒的方法等，否則，我哋跟本無法溝通到！(好彩自己做過呢行，唔係都唔知點同佢做咁多家居訓練！)
加埋佢嘅平衡力、肌肉張力同耐力都有問題，週不時行行吓都會好容易跌倒，試過跌到 1/ 2塊面都花晒，碌落樓梯都試過 2 次；所以，係 2 歲班番學前，要成日同佢去圖書館睇書同去公園玩，以求多d語言同肌能刺激。
記住！成日要同佢傾多d 計，因為，妳係佢最好、最密切又廉價嘅資源，【亞媽牌】「愛心」係源源不絕嘅，就算俾佢激到彈吓彈吓咁，疑得「喎」佢兩鎚(得個講)都好！見到佢有進步又笑到鬼咁甜，亞媽！睇妳點頂？！仲點舍得 anger 呀？！不過，錫還錫，千祈咪俾佢摸到妳嘅底線同【心太軟】，否則，做起訓練時就會有問題出現架啦！嘩！講到口水都流晒出嚟，就嚟浸嚫妳啦！係咁先啦，拜拜！努力呀！人哋亞媽！我支持妳！

penny_li

真係好多謝妳意見及鼓勵, 初時好唔辛苦, 亞仔返學時間同我返工一樣甘長, 日日放完工, 仲要做訓練, 我知佢好辛苦, 到現在已成習慣, 又見進步, 都好開心, 自理, 大小肌佢OK, 情緒和社交D, 我地成日周圍同佢去, 等佢接觸唔同小朋友, 盡量見多D, 不過點解宣洩情緒會好D?

原帖由 cattejim 於 08-9-9 10:26 發表
Penny﹕
如果亞仔現正3歲，而言語表達正朝向2 1/2歲出發，且有進步的表現，這是一個好的表現！那麼，他的言語表達方面現正達至甚麼階段呢？！其他各方面的發展表現又如何？(自理、大肌肉、小肌肉、情緒、社交和智能等)
由於語言發展是 ...

cattejim

Penny﹕
如果我哋有嘢唔開心、好嬲，會搵人傾吓計、鬧吓人、狂食嘢、做運動.......，總言之各施己法。但係，佢地咁細，就唔識好似我哋咁諗啦！

正所謂﹕【講妳又唔聽，聽妳又唔明，明妳又未必理我】，就好似啞巴咁，試問又聾、又盲、又啞，大家溝通唔到，妳話佢掹唔掹呀？咁撹法，無脾氣嗰個都唔係細路囉！所以，以前我哋 d 講唔到嘢嘅女通常都係掹d 架！


Catte

penny_li

Hi, Catte,

甘妳個女固執嗎? 妳點訓練固執呢? 我成日特意阻止佢, 但係佢會提好耐, 有時又會哭, 但順佢意, 就會好開心, 另外學校每星期有兩堂英文堂, 會唔會令佢言語更加亂?

其實係這裡真係學到好多野, 有時上堂都未必知

妳個女現在點樣?


penny

原帖由 cattejim 於 08-9-9 20:07 發表
Penny﹕
如果我哋有嘢唔開心、好嬲，會搵人傾吓計、鬧吓人、狂食嘢、做運動.......，總言之各施己法。但係，佢地咁細，就唔識好似我哋咁諗啦！

正所謂﹕【講妳又唔聽，聽妳又唔明，明妳又未必理我】，就好似啞巴咁，試問又聾、 ...

cattejim

唏！大小姐就有性格囉！
佢會同妳玩 (喊) 足兩粒鐘+發瘋 ；有時唔想見到妳，就會par 係地吓喊，一陣妳就會見到地吓有一堆「混合物」(眼淚+鼻涕+小便)，間唔中佢仲會偷望吓妳有咩反應；條氣唔順嘅話，就會打我嚟發洩；每次喊完之後，我都會俾人鬧，點解？因為大小姐把聲喊到拆晒，d 人只知佢好可憐，邊個會知  d 分貝有幾高呀！！有時見到隔離屋又會俾人話﹕「個仔話又聽到 xx 噚/晚喊到好大聲喎！做 mu 成日攪到佢喊成咁呀？！」唔知嘅真係以為我係呀【紅姐】呀！(後母也！)

點做？每次、每事都會同佢講明媽媽唔開心  xx 做咗 d mu 嘢，等佢要清楚、明白，否則，發洩完兩粒鐘都唔知自己衰咗 d mu 就冇姑姑兼晒氣啦！如果佢要堅持，就「由她吧！」我仲要裝做唔 angey 咁，係度睇電視、食吓嘢咁，間唔中就俾番個下台階佢，問吓「唔知 xx /個小朋友乖返未呀？！」如果佢唔理我就「大家繼續做戲」，知衰嘅話就同佢傾返計，氹番吓佢，但一定要先俾佢知番頭先衰過 d mu 同應該要點做喎！如果唔係！做完場「大龍鳳」都冇用！當佢大 d 時，就俾條巾巾佢，要佢幫手抹番「灘嘢」，等佢知道要有責任承擔嘅感覺，唔係喊完就算數！

如果佢打我，就俾個 / 樣佢睇，仲要用小小力捉住佢隻手仔同佢講，俾佢知你唔開心 / 有幾唔開心，如有需要就 Time out 佢，如請佢坐係「登仔」度冇得玩或做任何嘢，冷靜吓先！直至佢乖番或者想同媽媽傾計先啦！同樣，一定要俾佢知係衰咗 d mu 嘢？最最重要係點罰 / 玩嘢都好，佢一定要係你視線範圍同確保安全性！乖番嘅就要錫番佢、攬吓佢，等佢條氣又順吓、開心吓！

其實，罰係罰唔好嘅行為 (不理想行為)，最重要係同時要【建立理想行為】同埋因而得到嘅【開心、溫暖】感覺，所以，平時不防多做【福爾摩斯】，細微地發掘佢多 d 叻叻、被欣賞嘅嘢，多加讚賞、鼓勵、多攬攬、多錫錫，知道佢自己叻叻 d mu 嘢，妳估佢想得到 d mu 嘢感覺呀？

中咗！係人都想俾人錫錫架啦！咁樣，佢就會漸漸建立多咗 d 好行為出嚟架啦！佢仲細，感覺係好直接又善忘嘅，所以，妳識做啦！呀媽！辛苦妳啦！ 努力努力！

Catte

penny_li

我都明白真係一件好辛苦工作, 難得妳仲可以形容得甘有趣, 無甘上下eq都做到, 老實講, 我都知成日話唔好打, 唔好發牌四俾佢見到, 但真係好難, 好難, 有時忍無可忍都會做左, 我開始明白d老左亞媽, 點解甘煩, 更係啦! 佢地細個要甘樣教方, 一樣講幾十次, 我有時覺得好煩, 加加埋埋到我老左. 又慣左係甘講, 真係唔甘想.......我會有幾煩

原帖由 cattejim 於 08-9-11 15:29 發表
唏！大小姐就有性格囉！
佢會同妳玩 (喊) 足兩粒鐘+發瘋 ；有時唔想見到妳，就會par 係地吓喊，一陣妳就會見到地吓有一堆「混合物」(眼淚+鼻涕+小便)，間唔中佢仲會偷望吓妳有咩反應；條氣唔順嘅話，就會打我嚟發洩；每次喊完 ...

NGC9

what is i位