請問有無08-09年度K2H家長...快D入嚟傾吓啦

graceshumwy

我問過朋友喇,佢話Oxford RWI亦都係學phonics嘅一種課程,佢係將d letters形象化,佢覺得有少少跟Letterland相似。詳細資料可參看http://www.oupchina.com.hk/RWI/rwi/rwi.htm

個人意見: 兩者相比我覺得jolly phonics好d.

graceshumwy

今日仲派咗張紙仔, 係佢地喺學校寫A-G連圖畫架, PARCO話MISS問佢, A FOR 咩? 跟住就默個A字同劃畫...可能開始會有默書同TEST啦!

graceshumwy

今日派咗kite同art paper, parco話係校長比每個同學喎, 剪咩都得, 鐘意剪咩就剪咩, 仲話可以用其他紙都得添, 我有d驚驚地, 我唔敢用其他紙, 用番嗰兩張算喇. 我都係剪咗好多蝴蝶比佢, 等佢自己貼就算喇.

graceshumwy

SharonFu

係喎! 今日kelly有無收到一個好似ice-cream形的candy呀? 我叫parco比kelly, 佢話有比, 唔知真定假呢?

graceshumwy

lovepooh215

你知道軒軒坐邊個位未呀? 係咪真係坐YO YO隔離呀? PARCO都成日提YO YO, 但又唔係一齊坐喎, 點解亞仔好似同YO YO好熟咁

graceshumwy

唔該晒! 我會睇睇! 軒軒咁又幾好喎, 朋友教琴都著數D啦, 同埋朋友都會有心機教.

原帖由 lovepooh215 於 08-9-26 14:00 發表
學paino 軒軒只學咗1個月咋..係單對單咁上老師屋企, 因老師有三角琴, 我朋友是教琴的, 她說學三角琴是貴過學普通琴, 但老師沒有收貴些...so far 學就開心, 都OK, 但一到練琴就唔鐘意. 學係因為佢話想學.
我唔咁買琴 ...

graceshumwy

PARCO話自己而家係紅組. 你地係咩組呀

graceshumwy

parco 今日講show & tell啦!唔知講成點呢？

係喎！我今日攞咗本08年小學資料睇，九龍城區啟思要成六萬幾蚊一年學費，都幾貴喎，最平係林文燦小學一年一萬蚊咋（我指係直資和私校）出年妮個時間就要搵小學喇，時間好快就到。

SharonFu

hi,
今天收到show & tell通告啦..不過 kelly係講秋天呀..唔係bb時候.要開始幫佢搵d資料呀..我諗每個時段講都有唔同topic.

kelly 上個星期五巳收到那個雪糕糖啦..佢嗰日早走要做眼睛檢查..佢一上車就話parco請佢食呀..拿拿淋放入口食咗囉..今日我都叫kelly送咗2個貼給俾parco呀..唔知佢有無同你講呀..

我現在心大心細想join oxford phonic.一個星期上2堂..但要係炮台山上呀(好遠 )..唔知你地有無人知九龍區有無呀.
jolly phonic..我都聽過有好多人學..你係邊一區學呀..一個師生對幾多學生呀.

我都唔知kelly係咪鐘意彈琴o架......因為我覺得佢唔係識彈琴嗰科. 做戲好似合身一點 (因為佢超多嘢講o架人 )

小學我都有諗o架...最好可以入到一條龍嗰d小學啦 ..但競爭會很大呀所以都要諗埋一d私校.

原帖由 graceshumwy 於 08-9-29 18:10 發表
parco 今日講show & tell啦!唔知講成點呢？

係喎！我今日攞咗本08年小學資料睇，九龍城區啟思要成六萬幾蚊一年學費，都幾貴喎，最平係林文燦小學一年一萬蚊咋（我指係直資和私校）出年妮個時間就要搵小學喇，時間好快就到。 ...

graceshumwy

秋天? 係點架? 要點講架? 好似難度高D喎!

Parco無同我講收到貼紙呀, 平時佢有貼紙會貼喺貼紙簿度, 但佢無同我講過要攞貼紙簿呀, 等我聽日問吓parco先得. thanks!

parco喺tseung kwan o學jolly phonics, 我覺得都教得幾快, 我而家要成日同佢溫習, 唔係跟唔上, 攪到放學後返學前都係好忙, 係咁易都要溫一溫, 唔係怕佢唔記得D嘢.

我問朋友oxford phonics佢話好似得一間咋

你想一條龍呀！咁係咪啫係民生同培正呀？我聽人講有三成幼稚園唔會升番上去民生小學架，所以去考都應該唔難收，培正就反而會難過民生，但培正就中文學校，如果英文弱Ｄ都可以考慮吓我最想係入到喇沙小學同拔卒小學妮兩間都唔使交學費，但又係數一數二名校，唔錯唔錯

原帖由 SharonFu 於 08-9-29 22:18 發表
hi,
今天收到show & tell通告啦..不過 kelly係講秋天呀..唔係bb時候.要開始幫佢搵d資料呀..我諗每個時段講都有唔同topic.

kelly 上個星期五巳收到那個雪糕糖啦..佢嗰日早走要做眼睛檢查..佢一上車就話parco請佢食呀 ...

graceshumwy

綠組...咁啫係唔同PARCO一組 , 不過佢地成日換組架, 遲D可能可以一齊坐都未定

你指十月十六號嗎? 好呀！無問題呀! 到時點相認呀?

原來大軒係大大仔嚟, 佢一定比其他同學叻D啦.

細軒幾大呀? 考幼稚園未? 我細仔都今年考啦, 照考番根德園, 民生, 宣道, 創價. 比起哥哥嗰時考少好多間呀, 因我都望細佬可以入番哥哥妮間, 但聽D媽咪講今年根德園難入, 會好多人競爭, 所以諗多幾間做後備.

原帖由 lovepooh215 於 08-9-30 13:06 發表
大軒好似係綠組. 佢係哥哥, 所以叫佢大軒. 細佬又係軒, 所以叫細軒.

我可能 16號會送佢返學, 不如約一齊.

graceshumwy

HI

今日同兩個仔去咗香薰園玩呀! 都幾好玩喎, 又有個playgrounp比小朋友玩, 又有餵魚, 餵tortoise, 捉金魚啦, 睇薰衣草啦, 又有得bbq啦, 唔知點解入場又無人問要收入場費? 真係低玩啦

graceshumwy

今日PARCO話學校嚟咗個新老師, 係教普通話架, 你地有無聽過呀??

PARCO仲未講SHOW & TELL呀! 老師又收咗D相, 攪到想同佢溫吓睇吓都唔得添.

graceshumwy

PARCO終於話要做本"奇妙的我"啦, 做最後嗰頁同貼貼紙劃畫貼相嗰D, 你地有無做呀?

graceshumwy

PARCO話MISS CHIU講仲有D同學未交奇妙的我呀!! 最後嗰頁一定要做, 因PARCO交咗比MISS CHIU之後, 無比番PARCO呀. 有D要貼相, 貼貼紙, 自己劃都得, 仲有要打手指膜.

原帖由 lovepooh215 於 08-10-3 11:36 發表
大軒無同我講要做奇妙的我.
等我今晚問吓佢先.

graceshumwy

今日PARCO終於做咗SHOW & TELL啦, 佢比上年進步咗, 今次評估係:
線聲適中, 清楚表逹流暢, 有信心,表情就一般.
我都已經好開心啦, 好彩係講認識自己咋, 唔係要講秋天我都唔知點教個仔講好.

KELLY要比心機呀! 一定得!

lovepooh215: 大軒係咩topic呀? (show & tell)

graceshumwy

睇嚟已經教緊加數啦, PARCO妮兩日成日講1+2=3, 2+2=4, 2+3=5. 我問佢點解識, 佢話係MISS CHIU教佢架. 老師真係幾勁, 教到好似背乘數表咁.