協下怪現象，有冇人回應呀

阿西

好奇怪，協下唔係無人講，亦唔係無人讀，選校期時都有人問，亦有人心儀，但奇怪總係開學無耐d topic靜晒，呢兩年都係咁。我響度諗，係唔係忙到回應唔到呢﹖定係開左學，發現校方有狗仔隊﹖定係一入協和就後悔，唔想再回應呢。

自行收生，我最後都幫小朋友報左協下，所以好關心呢間學校既野，但無人回應令我好擔心我所揀係咪正確，點解個個入左去就收晒聲。我真係好想有人回應下，如果間學校真係大不如前，我都仲黎得切轉呀。

如果唔方便公開回應，又或者轉左秘密基地，可否pm。

點先可以令個topic起死回生呢﹖

Queen4

我個女讀協下，出年細佬讀小一，我都報咗協下。協下每年三次評估、三次考試，功課都唔少，都幾辛苦，而且協下活動都好多，如果入嚟讀，家長最好有心理預備，唔好交曬俾學校，自己都要理下呀!

阿西

你個女讀得開唔開心呀﹖你覺得間學校有咩優劣呢﹖多謝你肯解答，我真係好想知多d有關此校。

Queen4

我個女讀得幾開心，但功課都算幾多，協下有很多課外活動，我個女一星期有三個早上參加活動(自願參加)，在晚飯後即刻做功課，有時要做到很夜才可睡覺，這是讀下午校要面對的難題。至於課程方面，比起私小淺，但以津校而言尚算可以，最緊要睇小朋友自己，如果成績好，都可以派到幾好的中學。
另外，我覺得協下的小朋友都幾乖同埋純品，我都好重視這方面!
希望以上分享對您有用。

阿西

有用........好有用...
多謝你 小朋友讀得開心，校風純樸係我最關心既。

dudu19812002

我都幫大女報左協下,星期一就知!!我都覺得唔多人講協下~~~依家知道學校既野,所以都放心好多喇.....