香港既幼兒園流感爆發, 咪就係有呢d家長and學校囉!!!

cupid_joys

我真係唔明有d家長同學校, 明知個小朋友有病,流到成面鼻涕, 咳到塊面都又紅又黑 都仲要比佢返學!!! d工人一係就無sense,一係就唔話得事, 個少主病到七晒彩,摟晒計都照推佢入學校, d小朋友係咪真係返少一堂都驚死蝕底? 係咪嗰日請病假既學費緊要過自己仔女既健康??!!! 試過同唔同既學校(由playgroup開始, 到依家讀緊既pn)反映, 佢哋話只要入校門之前check過小朋友無發燒, 都會照比佢哋上堂, 究竟依家d人, 尤其係香港所謂既教育管理層有無讀過書??? 有無common sense???? 知唔知"鼻涕"同"痰"都會係最最最易傳染比人, 尤其d幼兒仲未有衛生意識, 班房裡面D口水鼻涕會"HIGH"到周圍都有, 有時食茶點佢哋又會連D細菌都"share"埋!!! 香港d學校好驚得罪d無功德心既家長,  又或者可能佢哋想等d家長自己同d病童家長私下解決, 之後日日返學放學都面左左!!! 小朋友返學學係好緊要, 但係如果d小朋友係唔舒服, 又唔識表達, 佢哋咁樣上堂都會辛苦, 我哋大人有傷風感冒返工咩都入唔到腦啦, 更何況佢咁細個!!!

自問真係好小心照顧個女, 之前都好少病, 就係因為個女開始讀pn就成日比人傳染, 早兩日放學見到同班有d小朋友排隊出嚟, 有d流住鼻涕, 有d就已經成面都係乾晒既鼻涕, 好準確地不出兩日內, 我個女就開始又"嚟料", 依家d菌咁惡, 分分鐘攪到成家都傳染埋....

無能(力)既學校+無功德心既家長= 學校流感爆發

[ 本帖最後由 cupid_joys 於 09-4-10 14:50 編輯 ]