點可以令有自閉傾向小朋友坐定,進步,學多d野

titushei

本人小兒剛二歲
21個月時去cac評估出佢有自閉傾向
跟住同佢做好多桌上訓練,四周去:
但現在佢仲係:
1.唔識講野,但好多火星話
2.除自己鍾意玩的玩具(matching 圖形,abc, 123),坐車,等車時,其他一定坐唔定
3.有同佢針灸(銅鑼灣),24次了,停了二星期,結果覺得佢又轉多左車輪,脾氣大左
4.見到人佢唔會怕,會去看著人,眼神好好,肯hello,byebye,但唔敢伸手同人玩
5.捉佢對手去做野,佢會好抗拒,唔比我捉佢隻手(由細到大都係咁)
6.成日流口水,又要咬野,伸隻利出來lai
(由細到大都係咁)
7.8月上左n班,好唔dim,四維走,係咁玩,但老師強硬態度下,佢會坐定一會,先生話佢係有少少進步.
8.開始會手指指,
9.n班時學野好慢,佢要看上好多次才會學做

除了上training 外,本人在家中有什麼方法可以訓練佢進度多d.
我真係唔想佢入s 位,但仲係咁差,無計,一定要入.

January

本人小兒剛二歲
21個月時去cac評估出佢有自閉傾向
* 其實兩歲都係好細, 吾好因為佢有自閉傾向就覺得佢咩都做吾好. 好多正常少朋友都坐吾定架.

跟住同佢做好多桌上訓練,四周去:
但現在佢仲係:
1.唔識講野,但好多火星話
* 我睇返我個仔, 佢細d果陣都係好多火星話. 成日講埋d九吾搭八既野, 一吾識表達佢想講既野, 就是但講d野出來, 吾係就哭. 試下做d字咭或圖咭慢慢學表達. 制造多d機會教佢表達同教佢講野.

2.除自己鍾意玩的玩具(matching 圖形,abc, 123),坐車,等車時,其他一定坐唔定
*好正常, 好多少朋友都係咁. 佢只係兩歲bb來. 有興趣當然會坐好, 冇興趣大人都會走開啦. 試下將d訓練做成有趣d. 我之前故仔仔吸印仔都專登去買thomas既印印返來比佢吸. 我教佢用筷子, 我知佢鐘意花生, 我就買左一包花生來比佢夾. 佢做得好開心. 咪乖乖做晒佢. 佢鐘意恐龍, 我就買左本恐龍連線簿比佢做. 有時太難佢地又吾想做, 太易又覺得悶, 所以要應佢地既能力比野佢地做, 做到咁上下又要轉下, 有d新鮮感. 另外坐吾定可能都會同感統有d關係, 你可以睇下關於呢方面既資料.

3.有同佢針灸(銅鑼灣),24次了,停了二星期,結果覺得佢又轉多左車輪,脾氣大左
*我冇做過吾知. 不過有冇用你先知.

4.見到人佢唔會怕,會去看著人,眼神好好,肯hello,byebye,但唔敢伸手同人玩
*係熟人定係陌生人, 吾好太心急. 比d時間佢地啦. 點解一定要佢伸手同人玩, 只要肯一齊玩已經好好啦.

5.捉佢對手去做野,佢會好抗拒,唔比我捉佢隻手(由細到大都係咁)
*無情情比人捉住做野, 抗拒都好正常. 試下用其他方法.

6.成日流口水,又要咬野,伸隻利出來lai
(由細到大都係咁)
*可能同口肌有關係, 我仔仔到而家都仲係鐘意咬野. 你可以睇下d關於口肌既書. 其實你成日強調由細到大. 其實佢都係做左兩年人仔咋. 比d時間佢啦.

7.8月上左n班,好唔dim,四維走,係咁玩,但老師強硬態度下,佢會坐定一會,先生話佢係有少少進步.
*初初返學多少吾識守規矩, 試下係屋企定返d規矩比佢同學校配合返. 都係果樣, 坐吾定感統可能有d影響.

8.開始會手指指,
* 咁係好事. 多d同佢一齊手指指啦.

9.n班時學野好慢,佢要看上好多次才會學做
*吾好灰心. 我地d小朋友理解可能差少少, 試下將d野拆細每一個步驟來學, 會較快pick up到. 仲有我知道我少朋友學野學得慢, 所以我將佢要學既野, 一早預備好每一個步驟慢慢學, 練習. 等佢吾駛到時學得比人慢既時候會吾開心同冇信心.

除了上training 外,本人在家中有什麼方法可以訓練佢進度多d.
*你可以去圖書館借或買d家居訓練既書來參考下. 另外你有冇上緊st, ot, pt等等既訓練?

我真係唔想佢入s 位,但仲係咁差,無計,一定要入.
*你仔仔而家讀緊s位? 定係你排緊? 如果真係有雖要, 入s位都吾係死刑, 都有小朋友讀左一排出返去讀主流同i位架.

原帖由 titushei 於 09-9-1 00:48 發表
本人小兒剛二歲
21個月時去cac評估出佢有自閉傾向
跟住同佢做好多桌上訓練,四周去:
但現在佢仲係:
1.唔識講野,但好多火星話
2.除自己鍾意玩的玩具(matching 圖形,abc, 123),坐車,等車時,其他一定坐唔定
3.有同佢針灸 ...

Torres

原帖由 titushei 於 09-9-1 00:48 發表
本人小兒剛二歲
21個月時去cac評估出佢有自閉傾向
跟住同佢做好多桌上訓練,四周去:
但現在佢仲係:
1.唔識講野,但好多火星話
2.除自己鍾意玩的玩具(matching 圖形,abc, 123),坐車,等車時,其他一定坐唔定
3.有同佢針灸 ...

Hi titushei,
我阿仔(19個月)都是剛評估為自閉傾向, 同你小兒都有多方面相似! 我都開始同佢在私人or自己在家有好多卓上訓練, 而且買了一張有扶手的櫈比佢坐, 有朝到晚都叫佢坐, 阿仔當然唔係次次聽話, 不過今日發覺佢有進步, 有時佢睇住電視, 唔洗人叫or拉佢埋去, 佢都自己可以坐一陣! 而且今日返小組訓練, 姑娘都話佢坐耐咗, 希望佢再好d!
啦!! 姑娘教我地, 最緊要d玩具玩完一樣就say byebye, 即刻轉第二樣! 因為我阿仔係一名急仔, 咩都要快, 所以要不段有新玩具, 佢先肯坐低做訓練!  你小朋友玩matching都幾好wor, 要佢地坐定定真係好難, 我身同感受, 大家再努力呀!