各位特殊障礙小朋友既媽咪,開學順利嘛?

~仔仔媽咪~

原帖由 rosewong 於 09-9-22 21:09 發表
唔．．．．．．如果有信心中文老師可以配合“手鬆D”，我會嘗試提出，因我清楚自己的出發點純粹希望仔仔可從中得到自信；儘管我也明白這樣做是不太好，但自信心被長期的挫折打擊亦不是好事。
可能我都是「慈母多敗兒」啦！（純粹個人愚見）


...

我都好同意您諗法. 不過頭先幫囝囝溫中文默書,全程我教佢同陪佢寫字,一見佢寫啱咗我就即刻讚佢,佢都好開心!不過我諗都要俾我囝同佢既老師去嘗試,亦都係俾我去嘗試嚴厲既方法,所以呢次就一於去馬,俾個仔去嘗試用正常計分方法去默書,始終都希望佢可以同其他小朋友一樣. 不過我都會同老師傾番呢個問題,等老師都知我仔都好緊張自己表現同成績,等老師可以多留意囝囝日後既情緒而作出適當既調整.後日我囝學校旅行,我成功得到學校既准許,俾我今年小四都跟埋個仔去旅行,小三既班主任已經約咗我旅行嗰日可以一齊傾下閒偈,如果可以既話,真係希望到時可以同埋今年有份教我仔既老師班主任們圍埋一齊傾下偈~~至少都大家都彼此加深了解同溝通.所以,我都超級勁期待又好緊張~~~ 好似仲興奮過我仔自己去旅行咁~~嘻嘻!!!

查實您都係一位好媽咪黎架~!俾多D信心囝囝,亦同時俾多D信心自己啦~!我地咁多位媽咪大家有緣在此相聚,我地日後真係要多D交流分享意見,互相扶持,我都有煩惱同唔開心既時候,都好需要得到安慰同鼓勵既~

講開呢樣,查實我借咗我朋友間中心既地方,搞咗個特殊障礙既家長小組,每個月第二個星期六,下午三時半至五時半,响土瓜灣嗰邊架,如果大家方便既話,都希望大家可以籍此可以KEEP住聯絡&聚一聚,交流下心得,一齊FD下,如果大家有興趣既話,PM話俾我知啦.唔記得講,個小組係免費架.因為我朋友都係免費借地方俾我搞家長小組(超級勁多謝&感激佢!!!).希望有機會可以見到大家啦.

~仔仔媽咪~

重複. pls. delete.

[ 本帖最後由 ~仔仔媽咪~ 於 09-9-23 07:14 編輯 ]

~仔仔媽咪~

原帖由 77777 於 09-9-22 22:09 發表
仔仔媽咪,

其實我今年都遇倒類似問題, 係阿仔d英文字, 不過我好清楚阿仔係可以寫得好好, 只係佢真係無心機, 所以寫得肉酸....如果我個情況, 我會希望老師同我捉佢, 當然希望佢會愈寫愈好....佢寫好小小我都讚倒飛 ...

咁都係既...所以我都諗住得閒搵佢中文老師傾下偈,今日第一次見佢既中文科老師,又同佢傾咗陣偈,雖則之前有老師私底下同我講話佢好嚴好惡,但我又覺得唔係噃...佢非常之NICE NICE,同埋都好識得同我仔相處,我仔仲唔怕佢,响樹古靈精怪添(放學嗰陣時)!所以我都好感恩!所以都無壓力地好想繼續同呢位中文科老師傾多D溝通多D!

我頭先都好似您咁做法,又係少少野已經讚到我仔飛起~!希望佢真係會成長,可以經得起風浪,可以應付到小四既改變啦(學校老師真係明顯嚴格咗,同課程真係深咗好多!)~!

~仔仔媽咪~

不過查實我仔今年開學後真係番學番得好開心~!好鐘意番學,所以我都覺得今年既老師們真係個個都好好!好感激佢地~~~

[ 本帖最後由 ~仔仔媽咪~ 於 09-9-22 22:21 編輯 ]

珀珀,慧慧媽

我個囡今天默中文了,希望她能合格啦,明天又默英文,都唔知點算

珀珀,慧慧媽

原帖由 ~仔仔媽咪~ 於 09-9-22 18:32 發表
呢次輪到我有煩惱...

實情好無又叫今年我仔既中文科老師俾默書分唔好執得咁嚴呢?查實我本身好鐘意呢位老師執我仔D筆順同字體咁嚴架!始終都唔想由得個仔鬼畫符咁畫字同寫得醜樣求其,但係又怕呢期係咁俾老師扣 ...

我個人覺得試下現在的分數先,但又同老師講下妳的擔憂,睇下老師有什麼意見先,因妳小朋友已大了,唔可以永遠都令他滿意的,有時係要他學會接受~~
希望妳明白我講什麼啦

~仔仔媽咪~

原帖由 珀珀,慧慧媽 於 09-9-23 09:11 發表
我個囡今天默中文了,希望她能合格啦,明天又默英文,都唔知點算

今日我仔中英兩科都同一日默書呀,噚晚都只係有時間同佢集中溫中文,英文我無同佢溫,至少有科佢係有心溫習過,我希望會好D啦.

~仔仔媽咪~

原帖由 珀珀,慧慧媽 於 09-9-23 09:15 發表

我個人覺得試下現在的分數先,但又同老師講下妳的擔憂,睇下老師有什麼意見先,因妳小朋友已大了,唔可以永遠都令他滿意的,有時係要他學會接受~~
希望妳明白我講什麼啦 ...

查實我都係咁諗,始終佢都大個仔,無可能要人就佢就到老嘛,始終佢都需要學習,我諗住今日放學或者聽日學校旅行時同D老師傾下偈,等大家都有個共識,可以一齊研究下.

今朝我一同個仔提起默書二字,我囝都面色一沉,全程番學都勁緊張又擔心咁款,希望佢今日可以全力以赴,做到最好啦.查實佢努力過我已經好滿足,噚晚佢溫書雖則炆住咁去抄寫練字,但係佢真係有俾足心機去寫靚D字,之前我要求佢跟住筆順黎寫字,佢都好抗拒,但呢次佢真係自行跟足我教既筆順去寫靚D字,呢下我已經好開心.

rosewong

非常多謝您的邀請！我已PM您，請查閱。
我是否一位好媽咪，我自己都唔知道？
但我真切覺得信心對一個人好重要好重要，自問從小自大都是一個沒有自信的人（我細個讀書ok，自卑係因為體育唔掂及外表等原因），父母亦不曾教導我要接納自己，後來人大了，明白到每個人皆有長處與不足，不再對自己介懷，但自問學生時代過的並不快樂，我不希望亞囝像我一樣，我不需要他名列前茅，我只希望他開心地成長，畢竟時代不同了，讀書叻不代表一切，但讀書唔叻對心理上的影響就很深遠，所以我也不希望他是全班最差的那個（雖然家陣嘅情況都好可能係噤）。
我看您之前的貼文，您提到您囝囝曾經因沒有信心而不想嘗試學習，我看了後真是很感觸（睇到幾乎想喊），亦想起近日我亞囝有時在嘗試新事物時，他會答我：”我唔得架，我唔試啦！”．．．．．．
至於老師的評價，我已學懂不去介懷，亦不敢去介懷，但很難避免地會感到有點沮喪．．．．．．
可過唔緊要啦，見步行步囉，我都相信希望在明天嘅！

原帖由 ~仔仔媽咪~ 於 09-9-22 22:08 發表


我都好同意您諗法. 不過頭先幫囝囝溫中文默書,全程我教佢同陪佢寫字,一見佢寫啱咗我就即刻讚佢,佢都好開心!不過我諗都要俾我囝同佢既老師去嘗試,亦都係俾我去嘗試嚴厲既方法,所以呢次就一於去馬,俾個仔去 ...

[ 本帖最後由 rosewong 於 09-9-23 12:14 編輯 ]

~仔仔媽咪~

原帖由 rosewong 於 09-9-23 11:21 發表
非常多謝您的邀請！我已PM您，請查閱。
我是否一位好媽咪，我自己都唔知道？
但我真切覺得信心對一個人好重要好重要，自問從小自大都是一個沒有自信的人（我細個讀書ok，自卑係因為體育唔掂及外表等原因），父母亦不曾教導我要接納自己 ...

查實我都幾似你,我都係細個到依家都係一個好無自信既人黎,同埋亦好坦白講,自從我仔有呢堆特殊問題後,我又認識多咗又對呢D特殊障礙問題了解多咗,又睇得越多我仔既問題,查實我好知自己都有ADHD同自閉傾向問題囉,只係我地嗰個年代唔會有家長認真去正視呢個問題亦無話會去評估,結果都幾影响到我依家架.

我都同你有同一個信念,都係唔想個仔行我條舊路,我想佢既童年佢既人生係開心快樂過我、亦做人有用有成就過我,至少佢有個自信,好開心好實在地行佢既人生.

所以我地都努力啦!我地一定得!

我收到您PM喇~check PM

[ 本帖最後由 ~仔仔媽咪~ 於 09-9-23 15:22 編輯 ]

~仔仔媽咪~

原帖由 77777 於 09-9-23 11:46 發表
仔仔媽咪,

恭喜您遇倒好老師, 而您仔仔有盡力去溫習, 其實真係一個好好的開始.....我個仔今年肯去擦d肉酸的字, 查實我已經好開心, 上年重同佢打緊交, 佢唔比擦....:;pppp: .

講起默書, 您地可唔可以同老師傾計時 ...

我仔仲要唔係默一次呀,佢上星期學校已經要預默幾次中文,係咁俾唔合格佢,跟住啱啱嗰星期二同今日,英文默書分呢兩日默,噚日英文背默七句,今日又黎多七句要默,今日中文默書正式默囉.我都登我仔辛苦...

zater

原帖由 ~仔仔媽咪~ 於 09-9-23 15:21 發表


我仔仲要唔係默一次呀,佢上星期學校已經要預默幾次中文,係咁俾唔合格佢,跟住啱啱嗰星期二同今日,英文默書分呢兩日默,噚日英文背默七句,今日又黎多七句要默,今日中文默書正式默囉.我都登我仔辛苦... : ...

哥哥今日默書點呀?  兩科一齊默真係好辛苦.

阿囡英文默書都派左, 差 2 分合格, 但對於我黎講已經開心到唔識講野, 有好明顯 ge 進步.

~仔仔媽咪~

原帖由 zater 於 09-9-23 18:44 發表


哥哥今日默書點呀?  兩科一齊默真係好辛苦.

阿囡英文默書都派左, 差 2 分合格, 但對於我黎講已經開心到唔識講野, 有好明顯 ge 進步.

咁一於要讚下囡囡喇~~~查實佢都好鐘意人讚既~~等佢開心吓又有番D推動力做好佢.

原來今日只係默中文呀~!我家肥仔哥寫手冊寫少咗隻'溫'字,變咗係dict... 好彩噚晚無同佢捱夜車溫英文啫,否則今日連中文都未必默得到...暫時默書未派番黎呀,不過我仔話佢今日默書識寫番好多隻字,希望一切順利啦.

~仔仔媽咪~

原帖由 77777 於 09-9-23 21:50 發表
其實預默係咪唔計分, 我指唔當正式, 唔落默書簿.....咁就當係REHEARSAL LAW, 到真正默個時就有把握攞高D分....

我同阿仔都會默好多次, 不過考試就無咁驚.....

英默我地班就無背(都幾驚要背架 ), 係中默有 ...

我之前都好鬼驚我仔要背默架!上年我仔中文開始要背默,我完全都無同佢溫,怕佢太大壓力,始終上年既target都係想佢响讀書上重拾番自信心,今次英默要背七句,原本我都好驚佢做唔到架,點知亞仔又唔知做咩突然升level,我都未教佢D句子點讀點解,佢自己就已經識得讀哂同解哂背默嗰七句出黎~!呢下我都覺得有D驚喜,跟住我試下叫佢每句抄三次然後即場背默,佢又OK掂噃,佢係完全背得番哂出黎,只係中間都有三四隻字大頭蝦串錯咗,但個生字大概既字母組合,佢係拼到D出黎囉.我覺得個仔又是進步咗.

~仔仔媽咪~

原帖由 77777 於 09-9-23 23:56 發表
聽倒真係登您開心, 我覺得好大原因係因為您仔仔d老師接納您個仔, 比好多鼓勵佢, 話比佢聽佢係得, 令您阿仔肯比心機努力, 個下真係好正, 做父母見倒真係重可以求d mud, 我阿仔d老師都係成日比鼓勵阿仔, 等佢有信心,  ...

係啦,始終政府醫院真係麻麻地,好似我老豆呢次生肺can,上年原本我老豆已經覺得有唔妥,已經有要求政府醫院俾佢照下個肺,但出奇地政府醫院話唔俾我老豆排期照喎!結果拖咗一年,我老豆今年六月咳到有血,政府至肯幫我老豆照,結果先至知係肺can,但政府又話無照cancer嗰部機(查實得伊院有一部咁大把),要我老豆自己去私家度照,結果去到養和照完,切埋,個腫瘤成個大人拳頭咁大,個醫生都話個瘤硬到好似舊石咁..依家我老豆原來係第三期cancer,有時諗番都真係幾嬲,點解政府醫院可以咁樣.所以可以應付到既話,真係睇私家會好好多.

珀珀,慧慧媽

原帖由 ~仔仔媽咪~ 於 09-9-23 22:36 發表


我之前都好鬼驚我仔要背默架!上年我仔中文開始要背默,我完全都無同佢溫,怕佢太大壓力,始終上年既target都係想佢响讀書上重拾番自信心,今次英默要背七句,原本我都好驚佢做唔到架,點知亞仔又唔知做咩突然升level,我 ...

妳個囝好叻呀
我個囡今日默英文睇怕都係,因琴晚溫完都係串到一半多d,希望唔好0分就得啦!!

~仔仔媽咪~

原帖由 77777 於 09-9-24 07:09 發表
係呀, 有時政府真係拖得好緊要.....係要您到有好明顯病徵先會有得同您check架....同埋我呢次我食左幾日政府藥, 一d都止唔倒痛, 連個胃都開始痛, 我先找私家, 人地d藥真係新好多, 起碼我個胃唔痛, 而隻腳d痛真係減輕 ...

係啦,就算我仔呢D,政府都係咁既態度,問乜都話無,但你好firm咁堅持要有訓練治療,佢地又會唔知响邊度彈份FORM俾你填,跟住又排到心理學家、行為治療同社交小組,但係一係排好耐都未有聲氣,一係訓練你一排又話個實習姑娘夠鐘走人,跟住個行為治療就咁無咗.結果又係DIY靠自己.

嗰時我仔擺明有ADHD,但政府懶得就懶,個後生女醫生死執住我仔三歲半嗰份評估話我仔只有自閉傾向,但我同佢地講,依家學校係俾我仔反轉再反轉,搞到全校老師投哂降,個教統局心理學家至chop個urgent印要求再見兒童精神科再重新評估,佢地至死死地氣寫FORM轉介我仔再見心理學家,跟住個心理學家再check,都FIRM咗我仔係有ADHD...淨係呢D我已經無咁半條人命.俾佢地激死.

多謝您!查實我老豆本身無食煙,呢次生CANCER我地都好愕然,但都有信心我老豆可以戰勝病魔,會好快好番.

~仔仔媽咪~

原帖由 珀珀,慧慧媽 於 09-9-24 08:45 發表

妳個囝好叻呀
我個囡今日默英文睇怕都係,因琴晚溫完都係串到一半多d,希望唔好0分就得啦!!

查實都好睇小朋友既進度去到邊,我地至有得教囉,嗰時我仔淨係認good morning、good afternoon同埋good night,用咗兩個幾鐘時間教佢,再問番佢,佢何止串唔到又讀唔到,連俾番D字佢睇,佢都認唔番嗰堆字,嗰時我都教到好灰心架...以為個仔呢六年小學生涯都會係咁食蛋,但事實証實咗原來唔係,原來個仔係會不斷大躍進,真係會越黎越好樣俾我睇囉!所以您都要加油!努力同囡囡做多D訓練,我地只要肯努力,實會有成果架~!

依家我地都最主要唔好睇小朋友既成績如何先,最最緊要都係要睇到仔仔女女真係有用心去學去溫習,淨係睇到呢D已經係收成黎架喇!我地已經好開心!

zater

原帖由 ~仔仔媽咪~ 於 09-9-23 22:29 發表


咁一於要讚下囡囡喇~~~查實佢都好鐘意人讚既~~等佢開心吓又有番D推動力做好佢.

原來今日只係默中文呀~!我家肥仔哥寫手冊寫少咗隻'溫'字,變咗係dict... 好彩噚晚無同佢捱夜車溫英文啫,否則今日 ...

肯努力係會有回報 ge, 我阿囡開始體會到喇, 呢期佢自己都好 happy

下星期佢好忙, 有中默, 中文單元小測同數學小測, 希望佢可以 keep 住呢個心態去應付喇

~仔仔媽咪~

原帖由 77777 於 09-9-24 16:41 發表
政府個時係響一年級之前俾過d訓練我個仔, 不過, 可以講作用唔係太大, 不過係學倒一d technic去叫亞仔做野, 反而dore係有d作用, 不過已停左....

反而, 我覺得係d老師成日話比我阿仔聽佢係得, 我阿仔先有動機去努力,  ...

查實我都會覺得係,不過政府有訓練俾到我仔,當然有好過無咁啦.不過查實政府部份訓練我覺得都幾幫到我仔,至少我仔响九龍醫院做咗年幾職業治療,由佢完全寫唔到字,寫一隻字都嗌辛苦嗌手痛,變成依家可以寫到字仲要做齊功課又默書測驗可以合格.呢D真係好幫到我仔,我自己又從中學到好多呢D知識同訓練.

你講中哂!我老豆正是食肉愛好者!佢最愛食肉,至憎食蔬果~!嗰時我地已經係咁話佢咁樣唔掂,到佢年紀大開始有血壓高同膽固醇時,佢至乖乖食番少少菜,但都係好抗拒,只限一日一碟菜,依家生can,營養師又係要佢食得清淡D,要佢餐餐至少食一個飯碗份量既烚菜,佢直頭扭計扭到話呢D邊有人會肯咁食,佢响住院期間直頭玩野唔睬個營養師... 真係成個小朋友咁. 依家我咪係煩緊佢飲食呢樣野囉!我哥又同佢一齊癲,話請唔起工人,依家一出院,佢又是日日由得我老豆出街食飯,又係食埋D唔健康既野,嗰次我淨係客客氣氣懶係提議咁聲話覺得老豆食埋D用微波爐叮既食物唔係咁好,始終有微波,都會致癌,我大佬又係一句得埋黎嗌我中文全名(响醫院病房:;pppp: ),跟住大大聲咁叫我講野唔該有番D科學根據,佢話唔信响食物嗰方面防癌呢家野,又話手提電話夠係靠微波,唔通唔用呀咁話! 跟住我都好無奈答佢:"梗係唔好用啦(我指老豆已經生cancer)!避得就避嘛!"心諗,如果係用佢個思維黎諗野,咁係咪叫人乜都唔好避,食埋煙仲好啦... 我又係外嫁女又話唔到事,但又見住佢兩父子咁樣一齊癲,我都俾佢地激C咗!無野好講!但真係好好好擔心我老豆既飲食.