如發現仔女講大話會怎辦 . ( 初中生 )

Carmen2004121

每次個仔講大話的理由都是話怕我們罵才講大話 . 他們會否明白 . 如他們直接講出事情或要求時 . 我們不接受或罵他 . 但也好過用一個大話來解決他們的要求 . 因事發后除了仍是給我們責罵 . 還會領到我們很傷心 .
請各位家長提供一些意見 .

一家的太陽

到了高小年級或中學的小朋友,
我諗10個有8~9個講過大話.

我會搞清楚佢講大話的原因先,
會檢討自己有無過分地方使得佢講大話來瞞你.
當然會跟佢分析,要求佢與父母要坦誠相對.

Marco-ma

每次個仔講大話的理由都是話怕我們罵才講大話 >>
咁你又可唔可以試下, 下次聽到阿仔講一件事俾你聽,
無論你幾嬲, 你都唔罵佢, 先冷靜自己先 ~
已經發生咗嘅事, 無論你點鬧, 都改變唔到, 係咪 ??
鬧 ~ 亦都已經唔係教初中生嘅方法囉....

我們不接受或罵他 . 但也好過用一個大話來解決他們的要求 . 因事發后除了仍是給我們責罵 . 還會領到我們很傷心 >>
你完全係企係阿媽嘅角度去睇件事囉...
如果企係阿仔角度睇 : 能騙過你, 你唔知就咩事都無啦 !!

某程度上, 係阿媽嘅態度, 影響個仔對你有幾坦白囉...
阿仔初中啦, 無可能一個大話都無,
如果你真係咩都仲想知, 同阿仔傾下 :
不如兩個一齊改啦,  你以後咩都要老實講我聽 ;
我做阿媽就唔隨便鬧你囉......

無一個成功教育嘅例子, 係 "鬧" 返嚟嘅...
阿仔已經進入青少年, 唔好再得個 "鬧" 字啦,
多d用 "傾計" "聆聽" "讚賞" "認同" ,
keep 住家庭關係先係上策...

講多咗, 不喜勿怪...

tinetinew

hi,

  totally agree!種幾多因得幾果,以前我慣性鬧亞仔,搞到亞仔有心事都同個印姐姐講,今年印姐姐冇做,我發覺同亞仔冇計傾,更唔鍾意同我講心事,因好多時我都要佢依我!上咗中一,學校搞咗d講座,我全部都有聽,有好多得著,亦識得一些c9新同事交流心得,發覺真係要多讚美多欣賞多鼓勵!下次發覺亞仔講大話千祈唔好嬲,唔好鬧,等大家都心平氣和才傾返,有錯誤齊齊改善,坦白講我都努力改善同亞仔嘅關係,大家一齊努力吧!

yuk hei mum

原帖由 Marco-ma 於 09-12-20 18:28 發表
每次個仔講大話的理由都是話怕我們罵才講大話 >>
咁你又可唔可以試下, 下次聽到阿仔講一件事俾你聽,
無論你幾嬲, 你都唔罵佢, 先冷靜自己先 ~
已經發生咗嘅事, 無論你點鬧, 都改變唔到, 係咪 ??
鬧 ~ 亦都已經唔係 ...

littleyan

F.1 講大話,他會解釋怕比你罵; 但到了F.3講大話,他會解釋唔想你担心.  簡直笑死人!