請問各位家長,你們小朋友學校有無食水供應

Chanv

我個小朋友每天都會帶700ml食水回學校飲,但有時可能會唔夠飲(因為返全日,小息,lunch,體育堂都要飲水),在學校加水,竟然要寫手冊話要帶夠水上學,其實個書包咁重,帶700ml食水以經很重很重,點解學校唔可以比d水佢地飲,所以想問吓各位家長,你們小朋友學校有無食水供應

喧嘩

有喎, 係咪樓主小朋友未發現到?

Charlotte_mom

通常學校都有DRINKING FOUNTAIN, 就係公園果D呢 , 好多家長都嫌烏糟唔肯用, 我女學校之前流感一黎就封左個機(始終幾百個細路, 好難擔保有人唔生性就咁飲的), 咁就要去校務處裝水, 當然唔係咁方便了
上學期, 家教會支助下, 買左每層樓一部水機, 幾千蚊部要換FILTER果D, 會定期搵人測試水質, 咁我地都放心好多了

原帖由 Chanv 於 10-4-25 12:48 AM 發表
我個小朋友每天都會帶700ml食水回學校飲,但有時可能會唔夠飲(因為返全日,小息,lunch,體育堂都要飲水),在學校加水,竟然要寫手冊話要帶夠水上學,其實個書包咁重,帶700ml食水以經很重很重,點解學校唔可以比d水佢地飲,所 ...

Chanv

學校沒有水機,要加水就要去校務處,仲要寫手冊,以前帶500ml小朋友話唔夠飲,就去校務處加過一次水,果次就口頭通知要帶夠水,所以已經買大d個水樽帶700ml,唔通要帶一升水返學?(個書包本身已經很重,點帶一升水呀,又唔可以叫個小朋友唔好飲水)

是否間間學校也有水機,請各位家長比d意見,我是否需要同學校反映一吓.

[ 本帖最後由 Chanv 於 10-4-25 12:38 編輯 ]