小一學生考試出貓,老師話份卷0分,殘忍嗎？

師奶

各位媽咪我囝近日考試,有位同學出貓,o羅o左佢媽咪同佢溫習個張紙睇，老師話份卷一定0分。我自己都話出貓都不對，但對一位小一學生,係吾係殘忍小小，扣30-40分起碼有小小分數可以面對媽咪。如果發生在自已身上,我會很痛心。
我的想法是否有錯？

judy

絕對正確。

jazzmama

細係細過 d.
若不嚴, 小朋友下次有機會再試.
我仔仔 p1 都試過,
不過佢係做完晒卷時,
拎作業出來, 諗住交功課咋 !
老師當場在卷上寫紅字....(仔仔當晚話我知)
但派返卷時, 老師又比分噃 !
我個人認為分數不重要,
最主要小朋友一開始清楚學習及考試玩法...

Ms.ChanChan

師奶,

心痛還心痛，我覺得仍然係要痛定思痛借這個教訓等小朋友好好記住不誠實的行為後果係會好嚴重。

ejme

我個人覺得應該要受點處分.
在小朋友還小,事情還未去到好嚴重的地步,給他教訓,讓他早點知錯仲好.
如果在公開考試出貓,仲會被取消考試資格添.那時更沒法補救.

WongCW

同意Ms.ChanChan我講法, 我都成日教亞仔唔識唔緊要, 但千萬不可以出貓

Ms.ChanChan 寫道:
師奶,

心痛還心痛，我覺得仍然係要痛定思痛借這個教訓等小朋友好好記住不誠實的行為後果係會好嚴重。

麟媽媽

老師做法正確。
我個仔K.3時英文默書同人傾計，當時外籍老師即收了佢兩個的卷，說："You both got zero!"。我仔還不服氣說默了一大半，無理由零分！但我表明支持老師做法，因學校始終有規列，唔可以比佢地覺得作弊沒什麼大不了，經過今次，以後便會記得，不會再犯。

milkylok

我認為扣30分定扣100都不重要, 老師其實只係想比一個懲罰小朋友, 令佢知道出猫令佢得不賞失, 最緊要父母事後對小朋友作出适當的輔道, 叫佢以後吾好咁做

hoilam

milkylok 寫道:
我認為扣30分定扣100都不重要, 老師其實只係想比一個懲罰小朋友, 令佢知道出猫令佢得不賞失, 最緊要父母事後對小朋友作出适當的輔道, 叫佢以後吾好咁做

絕對認同！

KatieM1203

師奶 寫道:
各位媽咪我囝近日考試,有位同學出貓,o羅o左佢媽咪同佢溫習個張紙睇，老師話份卷一定0分。我自己都話出貓都不對，但對一位小一學生,係吾係殘忍小小，扣30-40分起碼有小小分數可以面對媽咪。如果發生在自已身上,我會很痛心。
我的想法是否有錯？

-100 分 ......   

kittymail

完全認同老帥的做法。
做亞媽的要知道是非對錯，不是扣分問題，不是什樣向父母交代。要個小朋友知對錯，大個才會站得住，不是做事樣樣是是但但。
千其不要做“慈母“，慈母多....。

holiday

個人認為, 小朋友會認為如果扣小小分, 即係錯得小小, 甚至可能係無錯.  被老師罰會好過第日大個係社會比人罰.     

didima

老師絕對正確

Enchante

didima 寫道:
老師絕對正確

Absolutely 100% agree.

師奶

我曾經想過如果發生自己身上，我係會很痛心自己個囝出貓及辛辛苦苦溫習,結果係0分，所以先覺得比小小份數都好,個小朋友始終有溫書。原來我的想法是有問題，同大家討論後,先知我是錯的。

小草

我都認為老師做法正確，但係往後都要作適當輔導(始終只係P.1學生)，留意下佢有無被同學仔笑? 有無被父母太過指責而唔開心等等...

Blythemia

一d都唔殘忍!!而家俾個教訓佢,只係冇左一百幾十分.下次俾心機溫書,一樣可以返轉頭.

一個二十歲人做唔誠實既行為,分分鐘監都有得坐!到時俾佢揀,你估佢想七歲俾人捉到罰佢零雞旦,定係廿七歲俾人拉?

hrsccky

完全認同家長們的回應。雖然小朋友好細個，但正是我們作爲家長盡力教導他們努力成人的時候。
記得有年暑假，我們全家人準備去旅行。由於離飛機起飛還有一段時間，就帶個女去文具店買鉛筆刨，以便在飛機上他們畫畫用。個女看重一粒擦膠，被我拒絕。等我們走出店去吃飯時，發現個女手裏掉出來個粒擦膠。初初問她時，她還講大話，引致我好激氣。我同個女講，“不屬於我們的東西，再好都不可以拿，否則就是偷竊。後果可以好嚴重。假如我們自己開鋪頭，小朋友們都看上中意的

東京mewmew

Blythemia 寫道:
一d都唔殘忍!!而家俾個教訓佢,只係冇左一百幾十分.下次俾心機溫書,一樣可以返轉頭.

一個二十歲人做唔誠實既行為,分分鐘監都有得坐!到時俾佢揀,你估佢想七歲俾人捉到罰佢零雞旦,定係廿七歲俾人拉?

絕對同意, 細時偷針(或出貓), 大時就......

而且, 小朋友細個都重會聽你講, 大個時性格及習慣已經形成, 何況, 佢地又多數會聽朋友說話多過亞爸亞媽, 所以, 細時唔好好教, 大時就無得教架啦 :exclaim:

Blythemia

東京mewmew 寫道:

而且, 小朋友細個都重會聽你講, 大個時性格及習慣已經形成, 何況, 佢地又多數會聽朋友說話多過亞爸亞媽, 所以, 細時唔好好教, 大時就無得教架啦 :exclaim:

係呀,我地做父母既影響力唔會真係維持得好多年架咋,唯有希望而家做定功夫,蓄定對佢好既影響,留番大個慢慢搣.