係咪手臂唔夠力就唔會學識游水??

bbJP

泳班又上過,私人又跟過,但係都學唔識.
佢話好攰wor!佢又唔係唔夠氣,跟阿叔跑成2,3km都ok,不過臂力真係冇,係咪唔会學得識?

Charlotte_mom

我女以前跟過南華會教練
教練話, 有人天生易浮, 有人天生易沉, 我女屬於易沉果種, 游起黎事倍功半, 人地花3分氣力做既野, 佢要用6,7分氣力, 所以要好努力至可以游得好同快
教練仲笑話, 國家隊揀人, 第一種就FOUL呢D, 所以我都無咩要求, 見佢攪黎攪去都游唔快, 識就算了

原帖由 bbJP 於 10-5-11 11:47 AM 發表
泳班又上過,私人又跟過,但係都學唔識.
佢話好攰wor!佢又唔係唔夠氣,跟阿叔跑成2,3km都ok,不過臂力真係冇,係咪唔会學得識?

Rainbowbird

臂力夠吾夠並吾係最主要問題, 有時太大力游反而游吾到前進. 小朋友學游水, 最緊要係幾本功, 例如浮身, 呼吸, 划水, 踢腳... 如果一開始就用錯力或者教練第一時間無做出更正, 小朋友就以為自己游得岩, 之後就一直都用同一個方式去游, 久而久之就成為習慣, 要改就需要較長時間. (可能要搵D比較嚴謹既教練)

原帖由 bbJP 於 10-5-11 11:47 發表
泳班又上過,私人又跟過,但係都學唔識.
佢話好攰wor!佢又唔係唔夠氣,跟阿叔跑成2,3km都ok,不過臂力真係冇,係咪唔会學得識?

2BMa

唔係掛，你估玩舉重咩。:D

bbJP

哎!同朋友仔一齊學,朋友仔學識,佢仲係唔識,咁一對一,教練個個都係咁教架啦!上左2,3個月都唔識....佢淨係話:好攰好攰,要不停不停游先至唔沉,支持唔到.....
我諗佢真係天生唔浮果隻啦!我唔期望佢游得好,只係想佢学識

kenkan0316

其實唔關事,我問你d問題丫!
你企係到你隻手好有力既,你身體其他部分唔配合!會唔會游到水?
唔會!其實游水最重要係講求個配合!
你小朋友幾多歲?
我見過好多小朋友個基本功都味做好,就好心急去做其他既練習.
咁當然游唔好啦!
最緊要一開始,做個個浮身動作,你浮到係到既你身體既外型阻力就減少左好多.
之後就要練習好隻腳仔啦,因為踢腳其中一個功用就係唔好比隻腳仔沉落去.咁自然個阻力就會減小
其實打好個基本功,浮身,踢腳,之後手既配合動作係十分之易架咋!
另外浮唔浮要好睇你緊唔緊張,如果你既小寶貝好緊張既,全身muscle用力,人個密度就上升,自然會沉下去啦.
anyway,希望幫到你啦

[ 本帖最後由 kenkan0316 於 10-5-16 20:20 編輯 ]

jackiefunswim

原帖由 bbJP 於 10-5-11 11:47 發表
泳班又上過,私人又跟過,但係都學唔識.
佢話好攰wor!佢又唔係唔夠氣,跟阿叔跑成2,3km都ok,不過臂力真係冇,係咪唔会學得識?

我有以下幾個問題/意見:
1) 學左幾耐 (總共幾多個鐘?)
2) 隔幾耐學一堂
3) 佢鍾唔鍾意玩水?
4) 教練是否現合小朋友既特質?
以上4項都會好影響佢既學習時間長短, 甚至乎能否學識游泳

• 游水係全身運動, 重點係「手/腳/呼吸既協調」, 如果動作唔配合, 自然就會游得好辛苦。
• 手臂唔夠力, 只會影響推水既動作, 即係前進力不足(游得唔夠快), 不至於因此而唔識游水.
• 游水同陸上運動用既呼吸方式唔同, 所以即使同一個人跑步好, 有氣有力;  但落到水, 可以完全游得唔順 (條氣成日覺得頂住)

[ 本帖最後由 kylie_mom 於 10-5-17 22:22 編輯 ]

kwokfred

應該唔關事架........

閒人一名

絶對唔關事, 正如以上的兩位大大所講,
小朋友的手部動作沒有太大的力量可以產生, 因為小朋友係腳部先發育的.
所以小朋友學唔識絶對唔關佢雙手事