有冇啲小朋友唔會遊魂架?

dong00

因小兒在上堂同做功課時(尤其是寫生字和油顏色時)都會慣性遊魂的, 要駡他才回魂的, 但奇怪的是, 考試前同佢温習, 遊魂的情況又少了很多, 所以我想統計一吓, 到底小朋友遊魂的情況有幾普遍, 又有冇啲小朋友係從來都唔會遊魂的呢? 請各位家長發表吓意見啦! 謝謝!

happyvalley

原帖由 dong00 於 10-5-17 14:21 發表
因小兒在上堂同做功課時(尤其是寫生字和油顏色時)都會慣性遊魂的, 要駡他才回魂的, 但奇怪的是, 考試前同佢温習, 遊魂的情況又少了很多, 所以我想統計一吓, 到底小朋友遊魂的情況有幾普遍, 又有冇啲小朋友係從來都唔 ...

小一時因為適應緊，功課多加上夜瞓及早起坐車，非常遊魂。

kittylam

我大仔遊魂情況非常嚴重，老師已經安排佢坐第一排，佢都可以遊魂遊到佢枱低，喺叫都唔知人叫果種，要佢拍佢先回到魂，差唔多日日都會漏功課，今日仲衰唔肯抄手冊要老師幫佢抄，佢已經好出名，所有教過佢的老師都知包括幼稚園，我都唔知點搞。
做功課如果要抄寫就算詞語6個每個抄5次，佢起碼要抄1個鐘或以上，抄幾次一定去左枱底，但唔喺抄寫嗰D幾樣佢都可以做得好快！

happyvalley

原帖由 kittylam 於 10-5-17 17:51 發表
我大仔遊魂情況非常嚴重，老師已經安排佢坐第一排，佢都可以遊魂遊到佢枱低，喺叫都唔知人叫果種，要佢拍佢先回到魂，差唔多日日都會漏功課，今日仲衰唔肯抄手冊要老師幫佢抄，佢已經好出名，所有教過佢的老師都知包括幼稚園，我都唔知 ...

當年小一等佢寫五個詞語x6，等到我同佢兩個都瞓到流晒口水，最後我幫佢寫，唔係就唔洗瞓。

kittylam

原帖由 happyvalley 於 10-5-17 18:09 發表


當年小一等佢寫五個詞語x6，等到我同佢兩個都瞓到流晒口水，最後我幫佢寫，唔係就唔洗瞓。

抄寫類功課真喺攞命，其他功課就算好多佢又好冇咁樣，唯獨抄幾次果D真喺想死，呢間學校已經好小抄寫功課咖啦，我又做唔出幫佢抄，寧願佢欠交等老師處理，佢又唔喺想欠果種，但抄抄下就控制唔到要靈魂出竅

brian61950

我有個姨甥女恐怖程度可怕到好想捉佢去驗.
她冇補習,父母從不迫佢做練習,日日放學電視+NDS,考試前一晚先溫書,但就永遠名列前矛,問你服未?

happyvalley

原帖由 brian61950 於 10-5-17 18:45 發表
我有個姨甥女恐怖程度可怕到好想捉佢去驗.
她冇補習,父母從不迫佢做練習,日日放學電視+NDS,考試前一晚先溫書,但就永遠名列前矛,問你服未?

偶像

tweety6

我的囡囡現在只是小一生,係從來上堂都都唔會遊魂,因為上學期家家會班主任話:我囡囡係一個萬分專心,專心到右左兩旁同學仔傾談,她都可以唔受影響喎!

原帖由 dong00 於 10-5-17 14:21 發表
因小兒在上堂同做功課時(尤其是寫生字和油顏色時)都會慣性遊魂的, 要駡他才回魂的, 但奇怪的是, 考試前同佢温習, 遊魂的情況又少了很多, 所以我想統計一吓, 到底小朋友遊魂的情況有幾普遍, 又有冇啲小朋友係從來都唔 ...

happyvalley

原帖由 tweety6 於 10-5-17 22:41 發表
我的囡囡現在只是小一生,係從來上堂都都唔會遊魂,因為上學期家家會班主任話:我囡囡係一個萬分專心,專心到右左兩旁同學仔傾談,她都可以唔受影響喎!

...

妳的小朋友咪就係讀得叻的一羣人 law，通常個 d 咪好似我囡囡咁，遊魂。所以乜都慢…個人。

Smalljokerbb

如果她是在香港的主流學校讀書, 就算她是資優(資優都會有範疇)...但繼續以這樣的學習態度, 相信她的"名列前矛"不可能維持太久!! 哈哈,除非你看不到她勤力的一面, 又或許她的父母"吹水"!

原帖由 brian61950 於 10-5-17 18:45 發表
我有個姨甥女恐怖程度可怕到好想捉佢去驗.
她冇補習,父母從不迫佢做練習,日日放學電視+NDS,考試前一晚先溫書,但就永遠名列前矛,問你服未?

ydoris

真係有架..我都相信會係資優OR好聰明既.我2個公主已分別很大啦,大既真係日日環遊世界架,細既話我做野慢,重覆WOR~自動自覺,鐘意睇字典,個個老師都話佢好乖WOR~~
不過吾係考第一,只是成績幾好姐..

原帖由 Smalljokerbb 於 10-5-18 02:53 發表
如果她是在香港的主流學校讀書, 就算她是資優(資優都會有範疇)...但繼續以這樣的學習態度, 相信她的"名列前矛"不可能維持太久!! 哈哈,除非你看不到她勤力的一面, 又或許她的父母"吹水"!  ...

dong00

實在太令人羡慕了!

原帖由 tweety6 於 10-5-17 22:41 發表
我的囡囡現在只是小一生,係從來上堂都都唔會遊魂,因為上學期家家會班主任話:我囡囡係一個萬分專心,專心到右左兩旁同學仔傾談,她都可以唔受影響喎!

...

dong00

統計直至現在為止, 都只有一個小朋友不遊魂, 唔通9X%的小朋友都是遊魂的?

happyvalley

原帖由 dong00 於 10-5-18 18:18 發表
統計直至現在為止, 都只有一個小朋友不遊魂, 唔通9X%的小朋友都是遊魂的?

當然還有我親戚個囡，而家小一，可以係學校做晒功課，老師讚佢叻、靜、聽話、考試科科九十五分以上，百份百超班生。

happyvalley

原帖由 77777 於 10-5-18 21:30 發表
而家先知如來咁多小朋友都遊魂, 無論叻唔叻... 都遊...

見過叻個 d 成績小朋友，個 d 家長咪就係幼稚園開始，已經操寫字、操默書，所以上到小一繼續操，佢地唔可以遊魂，佢地咪就係成績好的一羣。

至於我地呢 d 好心家長，下下愛護愛惜個囡，驚佢辛苦，驚佢唔夠瞓，所以通常我地呢類都成績無咁勁 。

[ 本帖最後由 happyvalley 於 10-5-18 22:46 編輯 ]

zitaeric

我個囡囡4歲,K1,由佢一入學我就話俾佢聽上堂最重要是什麽,第一專心留心;第二小心;第三自律.這幾句佢己經印咗入腦到,上緊堂吾會傾偈,好專心,同學同佢傾,佢都只係笑笑算;做完的習作,還会自動自覺自己再對一次.老師看在眼裏還揾了她當小班長...除了琴琴,我沒有再揾其它課外活動俾佢,只係睇了許多書,由佢最基本的打好基礎,還有好重要的,要讓佢地知道謮書返學係佢地的責任...另外,講多些父母童年讀書的樂趣和佢地分享都好有幫助.

zitaeric

原帖由 happyvalley 於 10-5-18 22:44 發表


見過叻個 d 成績小朋友，個 d 家長咪就係幼稚園開始，已經操寫字、操默書，所以上到小一繼續操，佢地唔可以遊魂，佢地咪就係成績好的一羣。


至於我地呢 d 好心家長，下下愛護愛惜個囡，驚佢辛苦，驚佢唔夠瞓，所以通常我地呢類都成 ...

不過講開,要上堂專心,小朋友一定要有充足的睡眠,吾夠瞓真係嘜都冇用.

另外,阿囡又話吾鍾意包尾,我以為一定係吾鍾意做最差嗰個,佢就話排隊企好;坐好...包尾就好難聽到老師講嘢,話有次同學好嘈,攪到佢聽吾清楚上堂,反應慢咗,做錯指令,好吾開心...