好煩呀! 成日比學校投訴! 要唔要轉學校呀??

衰豬仔

我個仔而家讀緊K1, 開學果陣到而家, 不停比老師投訴呢樣果樣, 我個仔而家排緊期睇過度活躍症, 老師亦不停問幾時可以見醫生, 搞到我好大壓力, 因為呢間幼稚園, 老師會對3年的K1-K3, 係同一個老師, 如果老師對小朋友有偏見, o甘就對小朋友唔好, 大家都好辛苦.

我有唸過同佢轉校, 但又好煩, 呢間幼稚園因為o係正我屋企樓下, 好方便, 唔駛搭車, 一落樓下就係, 但而家o甘, 係咪轉校就會好d呢, 還是去到其他學校都係一樣比人投訴多過食飯, 都唔知點, 有冇人可以比d意見我呀.  

pollybell

投訴邊方面????過度活躍????唔專心..............

衰豬仔

原帖由 pollybell 於 10-5-19 16:05 發表
投訴邊方面????過度活躍????唔專心..............

投訴推撞同學, 咬人, 打人, 唔肯排隊, 唔聽指令, 周圍走, 將d玩具拋來拋去, 掉上掉落等等....

pollybell

咁都幾嚴重,你而家排緊私人要等幾耐,如果私人應該好快,差不多放暑假,你有無同佢報其他學校既K2,我覺得兩手準備,等評估之餘報其他學校,如果暑假前出無問題既,拿報告俾老師睇,心理學家應該會俾意見你,同老師傾下教學方法,如果老師唔想配合就轉校,有時小朋友出現你講既問題可能情緒或者老師既互動都會影響小朋友,教學如經常要安坐有些小朋友活躍些就會覺得悶....如活動教學可以變得好合作.

衰豬仔

原帖由 pollybell 於 10-5-19 16:05 發表
投訴邊方面????過度活躍????唔專心..............

都係過度活躍問題 ?
推撞人, 打人, 咬人, 唔肯排隊, 唔聽指令,
將d玩具拋來拋去, 成日發皮氣.

近呢2個月, 已經訓左幾次留堂啦...

衰豬仔

原帖由 pollybell 於 10-5-19 16:21 發表
咁都幾嚴重,你而家排緊私人要等幾耐,如果私人應該好快,差不多放暑假,你有無同佢報其他學校既K2,我覺得兩手準備,等評估之餘報其他學校,如果暑假前出無問題既,拿報告俾老師睇,心理學家應該會俾意見你,同老師傾下教學方 ...

我而家排緊政府, 呢個月28號有得睇啦, 不過我想睇左醫生先決定啦, 問一問醫生既意見?

pollybell

唔識排隊,唔會將玩完既玩具放好,唔聽指令,不停咁走來走去無時停都係.當然記性差成日唔記得老師叫佢做既野,留底野唔見野,好多架.
K1都要留堂????間學校都幾怪.

原帖由 衰豬仔 於 10-5-19 16:23 發表


都係過度活躍問題 ?
推撞人, 打人, 咬人, 唔肯排隊, 唔聽指令,
將d玩具拋來拋去, 成日發皮氣.

近呢2個月, 已經訓左幾次留堂啦...

gho

有無攪錯，幼稚園都要罰留堂？！我覺得呢間學校 （或者個別老師）唔喺好識處理佢地認為＂唔守規矩嘅學生＂。重喺用緊啲傳統教法。無論你個仔最後有沒有被評為ADHD, 我覺得你都應該考慮吓轉校，因為開心的學習環境對小朋友來講喺好重要。建議你找一些有I-位的幼稚園 （你個仔唔一定要讀I-位）。那裡的老師會更包容和有經驗。

Capricorn2521

係吾係返全日班呀?

因為我有個朋友個仔好叻，好活潑同好有主見，初初返學好快已適應，不過後來，出現好多行為問題..如你所述。有朋友話，返全日班要小朋友長時間嚴肅起來(面對老師)及多多規則，未必人人可以，尤其屋企沒有太多規範的......建議考慮轉半日班，讓小朋友有喘氣的時間，看看情況有否改善。但我朋友沒時間，唯有繼續比人投訴。

不過，既然你28號可以見醫生，就見完先再打算吧。

衰豬仔

原帖由 gho 於 10-5-19 16:48 發表
有無攪錯，幼稚園都要罰留堂？！我覺得呢間學校 （或者個別老師）唔喺好識處理佢地認為＂唔守規矩嘅學生＂。重喺用緊啲傳統教法。無論你個仔最後有沒有被評為ADHD, 我覺得你都應該考慮吓轉校，因為開心的學習環境對小朋友來講喺好重 ...

咩係 " I " 位 ????

衰豬仔

原帖由 Capricorn2521 於 10-5-19 16:59 發表
係吾係返全日班呀?

因為我有個朋友個仔好叻，好活潑同好有主見，初初返學好快已適應，不過後來，出現好多行為問題..如你所述。有朋友話，返全日班要小朋友長時間嚴肅起來(面對老師)及多多規則，未必人人可以，尤其屋企沒有太多規 ...

我個仔已經係讀緊半日制, 其實我仲唸過轉校轉全日制tim, 唔知會唔會好d呢???

SandyCPS

您排政府邊度？點樣轉介？

我小朋友k2，最近也是被老師投訴，3月去健康院睇完，寫紙俾我去尤德兒童智力中心，4月去登記，見左1次姑娘，要等9個月先至見醫生同評估。

Capricorn2521

hum..... 要視乎學校能否接受小朋友的情況，及有否經驗去處理問題。

另外, 要問吓小朋友覺得返學點樣? 知道行為背後的原因，才能對症下藥。

因為我朋友個仔係吾鐘意返學冇玩具玩同冇電視睇，才作出反抗行為。

原帖由 衰豬仔 於 10-5-19 17:06 發表
我個仔已經係讀緊半日制, 其實我仲唸過轉校轉全日制tim, 唔知會唔會好d呢???

衰豬仔

原帖由 SandyCPS 於 10-5-19 17:24 發表
您排政府邊度？點樣轉介？

我小朋友k2，最近也是被老師投訴，3月去健康院睇完，寫紙俾我去尤德兒童智力中心，4月去登記，見左1次姑娘，要等9個月先至見醫生同評估。 ...

我個仔果陣讀緊N1 (2歲多D), 校長已經見意我地帶佢睇醫生, 我地當時都好"差耳", 2歲半就開始睇健康院, 當時醫生就話太細個, 睇唔到D咩野, 又話最快都要等4歲先睇到, 因為都係比學校投訴既問題, 3歲果陣又睇健康院,  排下排下終於可以排到睇醫生咋, 都等左年半啦.

唔知係唔係學校都有幫我追政府排期果度呢, 所以先快D?

gho

I 位是一些特別位給有特別需要的學童。

原帖由 衰豬仔 於 10-5-19 17:02 發表


咩係 " I " 位 ????