想請教有專注力不足小朋友既媽咪 ????

峰仔媽咪

我9歲仔仔現在排緊政府評估，但係要等....，我這年真係比仔仔激到想死，我上綱幫佢做左自我評估，佢10條中8~9條，我已經心裡有數，但係，我真係唔知可以點教，如果真係..我未來可以點做，從日常生活到學校功課，佢都唔聽我教導，好聲好氣到大聲鬧到打到跳起，我同佢關係已經好差，我還有個4歲細仔要照顧，我心裡好急，好想盡快處理好哥哥，多番時間教細仔，我覺得對細仔好唔公平，每天既時間已經不夠用，我要返工，放工要處理家務，煮飯，大細仔功課.....好似一個沒有靈魂既殼一樣，每天放工最令我煩躁就係哥哥，每天都家曹屋閉，好想喊出來，但係......。
希望有媽咪可以指引我可以從何做起。

閒人一名

首先, 對住呢類型的小朋友, 用的態度要係溫和的, 鬧是不建議的. 因為佢地好單純, 只係會記住邊種態度係好的. 同正常的小朋友一樣, 佢地都鐘意你哄佢地, 因此, 我相信你要俾多好多心機去照顧佢.
但係, 千奇唔好忽略你個細仔, 要解釋俾細仔聽, 哥哥的問題, 希望佢可以包容到哥哥.
千萬不要認為小朋友唔明, 佢地都好單純, 雖然分不了事情, 但會接受解釋.
最後, 希望你可以解決到你所面對的問題解^^^

衰豬仔

我個仔都係啦, 由N1-K1 (而家先4歲), 等左年半, 先話有得排政府睇, 我之前都唔知點, 好似好無助, 周圍睇下有咩講座既班, 了解下, 聽下人地既意見, 仲有見下社工囉, 都幫到D既, 起碼將自己唔開心既野同佢講, 講左出o黎, 會舒服d.

我果時個仔2-3歲, 成日比人投訴, 自己好唔開心, 覺得自己問題唔識教, 又比奶奶話唔識教, 老公又唔多理, 又要返工, 鬱埋鬱埋, 個人開始病, 成日頭暈, 斗唔到氣, 周身唔舒服, 睡唔到, 好似想死o甘, 仲以為自己有絕症, 成日cry, 後來朋友介紹我睇醫生, 發覺有焦慮症, 要長期食藥, 而家好d啦, 但我個仔而家都未知係咪有ADHD問題, 所以有問題要講出黎, 唔好鬱埋鬱埋係個心度呀, 搵朋友傾訴下都好.

我而家同妳都係面對呢D問題, 如果真係有ADHD, 我地真係要付出更多努力同愛心對小朋友, 加油呀朋友, 大把人在身邊支持妳的.  

峰仔媽咪

原帖由 衰豬仔 於 10-5-20 13:47 發表
我個仔都係啦, 由N1-K1 (而家先4歲), 等左年半, 先話有得排政府睇, 我之前都唔知點, 好似好無助, 周圍睇下有咩講座既班, 了解下, 聽下人地既意見, 仲有見下社工囉, 都幫到D既, 起碼將自己唔開心既野同佢講, 講左出o ...

好多謝你地回覆。
現在我急須搵評估。另外，想問如果想幫仔仔轉校&留班，會對佢有什麼影響呢 ???

謝謝 !!!

masterunion

原帖由 峰仔媽咪 於 10-5-19 22:23 發表
我9歲仔仔現在排緊政府評估，但係要等....，我這年真係比仔仔激到想死，我上綱幫佢做左自我評估，佢10條中8~9條，我已經心裡有數，但係，我真係唔知可以點教，如果真係..我未來可以點做，從日常生活到學校功課，佢都唔聽我教導，好聲好氣到 ...

我同你既case 好似, 依家排緊政府兒童精神科.
想同佢搵私家醫生睇住先.... 每日放工返去好似打仗禁, 我自己都燥左

catcatchong

行為導正,希望幫到你

http://www.adhdinchinese.org/DispCataMessages.asp?txtOrgCode=ADHD&Category=03-02

Money媽

第一,你先confirm 小朋友係唔係adhd, 你可以叫學校社工refer 你小朋友去做評估,一般學校社工refer 會快d or 你可以打電話去小童群益會講你個case俾佢知,睇吓佢哋有d mug 意見.
我本身小朋友5歲時老師 recommence 我個仔做 IQ test, 結果我係 小童群益會做,IQ 138 但有ADHD, 兒童心理學家俾信我去油麻地兒童精神科, 我小朋友等咗around 9個月先第一次見兒童心理學家,佢會俾問卷要你學校老師同家長做,再等6個月第2次見兒童心理學家,confirm 你係唔係adhd. 因為要等時間太長,係等見油麻地兒童精神科,我就私人開始做行為治療(唔好問係邊間做,因為唔想有人覺得我係賣廣告)
因為小朋友2年級開始有好多功課要做,每日都要同佢打仗,自己開始唔開心,時時想死,有一次個連同我個仔睇行為治療師都發現我有問題,佢就refer我睇心理學家,而且now 小朋友讀international school, 對大家都好d, 希望以後漸漸好.

IwanBB

樓主,

希望以下資料幫到你.

私人執業精神專科醫生(九龍區)
http://www.adhd.org.hk/adhd/images/upload/doctor/DoctorList1.pdf

私人執業精神專科醫生(香港區)
http://www.adhd.org.hk/adhd/images/upload/doctor/DoctorList2.pdf

其實我囝囝都係最近評估為ADHD, 希望BK媽咪能夠分享一下照顧呢類小朋友既經驗, 除藥物外, 仲有咩可以幫助到小朋友呢....