失敗了!

Carolyukk

恭喜各位成功了!但我失敗了!
唉!...
究竟應該隨遇而安,定係努力爭取?
如果努力爭取,應該寫求位信定係可以再報名?抑或打電話才夠誠意?
唉...真係好唔開心!

a1234

我仲未收到信呀！

原帖由 Carolyukk 於 10-7-18 05:19 發表
恭喜各位成功了!但我失敗了!
唉!...
究竟應該隨遇而安,定係努力爭取?
如果努力爭取,應該寫求位信定係可以再報名?抑或打電話才夠誠意?
唉...真係好唔開心! ...

rayto2000

原帖由 a1234 於 10-7-18 20:57 發表
我仲未收到信呀！

我收到取錄信了，校長話今年多了七成人報名，我覺得可能是出生率飆升的關係。

Carolyukk

其實我個人真係好鐘意音小,但老公則慊太單向音樂,我是基督徒,老公不是,但我真係好鐘意音小既宗教和音樂氣氛...

但其實當天in完都知凶多吉小...

老師:為什麼選音小?
我:因為宗教和音樂......音樂可以幫助女兒抒發其負面情緒......
......
老師:你女兒表達上有問題嗎?
我:當然沒有,只是做錯事時她太害怕,怕得不願意說出事件情況......
......
老師:對女兒的期望?
老公:沒有特別,只教要成為好人
......
老師:放假會去什麽地方?
老公:户外活動,但好多時到最後亞女都會發脾氣,而我自己都發脾氣,我都學習緊...(老師有呆一呆登著老公,我則隨即好失望低下頭,忘了立即揾搶答補飛...)
in完家長

步出課室我隨即問老公,問你去邊點解不是答去科學館,海洋公園和濕地公園(因我們真係成日去),不用提你發脾氣,而且亞女發脾氣都係因為臨走,玩到倦,又熱,老公唔抱佢(而我通常已抱住個細既,因細佬更早喊倦!),點知老公仲話傾吓計啫,我唔想攪到大家唔開心,所以無出聲(但心想,如果她是你班主任,你咁講無問題,但現在interview呀,求緊人收個女 )

繼續行...老公:唔怪得知某某(老公舊同學)話音小好怕收d有問題既學生,頭先你話亞女唔識表達負面情緒,佢真係番'du'問你... 我即時眼都紅埋,我心想,大佬呀,你知道點解唔早d講,如果我知道我就唔會咁答...
再加埋老公最後嗰題既答案,相信每個人睇咗都知咩事...

原帖由 ming2 於 10-7-18 10:58 發表


音小係咪真係你最喜歡0既學校??如果係...你先回想一下當日面試自己(家長)有冇咩係做得唔夠好??定係小朋友0既表現未如理想??如果係覺得自己未夠好,有機會係學校覺得大家理念唔相同,所以唔接受...如果自問自己真係好 ...

Carolyukk

續

所以in完已經好唔開心,响度抒發吓,寫長咗,唔好意思!(因唔想在家比d細路見到我因為學校問題唔開心,唔想佢地承受壓力,而且既成事實,所以無同老公呷過!)

另外對亞女的期望方面,無話想投入音樂方面,不知是否認為我們理念不同?!

至於亞女方面,本身怕陌生,所以入去時喊,我陪住佢入去,但我已覺得亞女當日已算快收聲,對於我來說,亞女已經好叻,但明白對於學校來說可能已經out.
但interview既野,我想不大問題吧,但她說做了什麼什麼,都有99.9%同大家講既一樣,當然我唔知她真係做成點.

客觀條件:無做portfolio,無cert.;當日interview湊住細佬佬一齊in...

其實呷完之後,有d覺得都無面寫信求位

但其實除了音小,我實在無想過報其他直資/私校.

[ 本帖最後由 Carolyukk 於 10-7-19 01:57 編輯 ]

Carolyukk

我相信只是地區性派信問題,你星期一就可以收到了!祝 一切順利!

原帖由 a1234 於 10-7-18 20:57 發表
我仲未收到信呀！

katrinafu

原帖由 Carolyukk 於 10-7-19 01:41 發表
我相信只是地區性派信問題,你星期一就可以收到了!祝 一切順利!

認同呀 , 每地區派信時間不一呀 , 等多1-2天啦.

appleycma

我個朋友亞囝得左,但佢in果時都答自己冇宗教,(註我朋友個大仔係讀超級名校,只係驚細佬唔出聲,所以先in其他私小做後備),學校宗教味重.其實我朋友同佢理念都有好大出入,所以應該唔關家長面見事,唔好自責,我個囝都唔得.冇計la,當係取經驗.

[ 本帖最後由 appleycma 於 10-7-19 21:44 編輯 ]

Tweety112

音小都唔收我個仔呢!  非常失望!!!

本人住同區, 基督徒, 仔仔有學鋼琴, 但不是太喜歡音樂、唱歌、跳舞。

音小不是我的心水學校, 可惜面試當日安排上錯誤, 令我們參加下一組interview, 以為我地遲到!? (是否此原因唔收呢!?)。而亞仔超級較慢熱, 當日已經好合作去interview了...  

唉~  其他學校會點呀!!  

moon11395

有些家長覺得音小不是心儀的學校, 我又奇怪為何要去IN呢? 不過香港就是這樣的一個地方...

記得當天我們 IN 時, 老師只是問了我唔夠5 分鐘就出來了, 我心想, 我還未來得及解釋自己平時如何栽培自己個女, 會比佢學什麼什麼, 也沒有任何可以讚個女的機會, 老師便說問完了...我心想, 今次死硬!因為阿女只係讀一般保良局幼稚園, 我們又沒有考好多好多CERT, 眼見其他家長滿口英文, 在我之前的幾個家長IN 了成20分鐘, 心裡實在沒把握。

很清楚記得當天老師問我們, 為什麼會選這間學校, 我的答案很簡單, 就是"認同校長的教育理念", 如果一定要選的話, 我要孩子成為一個品德好的人多於一個有成就的人, 我答得好肯定, 也是不用修飾的一個答案。回想轉頭可能就係這份誠意, 老師也沒有什麼可以問了, 因為有什麼比認同一間學校的理念更重要呢?

各位家長, 你要考的學校是看重什麼的呢? 看重成績的話, 它的理念就是要學生成績優異, 而作為家長也要跟學校有共同理念就是想盡法去谷仔女的成績。如果看重品德的, 家長也要跟學校有相同理念, 明白成績不是最重要。 這兩類學校的教育理念很不同, 每間學校也有它的長處, 谷成績有谷成績的好, 但要明白其實自己的仔女是適合哪類型的學校, 家長又是否能做到跟學校的目標一致呢, 這點確實重要, 否則即使比你入到那間學校, 你和小朋友也不會讀得開心!

原諒我長氣了, 但我只想和大家分享, 真誠和認同學校理念, 必定是INTERVIEW 成功關鍵, 大家一同努力啊!!

katrinafu

原帖由 moon11395 於 10-7-19 16:59 發表
有些家長覺得音小不是心儀的學校, 我又奇怪為何要去IN呢? 不過香港就是這樣的一個地方...

記得當天我們 IN 時, 老師只是問了我唔夠5 分鐘就出來了, 我心想, 我還未來得及解釋自己平時如何栽培自己個女, 會比佢學什 ...

認同你的講法, 沒有一間學校只有優點沒缺點, 我所選的幼稚園都是注重德育, 同樣小學中學都是, 當日老師問我第日想女兒成為什麼的人時, 我說我並不會要求囡囡出人頭地, 名成利就, 我只希望她做個有品德高尚和不自私的人 , 凡事懂得感恩.

從我觀察囡囡和學校跟了3年的老師都認為她是適合活動式教學多D , 太谷和太死記硬背的學校對她來說學習是比較差和難發揮.

我覺得音樂環境學習在香港係比較新和很多人不認識 , 其實都是環境教育法的一種很好的方法 , 其實好多日本, 美國的教育家都建議一些環境教育方法, 讓小朋友學習上得到發揮和改善小朋友對學習上情緒上的幫助和舒緩 .

a1234

仲未收到呀！
話時話係唔會收到reject信或waiting信架?

原帖由 rayto2000 於 10-7-18 23:56 發表


我收到取錄信了，校長話今年多了七成人報名，我覺得可能是出生率飆升的關係。

鍾鍾

我阿女都只係讀一般街坊到唔街坊既幼兒園, 我們亦沒有做任何 portfolio, 亦無滿口英文, 但都ok.

所以我相信音小唔係一定收 "名校" 既小朋友架.....

huba

It worths a talk to get a mutual understanding and agreement with your husband first before attempting the same school or other schools which need to see the parents during the process.

原帖由 Carolyukk 於 19/7/2010 01:13 發表
其實我個人真係好鐘意音小,但老公則慊太單向音樂,我是基督徒,老公不是,但我真係好鐘意音小既宗教和音樂氣氛...

但其實當天in完都知凶多吉小...

老師:為什麼選音小?
我:因為宗教和音樂......音樂可以幫助女 ...

Carolyukk

我明白,謝謝你!

原帖由 ming2 於 10-7-19 19:45 發表


同意講法...個人認為,只要作為家長0既曾經有考慮過...
1. 學校程度夠唔夠深??
2. 英文/普通話程度好唔好??
3. 將來轉校成功機會有幾大??
....etc

相信已經同音小0既理念有所不同了...音小著重0既係個人全能發展, ...

siuyi

moon11395:

我當日見老師時, 情況幾乎同你一模一樣!!!
我地都係in左好短時間...5分鐘左右就出來...
問既問題同答既答案我地都好似~幾乎一樣!!!
哈...我亦一樣未有時間講如何栽培小朋友...
當時我都好心驚...因之前有同學仔家長in左好耐...
點知我地in咁快...心想弊了...
點知...原來又成功左~

今次 in "音小",
我們並無提交個人檔案,
我和丈夫亦不是基督教徒,
更沒有任何證書或獎狀~
因此實在覺得好慶幸,
亦表示 "音小" 並非著重個人成就!!!
應該的確係好睇家長是否認同學校理念及對裁培小朋友的心態!!!

原帖由 moon11395 於 10-7-19 16:59 發表
有些家長覺得音小不是心儀的學校, 我又奇怪為何要去IN呢? 不過香港就是這樣的一個地方...

記得當天我們 IN 時, 老師只是問了我唔夠5 分鐘就出來了, 我心想, 我還未來得及解釋自己平時如何栽培自己個女, 會比佢學什 ...