今日結果--接受中

mybabynbaby

今日見左一朝4個鐘, 真係好累, 佢見語言治療師都OK, 有時都肯講下野, 不過去左醫生個PART可能已經玩左個幾鐘, 又加埋早起, 真係好差, 再加埋個醫生都幾惡下, 呀女坐左15分鐘已經話要"揹書包",見完之後話佢都係懷疑自閉傾向,我0的眼淚又忍唔住啦, 不過醫生話唔想講野既程度都幾嚴重, 遲緩9個月~1年, 聽完真係好心痛, 唔知點做, 醫生叫我地排i位, 協康易唔易報名, 因為好似咩都full哂.

someoneelse

如果醫生建議排I位的話，相信情況不是太差，因為差的是要排S位的....
除協康外，坊間仍有很多私人機構可以幫忙的...試先找出囡囡的核心問題，再上黎問其他家長邊度有服務吧...
Good luck!

原帖由 mybabynbaby 於 10-8-11 18:12 發表
今日見左一朝4個鐘, 真係好累, 佢見語言治療師都OK, 有時都肯講下野, 不過去左醫生個PART可能已經玩左個幾鐘, 又加埋早起, 真係好差, 再加埋個醫生都幾惡下, 呀女坐左15分鐘已經話要"揹書包",見完之後話佢都係懷疑自 ...

BeBe媽媽

mybabynbaby,
你女女幾大呀?
我仔仔1歲十個月大時做評估,言語及語言理解得1歲.又係懷疑自閉傾向.排左I位.
你快D搵多D資料幫佢啦,唔好唔開心!呢個時間最緊要搵方法幫佢呀!
而家都係懷疑,唔好太擔心.

mybabynbaby

佢岩岩3歲, 真係好似行雷咁, 一野劈落我個心, 佢地叫我留意下佢唔係唔好望人, 又好似係, 不過同佢玩身體遊戲("非"高高, "吱"佢)就好肯望人, 望都你實. 玩輪流遊戲都有少少, 不過唔係成日.  玩畫畫or 煮飯仔or泥膠就真係好少, 係俾你o個下先望下你. 玩呢0的遊戲只限玩5-10分鐘, 泥膠就可以耐0的.

我而家好怕, 真係唔知點面對, 又睡唔安, 食唔落, 好冇心機, 好似冇咩都冇意思.

今日同佢去中心,公園又識同小朋友講"一齊玩呀",玩泥膠又識同daddy "daddy, 一齊玩泥膠", 我都真係唔識分.

醫生話自閉冇分黑定白, 即係點介定佢係自閉.
我好煩, 我可以點訓練佢, 定要訓練自己先, 你地會點, 同埋想知我係唔係一定唔可以出黎工作, 但現實又好似唔係好得, 佢訓練乜都要錢, 為左佢出去搵治療已經用左好多..
唔知點算...

Yvonne_ng

你個女都識得叫爸爸一起玩, 即係都識sharing.
我覺得吾算太差.

不過最好俾多d 家居訓練,便會有多些進步空間

我開頭都好似你一樣, 知道個仔係 a仔, 真係吾知點算好.

不過, 我即刻找治療師, 跟住做訓練.
同時帶仔仔多些去不同地方玩, 認識多點不同事物.
情況便開始好起來.

我係home stay mami, 所以都用好多時間在他那裡.
不過, 我有朋友, 佢仔仔都a仔, 但佢都有返工.
所以係睇下你時間點安排.

原帖由 mybabynbaby 於 10-8-12 03:18 發表
佢岩岩3歲, 真係好似行雷咁, 一野劈落我個心, 佢地叫我留意下佢唔係唔好望人, 又好似係, 不過同佢玩身體遊戲("非"高高, "吱"佢)就好肯望人, 望都你實. 玩輪流遊戲都有少少, 不過唔係成日.  玩畫畫or 煮飯仔or泥膠就 ...

owl_2046

醫生話排I位, 咁你個女都唔算差, 只要繼續訓練可以好快追到, 唔好太擔心.
我建議如你都唔可以辭職的話, 盡可能比個囡返全日制幼稚園, 等佢可以獨立D,學多D自理及唔使咁無聊, 星期六就可以出去做其他訓練.
個個父母都希望自己囝囡發展正常, 我地都唔例外, 但事實已發生了, 比自己喊下down下係正常過正常, 但最緊要堅強, 快D振作, 勇敢接受....(雖然係無奈 )
願主祝福你!

原帖由 mybabynbaby 於 10-8-12 03:18 發表
佢岩岩3歲, 真係好似行雷咁, 一野劈落我個心, 佢地叫我留意下佢唔係唔好望人, 又好似係, 不過同佢玩身體遊戲("非"高高, "吱"佢)就好肯望人, 望都你實. 玩輪流遊戲都有少少, 不過唔係成日.  玩畫畫or 煮飯仔or泥膠就 ...

mybabynbaby

心情平伏左0的, 今日叫左個朋友上黎我屋企佢係學校做開評估心理, 我叫左佢睇我個女去公園玩, 同係屋企既狀況(玩0的咩),想聽下佢既意見, 等我可以處理. 佢話我個女應該唔係自閉, 我聽完之後, 都唔係好信, 就聽佢解釋, 佢話初初我未介紹佢之前,佢都發覺點解唔望佢, 後來我叫呀女叫打招呼後, 你個女就有意識望住佢, 而且眼神OK,唔係一眼就算,  你個女會叫小朋友同佢玩, 又會指野俾人睇, 又會望住你對佢喊有冇反應, 我話佢唔係好識溝通同同埋同佢講野唔係好望人, 佢話呢樣野都唔可以話佢自閉, 同佢講野唔係好望人可能係內向, 唔係好識溝通可能認知語言上差, 同冇信心, 同埋佢發覺我個女口肌唔係好鍾意用力, 叫我繼續同佢做言語治療(訓練言語同口肌)同上興趣班(提升自信), 最後佢教我睇份報告, 佢話報告冇寫佢自閉傾向, 係發展遲緩, 話認知差, 我再問即係認知, 佢話認知即係IQ, IQ好似分5樣1.言語, 2.羅緝...ETC, 佢話你個女言語理解, 視覺型, 其他OK, 佢話發展遲緩可以TRAIN UP, 叫我多0的同佢訓練, 佢教左我少少技巧, 其實知道佢有事, 都已經幫佢報多兩個班, 而家有社交班, 言語同興趣班, 黎緊可能報個一個, 等佢多0的訓練, 真係好多謝佢, 都好多謝你地支持我. 謝謝

[ 本帖最後由 mybabynbaby 於 10-8-15 00:08 編輯 ]

mybabynbaby

owl_2046,
同佢搵K1既時候已轉左一次(俾哂$$交哂野), 而家呢間都係半日但就普通幼稚園, 我老公話唔好轉住, 睇定0的先, 因為我地咁轉一轉已經用左萬幾蚊...
希望報多一,兩個班對佢好0的. 好彩既佢可以好快適應環境, 可以一個人上堂, 今日上左個社交班, 老師話佢好過上幾個月個陣時.

lokjoan

mybabynbaby,

其實語言治療師都話OK, 點解醫生會覺得你呀女想講野既程度都幾嚴重?

原帖由 mybabynbaby 於 10-8-11 18:12 發表
今日見左一朝4個鐘, 真係好累, 佢見語言治療師都OK, 有時都肯講下野, 不過去左醫生個PART可能已經玩左個幾鐘, 又加埋早起, 真係好差, 再加埋個醫生都幾惡下, 呀女坐左15分鐘已經話要"揹書包",見完之後話佢都係懷疑自 ...

mybabynbaby

因為我個女一0的都唔想應醫生, 因為一早就見左個語言治療師先, 玩左個幾鐘,都係問佢呢樣咩呢, 咩野要黎做乜, 佢都肯肯地答, 不過呢個語言治療師肯用野食引我個女再講多0的野, 而醫生個邊, 可能已經好累, 我個女坐左5分鐘,就話要揹書包, 即係想走, 我叫佢同醫生玩一陣, 佢都ok, 肯做哂0的野, 但真係唔肯同醫生講野, 醫生同佢講話計時"豆"快, 我個女都唔知係乜, 就話佢唔識玩, 醫生又冇乙水佢, eg俾食物佢, 所以話佢好差.
我同番我朋友(心理學家)講, 我朋友話冇可能同個3歲小朋友玩計時"豆"快, 岩岩3歲未知時間係咩...
不過無論點, 呀女真係講野差人一0的, 不過呢排又進步左, 之前只係識拉住我地同佢玩or拎玩具, 而家會同我地講,要同佢玩咩or拎咩玩具.

lokjoan

其實我想知道, "不為也, 非不能爾", 咁係唔係都算自閉. 我覺得你個女會答語言治療師, 雖然要用野食, 但已證明佢係識答, 有能力答, 只不過要有d好處先肯睬人, 否則的話你俾乜佢佢都唔識so你. 我可能自己在找藉口, 但每個人都有自己性格喜好, 我有時都會唔鍾意同某某人講嘢, 咁咪唔睬佢籮, 或者呢一刻唔想做, 咪唔做籮, 但唔代表我唔識, 呢個係我性格問題, 是我比較自我, 唔係我能力問題, 所以其實我算唔算自閉?! 我真係唔知!

原帖由 mybabynbaby 於 10-8-19 09:44 發表
因為我個女一0的都唔想應醫生, 因為一早就見左個語言治療師先, 玩左個幾鐘,都係問佢呢樣咩呢, 咩野要黎做乜, 佢都肯肯地答, 不過呢個語言治療師肯用野食引我個女再講多0的野, 而醫生個邊, 可能已經好累, 我個女坐左5 ...

mybabynbaby

其實我都唔知點分, 有0的point我都唔係好同意佢地所講, 佢地而家就話呀女發展遲緩, 因為未有固執行為, 佢地話再大0的先知.
不過係唔係都好, 其實知道呀女比正常既慢都想train下佢, 等佢識主動同小朋友溝通, 知道佢咁樣之前, 同佢傾多左計, 等佢答多0的, 唔知係唔係溝通時間多左, 佢講野大聲左, 肯主動左講佢見到既野, 同細路玩既時間多左, 又肯同細路一齊玩佢玩緊既玩具.
另外都有同佢玩認知遊戲, 物件名識好多, 不過點用我就好少同佢講, 另外咩野長d短d,粗d幼d,我都冇同佢玩, 前晚我就拎本練習出黎同佢玩, 原來有好多佢都識分.
有時諗佢係唔係唔重要, 我唔會因為佢有遲緩而遷就佢, 而要佢慢慢從中學習, 只要佢好就得啦~~