要幫小朋友供層樓?

vickycheung36

今天(星期四) 有本雜誌報導, 有家長以免小朋友長大後供樓辛苦. 小朋友幾歲已為他供樓.

本人認為每個人的人生都會經過很多. 要小朋友有美好的將來不是經濟上. 最重要教導她面對困難, 有好的人生觀.
如果樣樣都安排好, 怕他將來失業, 失戀會自殺. 大家怎樣看.:

happyvalley

原帖由 vickycheung36 於 10-10-14 16:07 發表
今天(星期四) 有本雜誌報導, 有家長以免小朋友長大後供樓辛苦. 小朋友幾歲已為他供樓.

本人認為每個人的人生都會經過很多. 要小朋友有美好的將來不是經濟上. 最重要教導她面對困難, 有好的人生觀.
如果樣樣都安排 ...

第時供唔到，個小朋友咪未讀完書就要破產，真的！

atari

這類家長真的為培養"港童"作出不遺餘力的貢獻呀~

whywhywhywhy

我都識有家長幫個小朋友買左個一世的保險，我問佢你個仔到左七、八十歲的保險都關你事？佢話驚佢大個左，佢又死左咁個仔都有保障！但個仔七、八十歲都要你幫佢諗埋，真係大件事！？

呀Bow

現今的小朋友真幸福, 有父母養兒一百歲, 長憂九十九o

愛貓

我只替寶寶買了一份儲蓄保險, 到寶寶十八歲可以全數取回, 心想: 到時候升大學可能需要用錢吧.

如果有父母開始為寶寶供樓, 可能也只是"愛"的一種表現, 為寶寶"做自己能力所能做的", 其實也很簡單, 並沒有對與錯之分.

當然, 教導孩子人生之道德價值觀亦不能缺少.

ttlucky0303

而家0的十幾歲,廿十頭個0的都冇乜求生意志, 只靠父母, 實在見得太多....冇錢使就問呀爸呀媽拎...

ho_yan2406

我都只係供保險咋...樓...我自己都未買得起,幫唔到佢la~

momobbli

錯愛！
孩子的一生，需要吸取失敗的教訓才能成功﹔需要努力過才會懂得珍惜﹔需要受傷才會懂得愛﹔需要挫折才會堅強，祂需要自己體會更多.....
    父母要做的只是需要在旁邊適當的提點已足夠

tinaleung

我都有睇到本magazine, 自己都係做人阿媽, 明白她們都是"愛"小朋友。但個人覺得 , 有時所有野為小朋友安排好晒(過程), 只係俾個結果佢睇, 小朋友係唔會明白, 覺得係理所當然。

Auathena

究竟呢d家長明唔明白什麼才是對小孩子的愛呢？

Joshua_BB

我唸好有錢嘅父母真係會成層樓送俾D仔女, 佢地D仔女根本連供樓都唔駛. 我自問無咁富貴啦, 只會幫佢地買基金保險, 等佢地夠錢讀到大學畢業, 以後嘅生活就要靠佢地自己努力啦.

karenlyk

養兒一百歲,長憂九十九.....
不過人生有啲事應該自己努力才有滿足感,才懂珍惜.

fa_fa

原帖由 momobbli 於 10-10-28 16:01 發表
錯愛！
孩子的一生，需要吸取失敗的教訓才能成功﹔需要努力過才會懂得珍惜﹔需要受傷才會懂得愛﹔需要挫折才會堅強，祂需要自己體會更多.....
    父母要做的只是需要在旁邊適當的提點已足夠 ...

完全認同！我認為在金錢或物質上供到大學已足足！

tantanmama

由我大肚時, 我已打算供層樓俾個女做嫁妝. 我唔係有錢人, 只係諗住俾首期買層百零萬嘅樓, 出租, 由租金供樓. 其實供樓同供教育基金, 出發點也有些相同之處的.
預早為子女打算有錯嗎? 大部份父母都會計劃子女的將來, 相信沒那個小朋友是自己揀幼稚園和小學吧? 其實為子女買樓與培育小朋友德育發展是沒有抵觸的, 大家不要想得太二極化.

machoma928

幫佢比首期可接受, 供樓就over咗, 如果仔女連小小責任都冇, 點長大?

tantanmama

原帖由 gelgelma 於 10-11-24 16:06 發表
點供呀...  宜家買定, 佢大左都變舊樓,等田生收購啦!  你買左, 佢又一定中意咩?

我個人覺得最重要係教育佢,等佢裝備好自己囉, 之後我地又要自己做投資, 令到自已退休後都唔會成為佢地嘅負擔, 咁様已經足夠。 ...

只係俾首期, 由租客代供, 自己每月唔洗補貼好多. 到個小朋友大咗, 佢有需要或鍾意嘅可以入住呢層樓, 唔鍾意可以賣咗佢將d錢當首期供另一層佢喜歡的. 俾仔女多一個選攞唔好咩?
而且買咗層樓俾仔女, 唔代表唔可以教育佢, 裝備佢. 咁當然凡事量力而力, 如果供樓同教學費只能二擇其一, 我一定揀交學費.

[ 本帖最後由 tantanmama 於 10-11-25 10:09 編輯 ]