名校D家長巴閉D?

2ndsister

我朋友個仔係九龍塘某名幼稚園讀書, 佢最近話我知, 某日, 佢個仔同另一個同校既小朋友一齊上興趣班, 咁因為佢個仔有幾聲咳, 佢咪幫個仔帶口罩囉..點知, 果個自以為是的家長, 居然話我朋友好帶個仔返學...又周圍同人講話有冇攪錯...又唔比個仔同我朋友個仔坐, 最抵死係我朋友之前同呢位家長係傾到兩句的...佢唔明點解個位家長要咁做...

無錯, 係人都會緊張自己D仔女, 但洗唔洗咁緊張呀!...不過我朋友話呢個人自以為自己好有$, 個仔又讀名校, 就好巴閉...

但我朋友應該係有$過佢囉...都唔明而家D港童家長諗咩...

GAT

I have same experience in the playgroup too, But it is related to the baby of two other parents, not my baby. I suggest those parents bring their own baby mask with them all the time. when they found other baby coughing near their baby - then they put on the mask on their own baby. then no conflict with others and resolved their concern for transmitting of the viries.

B.B.BaBa

其實睇唔到件事同佢讀名校有何直接關係？

pumpumpurin

只係過份緊張既問題...
與有錢無錢無關...
屈埋其他名校家長似乎不太公道..
係港童家長亦沒有什麼不妥~~

snow228

小朋友有病, 緊係唔想坐佢附近, 合情合理, 有咩問題?  

如果唔舒服最好唔好番學啦

原帖由 2ndsister 於 10-11-19 15:45 發表
我朋友個仔係九龍塘某名幼稚園讀書, 佢最近話我知, 某日, 佢個仔同另一個同校既小朋友一齊上興趣班, 咁因為佢個仔有幾聲咳, 佢咪幫個仔帶口罩囉..點知, 果個自以為是的家長, 居然話我朋友好帶個仔返學...又周圍同人 ...

[ 本帖最後由 snow228 於 10-11-19 16:44 編輯 ]

小曳人

我諗大家緊張自己個小朋友啫~
每個人對"病" 睇法唔同
有d人覺得流少少鼻水 (鼻敏感?)+兩聲咳 (氣管敏感?) 唔算係病, 但坐係隔離嗰個就有可能好緊張!
我同意GAT講, 大家大可自備mask

如果兩聲咳都唔可以返學嘅~ 咁我家大少一年唔知有幾多日返得學..

(對唔住.. 我唔係代表"當事人", 不過.. 想大家明白當今世上呢一群敏感一族.. 佢地係有病, 不過佢地個病係唔會傳染架!)

btw, 巴閉 係性格問題, 同叻唔叻, 係咪讀名校無乜關係!

[ 本帖最後由 小曳人 於 10-11-19 17:12 編輯 ]

迦迦媽爹

名不名校, 身家多少, 應該無關, 係位家長個人既修養問題, 相信絕大部份家長係理性既!

josephts16

比我遇到呢D咁既家長, 我會叫我個仔小心D同果個小朋友玩, 免得惹麻煩.
我覺得家長如果對小朋友既事樣樣都OVER REACT, 會有兩個後果, 一係就個小朋友凡事都要靠個家長, 缺乏自主能力, 一係就乜都唔同個家長, 費事煩.

ho_yan2406

我同阿仔返playgroup都試過,咁岩o個次我有d咳,其實唔嚴重,只係帶定mask穩陣d,有個家長就話之前有人病左,帶mask上堂,之後攪到佢個女都病埋,其他家長都話有帶mask咪得囉,佢話:有病就唔好上堂啦...佢明示緊我有病帶mask上堂係唔岩,我唔應該同個仔上堂....

鴨鴨媽媽

我有個朋友讀維多x亞, 有日學校攪咗個民族節要求d小朋友穿一套民族服, 咁我朋友就自己做了一套亞拉百油長既衫, 返到學校人人話靚. 有個家長走埋來問幾多$$, 我朋友回答好平自己做, 點知個家長好大聲咁同個仔講, 你件衫700幾元, 好貴架. 唔好同d窮人企埋一齊.

orsiuping

我真係唔知呢個社會嘅德育教育係咪失敗，無話大人或小朋友有唔舒服或者仲未好番緊係最好唔返工唔返學啦，除左要休息，仲唔好將病傳畀人；當然，明白有時唔返唔得，或者個病争dd未斷尾啫，襟咪唔該病嗰個戴上口罩，邊度有人叫病嗰個唔使戴，若你怕畀人傳染咩，就自備口罩戴啦，完全無道理！當然，有d人有流鼻水或者有幾声咳係敏感而唔係病，但係外邊嘅人唔係你阿媽阿爸、唔係你d屋企人，邊度有襟清楚你啫，見到你有d襟嘅徵狀，有d避忌都唔出奇，尤其大部份小朋友都唔識用手蓋著口同鼻黎咳同打噴嚏，不過我個女依家未夠兩歲，但已識用手蓋著，不過就教左佢好幾個月喇。

charlotte2008

絕對同意 , 不關有冇錢事 , 个人修養好重要 , 尤其父母應以身作則 , 教好下一代 , 不可以視過高 , 凡事兼卑 , 互相尊重 , 才是美德

原帖由 迦迦媽爹 於 10-11-19 17:28 發表
名不名校, 身家多少, 應該無關, 係位家長個人既修養問題, 相信絕大部份家長係理性既!

kaho140585

沒法了,現在很多病毒,他過分關心是可理解,但為何要大大聲和其他家長分享他的感受,難其他家長是瞎的,看不到那小孩有病,講事講非,當然不是好人,懂體諒,容忍,分享,明是非,才是真正上等人......

chowhui97

其實兩睇啦, 作為病咗個小朋友的家長, 俾咗$梗係唔想小朋友miss咗任何一堂啦!  但係調轉頭諗, 如果見到個小朋友病我都會即刻拿走個女, 因為小朋友病真係好煩, 又唔肯食葯!!

上次係clinic見到個小朋友又咳又流nose水, 我個女想同佢玩我都抱佢走, 同個家長講聲唔好意思, 因為真係唔想個女病!!

cutekiddy

我試過上親子鋼琴班有個家長真係好離譜,佢個仔入到嚟已經面青青,老師問佢mud事,佢話個仔琴晚發燒,今朝比佢食咗藥已經退燒.老師叫佢個仔返屋企休息,佢話無發燒,學費好貴唔想哂.点知佢個仔上上吓堂嘔咗少少,好辛苦係度佢仲要炳個仔無用.

姐姐清潔完之後,佢都係堅持唔肯走.好多家長都忍唔住出聲話佢,個仔唔舒服你仲要o甘逼佢,佢仲話佢有交學費,有權係度上堂.我睇見個小朋友真係都覺得好肉赤,都唔知個家長係mud構造.原本想真係炳wok o甘個家長(我平時見到不平事絕對做得出,仲要係超惡嗰隻),但係又驚個小朋友見到自己媽咪比人鬧會唔開心,最終我同個女起身走人,費事眼yuen.

原帖由 chowhui97 於 10-11-20 00:35 發表
其實兩睇啦, 作為病咗個小朋友的家長, 俾咗$梗係唔想小朋友miss咗任何一堂啦!  但係調轉頭諗, 如果見到個小朋友病我都會即刻拿走個女, 因為小朋友病真係好煩, 又唔肯食葯!!

上次係clinic見到個小朋友又咳又流nose水 ...

[ 本帖最後由 cutekiddy 於 10-11-20 03:41 編輯 ]

magchui

如果真係病係絕對唔應該返學,點講都唔岩,好簡單,小朋友病左就要休息,E生都有講啦,亦唔好返學傳播病菌,廣告都有賣啦,我都身受其害,冇人會知嚴重性幾大,你眼見佢可能只係好少事,但係可能例如手足口呢?有時學校爆發病,都唔係關學校事而係家長知識簿弱,個小朋友病都要返學,為咩呢?有冇諗過傳左俾人個小朋友好無辜?我個仔之前係另一間返兩歲班,岩岩兩歲,同DADDY一齊帶佢入課室坐低玩一陣,我自己就見對面小朋友帶口罩但係就撥左落唻係頸度,我老公就見隔離果個流左兩行鼻涕仲有條舌LAM,完全冇人理,老師好忙,跟住果日我接個仔放學唔夠5分鐘就係咁打乞痴,鼻水不授控咁流,老C打唻傾開我同佢講埋,佢話個小朋友入學校已經好唔舒服,叫左家長帶返去休息,個家長又話個小朋友都冇咩事呀,流鼻涕"咋麻"!!好啦,屋企有個細佬,得7個月大,哥哥岩岩兩歲,要傳染快過打針,細佬岩岩冇晒抗體,完全頂唔到,第2日已經乞痴加發燒,哥哥就微燒,哥哥頂到下,3日好返,細佬要食抗生素足足兩個禮拜先好返,中間食唔到奶訓唔到覺,我自己岩岩有左,都係咁流鼻水,E生話要快D食藥,如果我發燒入面果個好麻煩,我自問個仔岩岩兩歲,佢唔會識得流就自己抹,跟住掉落垃圾桶,跟住洗手同消毒,乖乖帶口罩冇可能,所以我個仔總共冇返5日學,好返9成我都唔俾,點解要咁迫個小朋友呢?點解要咁冇公德呢?哎.....

chowhui97

將心比心, 如果有個係咁咳的小朋友坐埋樓主朋友的小朋友隔離, 就算個小朋友有戴口罩, 相信樓主朋友都會帶小朋友行開少少啦.

做人媽咪點會take任何risk俾自己的仔女病呢?!

tokwawan

我諗樓主朋友應該同那位家長係有計傾既, 既然大家都認, 我就覺得唔需要做得太過著眼囉...難道你的朋友仔女有幾聲咳, 你會立刻拉開你的仔女嗎?...緊張實有, 但需要做得著眼嗎, 咁樣做, 擺明係冇朋友再做啦...

原帖由 chowhui97 於 10-11-20 18:27 發表
將心比心, 如果有個係咁咳的小朋友坐埋樓主朋友的小朋友隔離, 就算個小朋友有戴口罩, 相信樓主朋友都會帶小朋友行開少少啦.

做人媽咪點會take任何risk俾自己的仔女病呢?! ...

summilie

原帖由 鴨鴨媽媽 於 10-11-19 23:08 發表
我有個朋友讀維多x亞, 有日學校攪咗個民族節要求d小朋友穿一套民族服, 咁我朋友就自己做了一套亞拉百油長既衫, 返到學校人人話靚. 有個家長走埋來問幾多$$, 我朋友回答好平自己做, 點知個家長好大聲咁同個仔講, 你件 ...

唔好以為講D 咁既野係會令人無面先得架, 掉假既係自己咋......父母都咁冇品, 可想而知個細既, 遲D 大個會點, 真令人擔心

summilie

原帖由 cutekiddy 於 10-11-20 03:38 發表
我試過上親子鋼琴班有個家長真係好離譜,佢個仔入到嚟已經面青青,老師問佢mud事,佢話個仔琴晚發燒,今朝比佢食咗藥已經退燒.老師叫佢個仔返屋企休息,佢話無發燒,學費好貴唔想哂.点知佢個仔上上吓堂嘔咗少少,好辛苦係度 ...

只可以講, 完來錢係重要過個囝?!