ADHD/自閉傾向/學障小朋友升中問題...=.=

~仔仔媽咪~

我囝今年讀小五,我依家已經四圍搵D學校資料黎睇,,,但係聽埋學校既升中講座,我真係當堂謝哂...好似我囝乜學校都無可能揀到咁...本身我囝有學障,但老師話我囝係讀到書既,小測默書佢可以合格甚至高分,但反而偏偏咁多年以黎考試佢都係中英數常肥哂得十幾廿幾分...再加上佢又有自閉傾向同ADHD(又係扎界)...唔知邊間學校會肯收佢,但又想搵D校風OK嗰D學校...
暫時我係睇港島東區、油尖旺區(佢小學校網)同九龍城區既學校...唔知有邊間真係校風OK而又肯收我囝呢類仔呢...?
我依家都係睇以下呢幾間學校:
東區:
金文泰---我都知係B1,但係見佢係中中,特殊資格老師又有成11位咁多...
漢華---直資,都係B2黎,但聽人講佢呢間學校都似乎出名收我囝呢類有學障既學生,但想知佢校風如何同埋難唔難入.
慈幼英文學校---見佢係B2,又係男校(我偏向想搵男校),但唔知難唔難入...我都知學校都幾傳統同嚴.
油尖旺區....未諗到邊間...=.=
九龍城區暫時都係: 鄧鏡波...又係貪佢係男校,同埋呢間係精神科醫生介紹...所以俾我感覺間學校似乎都OK接受到我囝呢類仔...唔知係咪...
仲有一間朋友介紹既---將軍澳滙知中學(直資)...唔知校風如何....?
查實我好唔介意D學校傳統&嚴格,反而我係屬意想搵呢D多於嗰D話係活動教學既學校囉...同埋最緊要都係校風,因為始終ADHD囝好容易受人受環境影响,如果俾佢去D多曳人既學校番學,佢會更嚴重更失控,相反去番D學生無咁曳既學校,我囝會比較容易受控嗰隻(過去我囝讀小學既經驗)...所以我雖則知個仔成績差,但都想佢搵間校風好既學校...如果有學校校風OK又有小班教學既就更好啦...

有無有經驗既媽咪可以指教下...我真係好徬徨,咩都唔識...又唔知點好...

kikiboy

有冇了解過柴灣間劉永生呀?
我唔記得喺邊度睇過報導, 話佢融合教學做得幾好.
試吓睇吓!

~仔仔媽咪~

原帖由 kikiboy 於 10-11-24 23:54 發表
有冇了解過柴灣間劉永生呀?
我唔記得喺邊度睇過報導, 話佢融合教學做得幾好.
試吓睇吓!

咦...等我又留意埋呢間先...我都有MARK低呢間呀...暫時我都係睇咗東區學校D資料咋...九龍K1網同九龍城區嗰D仲未睇哂...

masterunion

鄧境波校風好一般...

我同你一樣, 個仔p.5. 係ADHA.  佢讀傳統小學好唔開心, 成日比人話.  我想搵間小班教學既中學比佢CREATIVE D.  不過好似得直資中學好D.... 好煩惱