港同 vs 培內僑 vs 播道 (一條龍直資"千禧"學校)

Billyonnie

親愛的各位,

本人與內子一向在小兒的事情上放在前,
是次升讀小一也沒有選九年津貼學校,
而是追隨12年一條龍直資"千禧"學校,
本人做了一點功課, 請給意見, 勞煩!!
想補充一點,小兒性格比較活潑,愛發問!                                                                                 港同          培僑      播道
                 ----        ----     ----
取錄       後補          是         是
校長       剛轉          剛轉     沒有
宗教       沒有          沒有     基督教
語言       中小          中小     英小
呈分        有             沒有     沒有?
雙班主任  小一至三   沒有    小一小
校內試      2次           1次      3次
            (小三開始)

[ 本帖最後由 Billyonnie 於 10-12-4 13:20 編輯 ]

Billyonnie

最心愛的"英華"又不被取錄(300也入不到),
而本人小兒已被"培僑"及"播道"取錄了,
"港同"後備生, 不久可能也收到通知,
這是沒有PLAYBACK之選擇,
古代的"孟母三遷"正是現時的"盲母三千",
本人不想像羊群心態般, 追求名校,
只求小兒快樂學習, 做一位負責及有德行的人,
並不單學會食魚, 而是學會怎樣捉魚的技術,
不被傳統小學之高壓力教育下成長,
真的能做到求學不是求分數嗎??

我想..........
而是12年與學校, 老師, 同學及家長建立一份"情",
可能這關係可能影響了小兒一生之久,
教學理念是重要, 但一般說是容易,
就算校長很有抱負及深而高之教學理念,
但沒有好的老師及家長配合, 還是難行,
所以我們與的學校必要條件是"家教合一",
不知這三所學校真的做到, 特別是"培橋",
聽聞他們的follow up比較鬆散,
方間父母說:寫字筆畫及文法沒刻意改正.
真的很難取捨, 怎為小兒作決定呢?

祈禱是唯一可能找到答案吧!!

Naurto

我覺得三間都是好學校。感覺上播道較傳統, 有愛心，英文不算深，培僑普通話突出，中文好。港同不清楚。你最好在每間學校放學後跟家長聊聊，可能會更清楚.....

motherotk

I like 港同 most

原帖由 Naurto 於 10-11-29 05:15 發表
我覺得三間都是好學校。感覺上播道較傳統, 有愛心，英文不算深，培僑普通話突出，中文好。港同不清楚。你最好在每間學校放學後跟家長聊聊，可能會更清楚..... ...

goo_littlebb

同意，找些家長傾傾，對你更有幫助，我都係咁搵料因有同事係user
補充少少，播道今年第一屆小五，已決定會呈分

原帖由 Naurto 於 10-11-29 05:15 發表
我覺得三間都是好學校。感覺上播道較傳統, 有愛心，英文不算深，培僑普通話突出，中文好。港同不清楚。你最好在每間學校放學後跟家長聊聊，可能會更清楚..... ...

ziyi

如果參考港同的網頁,港同應該是小一至小六都是雙班主任制
而港同是千禧校舍,是30個班房的表準千禧小學,但只開了24班,所以無記錯上到小三定小四時,一些主科是分組上堂的
每2年會重新編班,但不是以成績,目的是希望小朋友能認識新的同學

而EC是自行設計的校舍,中小學在同一校舍.不是千禧的

原帖由 Billyonnie 於 10-11-27 00:05 發表
親愛的各位,

本人與內子一向在小兒的事情上放在前,
是次升讀小一也沒有選九年津貼學校,
而是追隨12年一條龍直資"千禧"學校,
本人做了一點功課, 請給意見, 勞煩!!
想補充一點,小兒性格比較活潑,愛發問!              ...

Charlotte_mom

樓主,
睇得出你都好有心機做功課

ZIYI亦補充了, 港同小一至小六都係雙班主任, 高小數學會分組(5組, 最叻同最唔叻果2班會較少人), 英文有CO-TEACHING, 學校4個NET, 另有PART TIME NET, 中英數成績唔好, 學校會安排補底

原帖由 ziyi 於 10-11-29 10:12 AM 發表
如果參考港同的網頁,港同應該是小一至小六都是雙班主任制
而港同是千禧校舍,是30個班房的表準千禧小學,但只開了24班,所以無記錯上到小三定小四時,一些主科是分組上堂的
每2年會重新編班,但不是以成績,目的是希望小朋 ...

ggoo

我都響播道及港同之間掙扎著好耐,今日決定放棄港同,冇去註冊,好唔舍得.

ziyi

唔緊要啦,幻想一下,小朋友係一個咁大校園埋生活學習(兩個千禧校舍的size),是一件多麼開心的事
附近又空曠,又近家,每個月還省仟幾元的校巴錢,小朋友又可以不用7點就上車
幾好,唯一唔好是沒有得同我家的馬騮囡做同學而已

原帖由 ggoo 於 10-11-29 11:05 發表
我都響播道及港同之間掙扎著好耐,今日決定放棄港同,冇去註冊,好唔舍得.

goo_littlebb

唔緊要唔緊要, 同唔到ziyi馬騮囡做同學, 依家可以同我家怪獸囡做囉

原帖由 ziyi 於 10-11-29 11:14 發表
唔緊要啦,幻想一下,小朋友係一個咁大校園埋生活學習(兩個千禧校舍的size),是一件多麼開心的事
附近又空曠,又近家,每個月還省仟幾元的校巴錢,小朋友又可以不用7點就上車
幾好,唯一唔好是沒有得同我家的馬騮囡做同學而 ...

ggoo

ziyi:
我相信播道及港同都是好學校,本來想兩間都註冊再考慮清楚,但個心又有D過意唔去,所以最後放棄港同,希望我冇揀錯.
goo_littlebb:
你囡囡讀緊幾年班?因為我冇朋友響播道讀,想了解英文占既比例有幾多呢?

ziyi

係啊,我所認識的人,如果有小朋友係EC/HKUGA讀的,都說是好學校,喜歡學校,愛上學,所以你絕對唔會選錯的
但我仍然要說,我唯一不喜歡EC是她的收生流程而已
其他的沒有問題.亦因此令我有根針在心裡,所以未有HKUGA offer下,我都沒有再想叩門.
不是她不好,只是心裡唔舒服
希望有機會見面,始終大家都是將軍澳人,街坊

原帖由 ggoo 於 10-11-29 11:52 發表
ziyi:
我相信播道及港同都是好學校,本來想兩間都註冊再考慮清楚,但個心又有D過意唔去,所以最後放棄港同,希望我冇揀錯.
goo_littlebb:
你囡囡讀緊幾年班?因為我冇朋友響播道讀,想了解英文占既比例有幾多呢? ...

goo_littlebb

ggoo,
我女都係下年小一呀, 同你既同年.
探子回報, 播道叫做係英文學校, 佢既英/數/常都係英文教, 中係普+廣, 另有一科普通話科, 再有宗教/音樂/PE/Creative Tech呢d就係英文教材+中英文教.
用英文機會都多, 雖然外間話佢英文淺, 但佢較重運用, 例如默書唔會只默返個生字, 會俾句仔你理解再寫返個字出黎或者用黎作句, 而且數/常都係英文教, 所以都係練緊英文理解力.
中文甚至係叫深既(當然可能同名校比叫淺啦), 因P2已經要識認讀1500個字, 鼓勵佢地自己識睇書.
功課壓力唔大, 每日最後一堂都係功課堂, 返屋企都係三幾樣, 一個鐘做得哂, 如有錯請指正~
我對個女無乜要求, 總之壓力唔好咁大, 佢真係自動自覺學習已經好夠, 而且希望佢有個正確既價值觀, 希望播道可以做到我想既野.
佢收生流程的確係有做得唔好既地方, 我都好明白其他家長感受, 希望學校汲取教訓之後可以有所改善~

原帖由 ggoo 於 10-11-29 11:52 發表
ziyi:
我相信播道及港同都是好學校,本來想兩間都註冊再考慮清楚,但個心又有D過意唔去,所以最後放棄港同,希望我冇揀錯.
goo_littlebb:
你囡囡讀緊幾年班?因為我冇朋友響播道讀,想了解英文占既比例有幾多呢? ...

[ 本帖最後由 goo_littlebb 於 10-11-29 12:51 編輯 ]

Naurto

兩間都係好學校....

Charlotte_mom

讚你為其他小朋友設想, 希望你小朋友鐘意播道生活

我果時考播道, 都好鐘意呀....如果佢收埋我個仔, 我估我都會好掙扎, 不過(((好彩)))佢唔收, 我煩少樣

原帖由 ggoo 於 10-11-29 11:05 AM 發表
我都響播道及港同之間掙扎著好耐,今日決定放棄港同,冇去註冊,好唔舍得.

yy0601

請問各位，程度方面，港同會不會比播度深一點呢？還是差不多呢？

Billyonnie

EC的盧校長身兼多職,
他是小學校長, 又是中學校長
老師之年資有點green,
話說小一小二之雙班主任制,
不知是真嗎??
英小但無net老師,
---------
小兒個性是樂天, 開朗及非常好動,
喜歡探索, 愛發問, 好創作,
對陌生環境或人很快適應,
專注力低, 即坐不定, 但記性強,
所以對一些45分鐘以上的面試,
很不容易集中,  
這一般也是港童的特徵吧, 特別是男生,
---------
所以"播道"是一所很有愛心的學校,
以正面教育為依歸,
不責罰, 多鼓勵, 多稱讚, 數優點,
但往往會變成無汪管, 沒教訓,
欠缺責任.......etc
---------
聽說"播道"是一所很傳統的學院,
不是小兒個性的活動教學,
是嗎??
---------
而"培橋"是否不呈分呀??

bobo0529

Hello, 大家好!! 我囡囡今年入讀播道小一, 返學至今, 已經超過3個月, 可以比少少意見各位參考. 第一, 每天小朋友都很喜歡返學, 從未試過因當天要測驗默書就想唔返學, 眼見所有入讀小一的同學仔, 每天都開開心心上學去(因為我每天都會湊囡囡返學才上班). 第二, 校長和老師對個個同學都好有愛心, 很用心教導小朋友. 第三, 課文方面, 本人覺得, maths和general sense都幾深, 比較下, 英文就淺得多, 家長們要有心理準備, 中文就會用普通話和廣東話教學, 但囡囡都可以用普通話讀簡單的課文和詩句, 相信和其他小學沒有分別吧. 至於港同課程深淺, 本人就不大清楚, 原因上年就只報讀播道書院一間, 如有不對, 請多多指教!!!

原帖由 yy0601 於 10-11-29 13:44 發表
請問各位，程度方面，港同會不會比播度深一點呢？還是差不多呢？

goo_littlebb

EC開校只是5年, 相信老師年資Green不無道理, 這個我知的不多不能評論.

小一至三都是雙班主任的, 一中一英, 有net但好像得一個.

正面教育未必係寬鬆, 要睇學生本身是否受教罷了, 至少我知班主任係會打電話通知家長學生在學校發生甚麼事或者學習情況係點. 你說的無王管, 沒教訓, 我未在EC聽過, 但我反而去另一間學校面試時聽過該校家長親身講確有其事, 而且朋友給的意見亦的確有其事, (唔係EC), 但邊間我唔方便講了.

是否活動教學, 要睇你對活動教學的concept是甚麼, EC也是上堂老師講學生學, 再有分小組學習~

培僑是否呈分不清楚, 但我去面試時, 副校話過小六升中一, 其實對他們來說只是升班由G6升G7, 所以沒有特定的要求要考幾多分才有得升, 而且也預計所有學生直升班的.

原帖由 Billyonnie 於 10-11-29 14:11 發表
EC的盧校長身兼多職,
他是小學校長, 又是中學校長
老師之年資有點green,
話說小一小二之雙班主任制,
不知是真嗎??
英小但無net老師,
---------
小兒個性是樂天, 開朗及非常好動,
喜歡探索, 愛發問, 好創作,
對陌生環 ...

[ 本帖最後由 goo_littlebb 於 10-11-29 15:14 編輯 ]

Charlotte_mom

我唔清楚播道做法呢
港同都係用POSITIVE RE-INFORCEMENT, 但唔係完全無"罰"的
例如無做功課, 要去勤學室補做
周圍跑(有跑步徑唔用), 就要去靜思區罰坐
做左其他"壞事", 一樣無小息, 更嚴重的, 當然有更嚴重既後果了

講個例子: 有次放工返屋企, 我女拎功課出黎俾我對, 佢話"我無帶數學作業, 老師叫我用紙做"
於是俾左本"簿"我睇
"哦"完之後, 唸唸下.....咪住, 老師幾時叫佢搵紙做?
我女話"我打電話返學校問老師丫嘛, 老師叫我搵紙做LOR"
果本自製校簿, 我女竟然連封面都畫埋(有粒星, 下面姓名班別學號), 然後係功課, 最後一版係我女寫既道歉信"X老師, 對不起, 我今天忘記帶數學作業....."
我有D想鬧鬼佢, 仲咁有閒情逸志花時間畫封面, 唸唸下, 佢自己解決晒成件事, 算了!

其實以我觀察, 小朋友習慣咩都可以同大人講, 心裡真係無咩秘密, 隨住佢一路成長, 親子溝通可以更緊密呢

原帖由 Billyonnie 於 10-11-29 02:11 PM 發表
所以"播道"是一所很有愛心的學校,
以正面教育為依歸,
不責罰, 多鼓勵, 多稱讚, 數優點,
但往往會變成無汪管, 沒教訓,
欠缺責任.......etc