返PG返到好唔開心......

dolphinmama

小兒自11個月起接觸playgroup,至今已經年半有多,小兒現在2.5歲了,加加埋埋接觸過超過10個老師了,在小兒2歲前,可以說所以接觸過他的老師都會對他有正面評價,亦可能因為這樣,現在的我才會這樣難受.......

trouble2,小兒真的一踏入2歲後就開始黎料,上堂不再乖乖的坐著,你叫佢講/唱/睇,等等指令,他可以說不再合作,就是這樣,漸漸地收到老師的投訴,說他呢樣個樣,孩子是明白的,他完全感受到老師的不滿,他也漸漸地討厭了學習,可以說近這3,4個月是完全停滯了,我和爸爸都很心痛,不是因為他"退步"了,而是他跟我們說:"唔去xx返學!"我們呆了,莫非那兒的老師對他真的冷淡到如此地步?

現在,我決定不再讀那個pg了,這會是製造港孩的第一步嗎?我真的好矛盾,但我又覺得,pg唔同幼稚園,我付出了一定的學費,換來的是孩子的自個形象下降,而且完全學不到知識,站在"消費者"立場確是不值啊!

有一點要提一提,小兒返的pg,全都是長期課程,不是一兩個月貨仔的遊戲班,現在令他返得好唔開心的那班已經讀了7個月,小兒討厭那班的程度已經到了一換衫出街,無論是去什麼地方都好,都會說"唔去xx返學"

其實另外還有其他班的老師都有間中"投訴"下佢,不過佢仍然樂於出席,所以......唉........

梅媽媽

你好,我覺得你停左小朋友返緊既pg係正確的,其實應該更早停.一睇到佢因長大對學校熟習了想有更多的自由時,你就應該停止pg一段時間.
  依家佢係一個自我認識非常重要既階段,(佢覺得自己識好多野,自己同大人一樣咁叻所以想挑戰權威,其實係好正常嫁 )你依家先係屋企教好佢個性格(等佢知道要守規矩,要有禮貌....)再俾佢返學學野都未遲.
  事實上過一段唔返學既時間,小朋友會慢慢明白自己能力既限制,了解多左自己同身邊人佢會穏定返. 小朋友既頑皮係一段段時間嫁,過左又正常返啦!不過二歲bb反叛期要好好教,加油

恩林

我決定不再讀那個pg了,這會是製造港孩的第一步嗎?

我覺得"會".....
不過你覺得問題係好大的話, 咁都要停讀, 不過你最好同小朋友講清楚, 傾條件, 問佢想讀乜野, 當然要經你挑選過至俾選擇佢, 日後就算小朋友又發生同樣問題時, 你就可以同佢講: "d個係你自己選擇, 你唔滿意自己嘅選擇嗎? 如果唔喜歡, 當初點解你又選擇d個班?"
將個問題pase番俾小朋友, 等佢地自己諗, 要小朋友明白自己的責任, 所以唔好佢一句話唔喜歡, 咁就"就"晒佢~!!

我大仔一上小一就覺得辛苦, 我就同佢分析日後路向, 又引用佢喜歡嘅野代為職業, 佢就明白宜加佢嘅責任係讀好d書...

你唔好咁易心軟, 咁都係為你小朋友好姐~!!

dolphinmama

謝謝你們的意見!
那pg我是真的停了,小兒真的開心了很多,在家中也認真了,乖了,這是我感到安慰的!
有時他也會耍脾氣,我便對他說:媽媽為了你開心,你想唔返xx就唔返了,現在我只係要你乖,你做唔做到?他便真的乖乖地做番好我的要求了!
其實對一個兩歲半的孩子來說,這已經很不錯了!我現在只期望他快點忘記在那pg上受過的不愉快經歷,做回一個快樂的孩子!
我不知道其他孩子會如何,但小兒是一個在課堂上有什麼不快的經歷後,回家便會怪怪的,特別扭特別唱反調,這應該是他不會用言語表達,只能靠這些負面情緒來發洩吧!

GAT

of course if the boy hate the playgroup, you should not force him to go. Because this is not a school. A school will have more attention to him and help you how to cure the problem.

I think you are doing the correct thing for him!

Are you a full time mom? my son also getting naught during this 2-3 years old period. I believe part of the reason is that I am not a full time mom, and he tend to take advantage of the maid.

CatEgg

點解1年半入面接觸超過10個老師咁多ge?

原帖由 dolphinmama 於 11-1-18 18:10 發表
小兒自11個月起接觸playgroup,至今已經年半有多,小兒現在2.5歲了,加加埋埋接觸過超過10個老師了,在小兒2歲前,可以說所以接觸過他的老師都會對他有正面評價,亦可能因為這樣,現在的我才會這樣難受.......

trouble2,小 ...